Breaking: ସନ୍ନ୍ୟାସୀଙ୍କ ବୁଦ୍ଧିରେ ମାତିଛନ୍ତି ବିଜେଡି ନେତା, ଦଳ ବୁଡ଼ିଗଲାଣି ଏବେ ନେତାଙ୍କ ଡୁବିବା ପାଳି

ଭୁବନେଶ୍ୱର: ସନ୍ୟାସୀ ନବୀନ ନିବାସକୁ ବୁଡ଼େଇଦେବେ । ପାଣ୍ଡିଆନ୍ଙ୍କ ନାଁ ନ ନେଇ ତାଙ୍କୁ କଟାକ୍ଷ କରିଛନ୍ତି କ୍ରୀଡ଼ା ମନ୍ତ୍ରୀ ସୂର୍ଯ୍ୟବଂଶୀ ସୁରଜ । କଳିଙ୍ଗ ଷ୍ଟାଡିୟମ୍ ରନିଂ ଟ୍ରାକରେ କାର୍ ଘଟଣାକୁ ନେଇ ବର୍ଷିଛନ୍ତି ମନ୍ତ୍ରୀ ।

ଟ୍ରାକରେ କାର୍ ଏକ ଅଭାବନୀୟ ପରିସ୍ଥିତିରେ ଯାଇଥିଲା । ଯାହା ଠିକ୍ ବୋଲି ମୁଁ କହୁନାହିଁ । ବିଜେଡି ପରିପକ୍ୱତା କଥା କହି ବାରମ୍ବାର ଅପ୍ରସଙ୍ଗକୁ ପ୍ରସଙ୍ଗ କରୁଛି ।

ନବୀନ ନିବାସରେ ଥିବା ସନ୍ନ୍ୟାସୀଙ୍କ ବୁଦ୍ଧିରେ ମାତିଛନ୍ତି ବିଜେଡି ନେତା । ଦଳ ବୁଡ଼ିଗଲା, ଏବେ ବ୍ୟକ୍ତି ବିଶେଷଙ୍କୁ ବୁଡାଇବାକୁ ବସିଛନ୍ତି ପାଣ୍ଡିଆନ୍ । ଲେନିନ ଭାଇ, ତୁଷାର ଭାଇ, ମନ୍ମଥ ଭାଇଙ୍କୁ ବୁଡ଼ାଇବାକୁ ବସିଛନ୍ତି ।

ପ୍ରତିଷ୍ଠା ଦିବସରେ ଗଣ୍ଡଗୋଳ ଉପରୁ ନଜର ହଟାଇବା ପାଇଁ ରୁବେନ୍ ବାନାର୍ଜିଙ୍କ ପାଣ୍ଡୁ ଉପାଖ୍ୟାନ ଡାଇଭର୍ଟ ଉଦ୍ୟମ ବୋଲି ମନ୍ତ୍ରୀ କହିଛନ୍ତି ।