କ’ଣ ଭାରତୀୟ ସେନାରେ ଚାକିରି କରୁଛନ୍ତି ପାକିସ୍ତାନୀ ନାଗରିକ ? ଯାଞ୍ଚ ପାଇଁ କୋର୍ଟଙ୍କ ନିର୍ଦ୍ଦେଶ
ନୂଆଦିଲ୍ଲୀ: ଭାରତୀୟ ସେନାରେ ପାକିସ୍ତାନୀ ନାଗରିକଙ୍କ ନିଯୁକ୍ତି ମାମଲା କଲିକତା ହାଇକୋର୍ଟ ସାମ୍ନାକୁ ଆସିଛି । ଏହି ମକଦ୍ଦମାରେ ସେନାବାହିନୀରେ ଦୁର୍ନୀତି ହୋଇଥିବା ଅଭିଯୋଗ ହୋଇ କୁହାଯାଇଛି ଯେ, ନାଗରିକତ୍ୱ ଯାଞ୍ଚ ନକରି ସେନାରେ ନିଯୁକ୍ତ କରାଯାଇଛି । ଏହି ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି କଲିକତା ହାଇକୋର୍ଟର ଜଷ୍ଟିସ ରାଜସେଖର ମନ୍ଥା ସିଆଇଡି ତଦନ୍ତ ନିର୍ଦ୍ଦେଶ ଦେଇଛନ୍ତି । ଏହି ମାମଲାରେ ପାକିସ୍ତାନର ଗୁପ୍ତଚର ଏଜେନ୍ସି ଆଇଏସଆଇର ସମ୍ପୃକ୍ତି ନେଇ କୋର୍ଟ ଆଶଙ୍କା ପ୍ରକାଶ କରିଛନ୍ତି । ହୁଗଲି ବାସିନ୍ଦା ବିଷ୍ଣୁ ଚୌଧୁରୀ ଜୁନ୍ ୬ରେ କଲିକତା ହାଇକୋର୍ଟରେ ମାମଲା ଦାୟର କରିଥିଲେ ।
ସୂଚନା ଅନୁଯାୟୀ, ଦୁଇ ଜଣ ପାକିସ୍ତାନୀ ନାଗରିକ ବାରାକପୁର ଆର୍ମି କ୍ୟାମ୍ପରେ କାମ କରନ୍ତି ବୋଲି ଅଭିଯୋଗ ହୋଇଛି । ସେମାନଙ୍କ ନାମ ଜୟକାନ୍ତ କୁମାର ଏବଂ ପ୍ରଦ୍ୟୁମ୍ନ କୁମାର । ଖବର ଅନୁଯାୟୀ ସେ ପାକିସ୍ତାନରୁ ଆସିବା ପରେ ଭାରତୀୟ ସେନାରେ ଯୋଗ ଦେଇଥିଲେ । ସରକାରୀ ନିଯୁକ୍ତି ମାଧ୍ୟମରେ ସେମାନଙ୍କ ନିଯୁକ୍ତି ମଧ୍ୟ କରାଯାଇଛି । ପରୀକ୍ଷାରେ ଆବଶ୍ୟକୀୟ ଦଲିଲଗୁଡ଼ିକରେ ନକଲି ଦେଇ ଉଭୟ ଚାକିରି ପାଇଛନ୍ତି ।
ଏପରି ନିଯୁକ୍ତି ପଛରେ ଏକ ବଡ଼ ରାକେଟ ଅଛି ବୋଲି ଚୌଧୁରୀ ଦାବି କରିଛନ୍ତି । ସେ ଅଭିଯୋଗ କରିଛନ୍ତି ଯେ, କେନ୍ଦ୍ର ସରକାରୀ କର୍ମଚାରୀ ଚୟନ ଆୟୋଗ (ଏସଏସସି ଜିଡି) ପରୀକ୍ଷା ମାଧ୍ୟମରେ ଅନେକ ପାକିସ୍ତାନୀ ନାଗରିକ ଭାରତୀୟ ସେନାରେ ବିଭିନ୍ନ ପଦବୀରେ ଚାକିରି ପାଇଛନ୍ତି । ଏହି ଅଭିଯୋଗ ପଛରେ ଏକ ବଡ ଗ୍ୟାଙ୍ଗ ସକ୍ରିୟ ବୋଲି ସେ ଅଭିଯୋଗ କରିଛନ୍ତି । ଏଥିରେ ବହୁ ରାଜନୈତିକ ନେତା, ପ୍ରଭାବଶାଳୀ ବ୍ୟକ୍ତି, ଏପରିକି ପୋଲିସ ଏବଂ ସ୍ଥାନୀୟ ପୌରସଂସ୍ଥା ମଧ୍ୟ ଜଡିତ ଅଛନ୍ତି ।
ନକଲି ଡକ୍ୟୁମେଣ୍ଟ ପ୍ରସ୍ତୁତ କରି ପରୀକ୍ଷାରେ ବାହାର ଲୋକଙ୍କୁ ଅନ୍ତର୍ଭୁକ୍ତ କରିବା ପାଇଁ ବ୍ୟବସ୍ଥା କରାଯାଉଥିବା ଅଭିଯୋଗ ହୋଇଛି । ମଙ୍ଗଳବାର ଦିନ କଲିକତା ହାଇକୋର୍ଟରେ ଜଷ୍ଟିସ ରାଜାସେଖର ମନ୍ଥାଙ୍କ ସମ୍ମୁଖରେ ଏହି ମାମଲାର ଶୁଣାଣି ହୋଇଥିଲା । ଦେଶର ସୁରକ୍ଷାକୁ ଦୃଷ୍ଟିରେ ରଖି ଏହି ଅଭିଯୋଗ ଅତ୍ୟନ୍ତ ଗମ୍ଭୀର ବୋଲି ବିଚାରପତି କହିଛନ୍ତି । ଏହି ମାମଲାରେ ଦଳ ଗଠନ କରିବାକୁ ସେ କେନ୍ଦ୍ର ସରକାର ଏବଂ ସିବିଆଇକୁ ନିର୍ଦ୍ଦେଶ ଦେଇଛନ୍ତି । ଭାରତୀୟ ସେନାର ଇଷ୍ଟର୍ଣ୍ଣ କମାଣ୍ଡର ଜେନେରାଲ ଅଫିସର କମାଣ୍ଡିଂ (ଜିଓସି) ମଧ୍ୟ ଏଥିରେ ସାମିଲ ହେବ । ଜଜ୍ କହିଛନ୍ତି ଯେ ଏହି ମାମଲା ସହ ଜଡିତ ଅଭିଯୋଗ ଉପରେ ସିଆଇଡି ଦୃଷ୍ଟି ଦେବ । ଏହି ମାମଲାର ପରବର୍ତ୍ତୀ ଶୁଣାଣି ଜୁନ୍ ୨୬ ରେ ହେବ ।
