ଟ୍ୱିଟ କରି ସାହାଯ୍ୟ ମାଗିଲେ ସର୍ଜିକାଲ ଷ୍ଟ୍ରାଇକ ସହ ଜଡିତ ଜେନେରାଲ ଡିଏସ ହୁଡ୍ଡା, ୩ ଘଣ୍ଟା ଭିତରେ ଫୋନ କଲେ ମୋଦି
ନୂଆଦିଲ୍ଲୀ : ୨୦୧୬ ସର୍ଜିକାଲ ଷ୍ଟ୍ରାଇକରେ ଥିବା ହିରୋମାନଙ୍କ ମଧ୍ୟରୁ ଲେପ୍ଟନାଣ୍ଟ ଜେନେରାଲ ଦିପେନ୍ଦ୍ରର ସିଂ ହୁଡ୍ଡା ଜଣେ । ଗତକାଲି ତାଙ୍କ ଟ୍ୱିଟ ବେଶ ଚର୍ଚ୍ଚାରେ ରହିଥିଲା, ଯେତେବେଳେ ସେ ଟ୍ୱିଟ କରି କହିଲେ ତାଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ଫୋନ ଆସିଥିଲା । ଜେନେରାଲ ହୁଡ୍ଡାଙ୍କ ଭଉଣୀଙ୍କ ସ୍ୱାସ୍ଥ୍ୟବସ୍ଥାକୁ ନେଇ ପ୍ରଧାନମନ୍ତ୍ରୀ ତାଙ୍କୁ ଫୋନ କରିଥିଲେ । ତାଙ୍କ ଭଉଣୀ ସ୍ତନ କର୍କଟରେ ପୀଡିତ ଅଛନ୍ତି । ଆଉ ପ୍ରଧାନମନ୍ତ୍ରୀ ତାଙ୍କୁ ଆଶ୍ୱସ୍ତି ଦେଇଛନ୍ତି କି ତାଙ୍କ ଭଉଣୀର ଚିକିତ୍ସାରେ ଲାଗୁଥିବା ଔଷଧକୁ ମଞ୍ଜୁରୀ ଦିଆଯିବ ।
Received a call from @PMOIndia and spoke with PM Narendra Modi who expressed concern over the case. Truly humbled and honoured on receiving his call and his words that the case would be looked into. Proud to be an Indian and even prouder of the PMs personal intervention. Jai Hind https://t.co/FPBVAPVWQ2
— Lt Gen D S Hooda (@LtGenHooda) December 18, 2021
ସୂଚନା ଅନୁସାରେ ଜେନେରାଲ ହୁଡ୍ଡାଙ୍କ ଭଉଣୀ ସୁଷମା ହୁଡ୍ଡା ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖିଥିଲେ । ଆଉ ତାଙ୍କ କ୍ୟାନ୍ସର ରୋଗରେ ଲାଗୁଥିବା ଏକ ଔଷଧକୁ ଭାରତରେ ମଞ୍ଜୁରୀ ଦେବାକୁ ସେ ଦାବି କରିଥିଲେ । ସେ ଟ୍ୱିଟରେ ଏହି ଚିଠିକୁ ସେୟାର କରିଥିଲେ । ଜେନେରାଲ ହୁଡ୍ଡା ତାଙ୍କ ଟ୍ୱିଟ ଉପରେ ପ୍ରତିକ୍ରିୟା ଦେଇ କହିଥିଲେ କି, ଯଦି ଭାରତ ସରକାର ଏହି ଔଷଧକୁ ଭାରତରେ ଅନୁମୋଦନ ଦେଇଦିଅନ୍ତି ତେବେ ତାଙ୍କ ଭଉଣୀ ଭଳି ଅନ୍ୟ କ୍ୟାନ୍ସର ପୀଡିତମାନେ ମଧ୍ୟ ଉପକୃତ ହୋଇପାରନ୍ତେ । ତେବେ ଏହି ଟ୍ୱିଟ ପରେ ପ୍ରଧାନମନ୍ତ୍ରୀ ତାଙ୍କୁ ଫୋନ କରିଥିବା ସେ ନିଜେ ଟ୍ୱିଟ କରି ଜଣାଇଥିଲେ ।
I start this tweet with admitting that I have a personal interest. @SushmaHooda is my sister, a cancer patient of several years with dwindling hope. Keeping sentiments aside approval of the new drug may give a fighting chance of survival to many like her. @PMOIndia @rajnathsingh https://t.co/EKF2CR8Pji
— Lt Gen D S Hooda (@LtGenHooda) December 18, 2021
