ମଲାଲାଙ୍କୁ ଆକ୍ରମଣ ଧମକ ଦେଲେ ଧର୍ମଗୁରୁ: ନୋବେଲ ବିଜେତାଙ୍କ ବିବାହକୁ ନେଇ ବିବୃତ୍ତି ପରେ ବଢିଛି ବିବାଦ
ନୂଆଦିଲ୍ଲୀ: ନୋବେଲ ବିଜେତା ମଲାଲା ୟୁସୁଫଜାଇଙ୍କୁ ପୁନର୍ବାର ପାକିସ୍ତାନରେ ଧମକ ଦିଆଯାଇଛି। ନିକଟରେ ଏକ ଫ୍ୟାଶନ୍ ମାଗାଜିନ୍ ରେ ବିବାହ ବିଷୟରେ ଦେଇଥିବା ବିବୃତ୍ତି ଯୋଗୁଁ ସେ ବିବାଦକୁ ଆସିଥିଲେ। ତେବେ ଜଣେ ଧର୍ମଗୁରୁ ମଲାଲାଙ୍କୁ ଆତ୍ମଘାତୀ ଆକ୍ରମଣ ଧମକ ଦେଇଛନ୍ତି, ଅବଶ୍ୟ ପରେ ତାଙ୍କୁ ଗିରଫ କରାଯାଇଥିଲା। ଅନ୍ୟପକ୍ଷରେ, ଗତ କିଛି ଦିନ ହେବ ସୋସିଆଲ ମିଡିଆରେ ଲୋକମାନେ ମଲାଲାଙ୍କୁ ଟ୍ରୋଲ କରୁଛନ୍ତି।
ନିକଟରେ ଏକ ସାକ୍ଷାତକାରରେ ମଲାଲା ବିବାହ ସମ୍ବନ୍ଧୀୟ ଏକ ପ୍ରଶ୍ନର ଉତ୍ତରରେ କହିଥିଲେ, “ଲୋକଙ୍କୁ କାହିଁକି ବିବାହ କରିବାକୁ ପଡୁଛି? ଯଦି ଆପଣ ଜୀବନରେ କାହାକୁ ଭଲପାଉଛନ୍ତି ତେବେ ଏଥିପାଇଁ କାଗଜରେ କାହିଁକି ଦସ୍ତଖତ କରିବାକୁ ପଡିବ ? ଏହା କେବଳ ସହଭାଗୀତା କାହିଁକି ହୋଇପାରିବ ନାହିଁ? ”ପାକିସ୍ତାନର ଅନେକ ଲୋକ ଏହାକୁ ଇସଲାମର ବିଶ୍ୱାସ ବିରୁଦ୍ଧରେ କହୁଛନ୍ତି।
ଏହି ସମୟରେ, ପାକିସ୍ତାନର ଜଣେ ଧର୍ମଗୁରୁ ମଲାଲାଙ୍କୁ ଆକ୍ରମଣ କରିବାକୁ ଧମକ ଦେଇଥିଲେ। ସୂଚନା ଅନୁଯାୟୀ ଆକ୍ରମଣ ଧମକ ଦେଇଥିବା ଧର୍ଗଗୁରୁ ମୁଫତି ସର୍ଦ୍ଦାର ଅଲି ହକକାନିଙ୍କୁ ଗିରଫ କରାଯାଇଛି। ଆତଙ୍କବାଦ ବିରୋଧୀ ଆଇନ ଅନୁଯାୟୀ ତାଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
ଧର୍ମଗୁରୁଙ୍କ ଧମକର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଛି ଯେଉଁଥିରେ ସେ ପେଶୱାରରେ ମାଓବାଦୀଙ୍କୁ ଆଇନକୁ ନିଜ ହାତକୁ ନେବାକୁ ଉତ୍ସାହିତ କରୁଛନ୍ତି ଏବଂ ମଲାଲା ଉପରେ ଆକ୍ରମଣ କରିବାକୁ ନିବେଦନ କରିଛନ୍ତି।
