(Video):ଶୌଚାଳୟକୁ ବି ଛାଡ଼ିଲେନି, ସାଇଡ୍ ବିଜନେସ୍ ପାଇଁ ବିକ୍ରି ହେଉଛି ଚିପ୍ସ୍-କୁରକୁରେ, ଲୋକେ ଦେଖି ଆଶ୍ଚର୍ଯ୍ୟ
ଭିତରେ ଟଏଲେଟ୍, ବାହାରେ ବିକୁଛନ୍ତି ଚିପ୍ସ । ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ । ୟୁଜର ଦେଉଛନ୍ତି ମଜାଦାର କମେଣ୍ଟ ।
ପାଟନା: ମହିଳାଙ୍କ ସୁବିଧା ନିମନ୍ତେ ଜନସାଧାରଣ ସ୍ଥାନରେ ସରକାର ପିଙ୍କ୍ ଟଏଲେଟର ସୁବିଧା କରିଛନ୍ତି । କିନ୍ତୁ ଏହାର ଦୁରୁପଯୋଗ କରାଯାଉଥିବା ଦେଖିବାକୁ ମିଳିଛି ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ମହିଳାଙ୍କ ନିମନ୍ତେ ଉଦ୍ଦିଷ୍ଟ ଶୌଚଳୟରେ କିଛି ଲାଭଖୋର ବ୍ୟକ୍ତି ଦୋକାନ ଖୋଲିଛନ୍ତି । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ପାଟନାରେ ।
ଝୁଲୁଛି ଚିପ୍ସ ମାଳା: ପଛ ପଟେ ଶୌଚାଳୟ କିନ୍ତୁ ସାଇଡ୍ ବିଜନେସ୍ ପାଇଁ ସାମ୍ନାରେ ଖୋଲିଛନ୍ତି ଦୋକାନ । ଦୋକାନରେ ଝୁଲୁଛି ସବୁଜ, କମଳା, ନୀଳ ରଂଗ ଚିପ୍ସ ପ୍ୟାକେଟ୍ । ଏହା ସହ ଅନ୍ୟାନ୍ୟ ଜିନିଷ ମଧ୍ୟ ବିକ୍ରି ହେଉଛି ।
ଏହି ଦୃଶ୍ୟ ଲୋକଙ୍କୁ ଯେତିକି ଆକୃଷ୍ଟ କରୁଛି ସେତିକି ଚକିତ ମଧ୍ୟ ।
ଚା’ ପିଉଛନ୍ତି ଗ୍ରାହକ: ପିଙ୍କ୍ ଟଏଲେଟ୍ ସହ ସଂଲଗ୍ନ ହୋଇଥିବା ଏହି ଦୋକାନ ଭିତରେ ଜଣେ ମହିଳା ଚେୟାରରେ ଗୋଡ଼ ଉପରେ ଗୋଡ଼ ରଖି ମୋବାଇଲରେ ବ୍ୟସ୍ତ ଅଛନ୍ତି । ଅନ୍ୟପଟେ ଦୋକାନ ବାହାରେ ଦୁଇ ଜଣ ଗ୍ରାହକ ଚା’ର ମଜା ନେଉଥିବାର ଭିଡିଓରେ ଦର୍ଶାଯାଇଛି ।
ୟୁଜର୍ସଙ୍କ ପ୍ରତିକ୍ରିୟା: ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ୟୁଜର ବିଭିନ୍ନ ପ୍ରକାର କମେଣ୍ଟ ଦେଉଛନ୍ତି । ଜଣେ ଲେଖିଛନ୍ତି, ‘ବିହାରରେ କିଛି ବି ସମ୍ଭବ ।’ ଅନ୍ୟ ଜଣେ ୟୁଜର ଲେଖିଛନ୍ତି, ‘ଶୌଚାଳୟ ଏବଂ ଦୋକାନର ଅଜବ କମ୍ବିନେସର..ସୀମା ଟପିଛି ।’
ମହିଳାଙ୍କ ସୁରକ୍ଷା: ପିଙ୍କ୍ ଟଏଲେଟରେ ଦୋକାନ ହେବା ଫଳରେ ସେଠାରେ ବିଭିନ୍ନ ପ୍ରକାର ଗ୍ରାହକଙ୍କ ଭିଡ଼ ଜମିବ । ଯାହାକି ମହିଳାଙ୍କ ସୁରକ୍ଷା ପାଇଁ ବିପଦ ସୃଷ୍ଟି କରିପାରେ ।
ଏଭଳି ଏକ ଅବହେଳା ପାଇଁ ଉପଯୁକ୍ତ କାର୍ଯ୍ୟାନୁଷ୍ଠାନ ନିଆଯାଉ ବୋଲି ସାଧାରଣରେ ଦାବି ହେଉଛି ।
बिहार मे कुछ भी सम्भव हैं आपदा मे अवसर ढूढ़ लेते है 😂😂 pic.twitter.com/C1aSVgRL05
— दिव्या कुमारी (@divyakumaari) January 8, 2025