(Video) ରାଲିରେ ୫୦୦ ଟଙ୍କିଆ ନୋଟ୍ ଉଡାଇବାର ଭିଡିଓ ଭାଇରାଲ, କଂଗ୍ରେସ ନେତାଙ୍କ ନାଁରେ ମାମଲା ରୁଜୁ
ନୂଆଦିଲ୍ଲୀ: କର୍ଣ୍ଣାଟକରେ କଂଗ୍ରେସ ପ୍ରମୁଖ ଡିକେ ଶିବକୁମାରଙ୍କ ବିରୋଧରେ ନୋଟ ଉଡାଇବାକୁ ନେଇ ମାମଲା ରୁଜୁ ହୋଇଛି । ଡିକେ ଶିବକୁମାରଙ୍କ ଏପ ଭିଡିଓ ସାମ୍ନାକୁ ଆସିଛି । ୨୮ ମାର୍ଚ୍ଚରେ କର୍ଣ୍ଣାଟକର ମାଣ୍ଡ୍ୟା ଜିଲ୍ଲାରେ ଏକ ଯାତ୍ରା ସମୟରେ ଶିବକୁମାର କଳାକାରମାନଙ୍କ ଉପରକୁ ୫୦୦ ଟଙ୍କିଆ ନୋଟ୍ ଫିଙ୍ଗିଥିବାର ଦେଖିବାକୁ ମିଳିଛି । ଭିଡିଓ ସାମ୍ନାକୁ ଆସିବା ପରେ ମାଣ୍ଡ୍ୟା ଗ୍ରାମୀଣ ପୋଲିସ କର୍ଣ୍ଣାଟକ ପ୍ରମୁଖଙ୍କ ବିରୋଧରେ ମାମଲା ରୁଜୁ କରିଛି । ଏହି ମାମଲାରେ ଶିବକୁମାରଙ୍କ ବିରୋଧରେ ଅଜ୍ଞାତ ଅପରାଧର ମାମଲା ରୁଜୁ କରିଛି ପୋଲିସ ।
ଡିକେ ଶିବକୁମାରଙ୍କ ଯେଉଁ ଭିଡିଓ ଭାଇରାଲ ହୋଇଛି, ସେଥିରେ ସେ ‘ପ୍ରଜା ଧ୍ୱନି ଯାତ୍ରା’ ସମୟରେ ପ୍ରବଳ ଭିଡ ମଧ୍ୟରେ ବସ ଉପରେ ଠିଆ ହୋଇଥିବା ଦେଖିବାକୁ ମିଳିଛି । ସେହି ସମୟରେ ସେ ନିଜ ପାଖରୁ ବହୁତ ୫୦୦ ଟଙ୍କିଆ ନୋଟ୍ ତଳକୁ ଫିଙ୍ଗୁଥିବା କ୍ୟାମେରାରେ କଏଦ୍ ହୋଇଛି ।
#WATCH | Karnataka Congress Chief DK Shivakumar was seen throwing Rs 500 currency notes on the artists near Bevinahalli in Mandya district during the ‘Praja Dhwani Yatra’ organized by Congress in Srirangapatna. (28.03) pic.twitter.com/aF2Lf0pksi
— ANI (@ANI) March 29, 2023
ପୋଲିସର କହିବା ମୁତାବକ, ମାଣ୍ଡ୍ୟାରେ ଏକ ସ୍ଥାନୀୟ କୋର୍ଟଙ୍କ ନିର୍ଦ୍ଦେଶରେ ମାଣ୍ଡ୍ୟା ଗ୍ରାମୀଣ ପୋଲିସ କେପିସିସି ଅଧ୍ୟକ୍ଷ ଡିକେ ଶିବକୁମାରଙ୍କ ବିରୋଧରେ ମାମଲା ରୁଜୁ କରିଛି ।
