(video) ବଦଳିଲା ପାଣ୍ଡ୍ୟାଙ୍କ ବୋଲିଂ ଷ୍ଟାଇଲ! ନୂଆ ଆକ୍ସନରେ ପ୍ରାକ୍ଟିସ କରୁଛନ୍ତି ହାର୍ଦ୍ଦିକ
ନୂଆଦିଲ୍ଲୀ: ଟିମ ଇଣ୍ଡିଆର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ନିଜ ବୋଳିଂ ଆକ୍ସନରେ ଆଣିଛନ୍ତି ପରିବର୍ତ୍ତନ । ଏସିଆ କପ ପାଇଁ ପ୍ରସ୍ତୁତି କରୁଥିବା ବେଳର ଏକ ଭିଡିଓ ସେ ଏବେ ସେୟାର କରିଛନ୍ତି । ଏହି ଭିଡିସରେ ତାଙ୍କୁ ଆଉ ଏକ ନୂଆ ଷ୍ଟାଇଲରେ ବୋଲିଂ କରୁଥିବାର ଦେଖାଯାଇଛି । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି । ପାଣ୍ଡ୍ୟା କିଛି ନୂଆ ଯୋଜନା କରୁଛନ୍ତି ବୋଲି ପ୍ରଶଂସକମାନେ ଆଶା ରଖିଛନ୍ତି ।
ଏସିଆ କପ ଠିକ ପୂର୍ବରୁ ପ୍ରାକ୍ଟିସ ବେଳର ଏକ ଭିଡିଓ ଅପଲୋଡ କରିଛନ୍ତି ପାଣ୍ଡ୍ୟା । ଏହି ଭିଡିଓରେ ସେ ଭାରତର ଷ୍ଟାର ବୋଲର ଜସପ୍ରୀତ ବୁମରାହଙ୍କ ବୋଲିଂ ଆକ୍ସନରେ ବଲ ପକାଉଥିବା ଦେଖାଯାଉଛି । ତେବେ ଏହି ଭିଡିଓର କ୍ୟାପ୍ସନରେ ସେ ଲେଖିଛନ୍ତି ଯେ, ଫର୍ମରେ କେମିତି ଅଛନ୍ତି ବୁମ(ଜସପ୍ରୀତ ବୁମରାହ) । ତେବେ ଏହି ଭିଡିଓରେ ବୁମରାହ ମଧ୍ୟ ରିଆକ୍ସନ ଦେବାରେ ବିଳମ୍ବ କରି ନାହାନ୍ତି । ବୋଲିଂ ଆକ୍ସନ, ଉତ୍ସ ପାଳନ କର ବୋଲି ରିଆକ୍ସନରେ ଲେଖିଛନ୍ତି ବୁମରାହ ।
ଆଘାତ ଜନିତ ସମସ୍ୟା ପରେ ଆଇପିଏଲ-୨୦୨୨ରେ ଏକ ଦମଦାର କମବ୍ୟାକ କରିଛନ୍ତି ହାର୍ଦ୍ଦିକ । ଲିଗରେ ଜବରଦସ୍ତ ପରଫୋର୍ମାନ୍ସ ତାଙ୍କୁ ପୁଣିଥରେ ଟିମ ଇଣ୍ଡିଆରେ ସ୍ଥାନ ଦେଇଥିଲା । ଯାହାପରେ ଏସିଆ କପ ଟୁର୍ଣ୍ଣାମେଣ୍ଟ-୨୦୨୨ରେ ମଧ୍ୟ ସେ ସ୍ଥାନ ପାଇଛନ୍ତି । ଦଳ ତାଙ୍କ ପାଖରୁ ଆହୁରି ସୁନ୍ଦର ପ୍ରଦର୍ଶନ ଆଶା କରୁଛି ।
View this post on Instagram
