ଆତଙ୍କବାଦୀଙ୍କ ସହ ଲଢ଼ି ଶହୀଦ ହୋଇଥିବା ‘ଫାଣ୍ଟମ’ ପାଇବ ସାହସିକତା ପୁରସ୍କାର, ଜାଣନ୍ତୁ ଶତ୍ରୁଙ୍କ ସହ କିପରି କରିଥିଲା ମୁକାବିଲା…
ନୂଆଦିଲ୍ଲୀ,୨୫ା୧: ଆତଙ୍କବାଦୀଙ୍କ ସହ ଲଢୁଥିବା ବେଳେ ଭାରତୀୟ ସେନାର କୁକୁର ‘ଫାଣ୍ଟମ୍’ ଶହୀଦ ହୋଇଥିଲା, ବର୍ତ୍ତମାନ ‘ଫାଣ୍ଟମ’ ସାହସିକତା ପୁରସ୍କାର ପାଇବ। ଗତ ବର୍ଷ ଅକ୍ଟୋବରରେ ଜାମ୍ମୁ-କାଶ୍ମୀରରେ ଆତଙ୍କବାଦୀଙ୍କ ବିରୋଧରେ ହୋଇଥିବା ଅପରେସନରେ ଫାଣ୍ଟମ୍ ଶହୀଦ ହୋଇଥିଲା।
ସୁନ୍ଦରବନି ସେକ୍ଟରର ଅଖନୁରରେ ସେନା ଗାଡ଼ି ଉପରକୁ ଆତଙ୍କବାଦୀ ହମଲା କରିଥିଲେ। ଅପରେସନରେ ଫାଣ୍ଟମ୍ ଭାରତୀୟ ସେନାକୁ ସମର୍ଥନ କରିଥିଲା ଏବଂ ଶତ୍ରୁମାନଙ୍କ ଟାର୍ଗେଟରେ ଆସିଥିଲା। ଏହି ଅପରେସନ୍ ସମୟରେ ଯେତେବେଳେ ସେନାମାନେ ଆତଙ୍କବାଦୀଙ୍କ ନିକଟତର ହୋଇଥିଲେ, ଫାଣ୍ଟମ୍ ଶତ୍ରୁ ଗୁଳିର ସମ୍ମୁଖୀନ ହୋଇଥିଲା, ଯେଉଁଥିରେ ସେ ଗୁରୁତର ଆହତ ହୋଇ ପ୍ରାଣ ହରାଇଥିଲା। ବେଲଜିୟମ ମାଲିନୋଇସ୍ ପ୍ରଜାତିର ଏହି କୁକୁରଟି ୨୫ ମେ ୨୦୨୦ରେ ଜନ୍ମଗ୍ରହଣ କରିଥିଲା ଏବଂ ୧୨ ଅଗଷ୍ଟ ୨୦୨୨ରେ ସେନାରେ ନିୟୋଜିତ ହୋଇଥିଲା।
ଫାଣ୍ଟମ୍ କିପରି ସେନାର ଏକ ଗୁରୁତ୍ୱପୂର୍ଣ୍ଣ ଅସ୍ତ୍ର ହୋଇଗଲା?
ଜଙ୍ଗଲ ଅଞ୍ଚଳରେ ଆତଙ୍କବାଦୀଙ୍କ ଟ୍ରେଲ ଟ୍ରାକ୍ କରିବାରେ ଫାଣ୍ଟମ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଫାଣ୍ଟମ୍ ଲୁକ୍କାୟିତ ବିସ୍ଫୋରକ ଚିହ୍ନଟ କରି ସମ୍ଭାବ୍ୟ ପଳାୟନ ମାର୍ଗ ଚିହ୍ନଟ କରି ସୈନ୍ୟମାନଙ୍କୁ ଅବରୋଧକୁ ଦୃଢ଼ କରିବାରେ ସାହାଯ୍ୟ କରିଥିଲା।
ଫାଣ୍ଟମ ଶହୀଦ ହେବା ପରେ ଏକ ଶ୍ରଦ୍ଧାଞ୍ଜଳି ସମାରୋହ ଆୟୋଜିତ ହୋଇଥିଲା। ତା’ପରେ ଭାରତୀୟ ସେନା ମେଜର ଜେନେରାଲ ସମୀର ଶ୍ରୀବାସ୍ତବ କହିଥିଲେ ଯେ, ଏହି ଅପରେସନରେ ଆମେ ସେନା କୁକୁର ଫାଣ୍ଟମ ହରାଇଥିଲୁ, ଯେତେବେଳେ ଆମେ ସର୍ଚ୍ଚ ଅପରେସନ କରୁଥିଲୁ ସେ ଆଗରେ ଥିଲା ଏବଂ ଆତଙ୍କବାଦୀମାନେ କୁକୁର ଉପରେ ଗୁଳି ଚଳାଇଥିଲେ। ଫାଣ୍ଟମର ବଳିଦାନ ଯୋଗୁ ହିଁ ଅନେକ ଜୀବନ ରକ୍ଷା ପାଇପାରିଲା
ସେନାରେ କିପରି ନିଯୁକ୍ତ ହୁଅନ୍ତି କୁକୁର
