ହାଇଦ୍ରାବାଦରେ ପଞ୍ଚମ ଥର ବିଜୟୀ ହେଲେ ଓୱାଇସି, ବିଜେପିର ମାଧବୀ ଲତାଙ୍କୁ ୩ ଲକ୍ଷରୁ ଉର୍ଦ୍ଧ୍ୱ ଭୋଟରେ କରିଛନ୍ତି ପରାସ୍ତ
ନୂଆଦିଲ୍ଲୀ: ହାଇଦ୍ରାବାଦ AIMIMର ଗଡ଼ ଭାବେ ପରିଚିତ । ଚାରି ଥର ସାଂସଦ ଏବଂ ଅଲ୍ ଇଣ୍ଡିଆ ମଜଲିସ୍-ଏ-ଇତ୍ତେହାଦୁଲ ମୁସଲିମୀନର ପ୍ରମୁଖ ଅସଦ୍ଦୁଦୀନ ଓୱାଇସି(Asaduddin Owaisi) ହାଇଦ୍ରାବାଦ ଲୋକସଭା ଆସନରୁ ବିଜୟୀ ହୋଇଛନ୍ତି । ତାଙ୍କୁ ମୋଟ୍ ୬ ଲକ୍ଷ ୬୧ ହଜାର ୯୮୧ ଭୋଟ୍ ମିଳିଛି । ଏହି ବିଜୟ ସହ ସେ ତାଙ୍କ ପ୍ରତିଦ୍ୱନ୍ଦୀ ମାଧବୀ ଲତାଙ୍କୁ ୩ ଲକ୍ଷରୁ ଉର୍ଦ୍ଧ୍ୱ ଭୋଟରେ ପରାସ୍ତ କରିଛନ୍ତି ।
ହାଇଦ୍ରାବାଦରେ ୨୦୦୪ ମସିହାରୁ ଓୱାଇସି କ୍ରମାଗତ ଭାବେ ଲୋକସଭା ନିର୍ବାଚନ ଜିତି ଆସିଛନ୍ତି । ଏହା ପୂର୍ବରୁ ୧୯୯୪ରୁ ୧୯୯୯ ମସିହା ପର୍ଯ୍ୟନ୍ତ ତାଙ୍କ ପିତା ସୁଲତାନ ସଲାହୁଦ୍ଦୀନ ଓୱାଇସି କ୍ରମାଗତ ଭାବେ ଏହି ପଦରେ ଦବଦବା ହାସଲ କରିଥିଲେ । ଏହି ବିପୁଳ ବିଜୟ ପରେ ଓୱାଇସିଙ୍କ ଏକ ଭିଡିଓ ସାମ୍ନାକୁ ଆସିଛି ଯେଉଁଥିଲେ ସେ କହିଛନ୍ତି, ‘ମୁଁ ଲୋକଙ୍କୁ ଧନ୍ୟବାଦ ଦେବାକୁ ଚାହୁଁଛି କାରଣ ସେମାନେ ୫ମ ଥର ପାଇଁ ମୋତେ ବିଜୟୀ କରିଛନ୍ତି । ମୁଁ ହାଇଦ୍ରାବାଦବାସୀଙ୍କୁ ବିଶେଷ କରି ମହିଳାଙ୍କୁ ଏବଂ ପ୍ରଥମ ଥର ଭୋଟରଙ୍କୁ ଧନ୍ୟବାଦ ଦେବାକୁ ଚାହୁଁଛି ଯେଉଁମାନେ AIMIM ଦଳକୁ ଐତିହାସିକ ସଫଳତା ପ୍ରଦାନ କରିଛନ୍ତି ।’
#WATCH | AIMIM chief and party's candidate from Hyderabad, Asaduddin Owaisi says, "…I would like to thank the people as they have given the success to Majlis for the fifth time. I would like to thank the people of Hyderabad, especially the youth, women, and first-time… pic.twitter.com/h5CEveilKJ
— ANI (@ANI) June 4, 2024
