ପ୍ରଧାନମନ୍ତ୍ରୀ ମୋଦୀଙ୍କ କୋଏମ୍ବାଟୁର ରୋଡ଼ ଶୋ’କୁ ମଞ୍ଜୁରୀ ଦେଲେ ମାଡ୍ରାସ ହାଇକୋର୍ଟ
ନୂଆଦିଲ୍ଲୀ: ତାମିଲନାଡ଼ୁର କୋଏମ୍ବାଟୁରରେ ହେବାକୁ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରୋଡ଼ ଶୋ’କୁ ମାଡ୍ରାସ ହାଇକୋର୍ଟ ମଞ୍ଜୁରୀ ପ୍ରଦାନ କରିଛନ୍ତି । ଏହା ପୂର୍ବରୁ ସୁରକ୍ଷା ଆଶଙ୍କା ଓ ବିଭିନ୍ନ କାରଣ ଦର୍ଶାଇ ସ୍ଥାନୀୟ ଜିଲ୍ଲା ପୋଲିସ ପକ୍ଷରୁ ଏନେଇ ଅନୁମତି ମିଳିନଥିଲା । ଲୋକସଭା ନିର୍ବାଚନ ପାଇଁ ମାର୍ଚ୍ଚ ୧୮ ତାରିଖରେ ପ୍ରଧାନମନ୍ତ୍ରୀଙ୍କର ୩.୬ କିମି ଦୂରତା ବିଶିଷ୍ଟ ରୋଡ଼ ଶୋ’ର ଆୟୋଜନ ନେଇ ଭାରତୀୟ ଜନତା ପାର୍ଟି ତରଫରୁ ଗତ ୧୪ ତାରିଖ ଦିନ କୋଏମ୍ବାଟୁର ସିଟି ପୋଲିସଠାରୁ ଅନୁମତି ମଗାଯାଇଥିଲା ।
ଭାଜପା ପକ୍ଷରୁ ଆୟୋଜିତ ହେବାକୁ ଥିବା ଏହି ରୋଡ଼ ଶୋ’ ଆରଏସ ପୁରମରେ ସମାପ୍ତ ହେବାର ଥିଲା । ଗତ ୨୯୯୮ ମସିହାରେ ଆରଏସ ପୁରମ ଠାରେ ଏକ ବିସ୍ଫୋରଣ ହୋଇଥିଲା । ଏଥିସହିତ କୋଏମ୍ବାଟୁର ସାମ୍ପ୍ରଦାୟକତା ଦୃଷ୍ଟିରୁ ଏକ ସମ୍ବେଦନଶୀଳ ସ୍ଥାନ ଭାବେ ପରିଗଣିତ ଅଟେ । ତେଣୁ ସୁରକ୍ଷା ଆଶଙ୍କା, ସାମ୍ପ୍ରଦାୟିକତା ଇତିହାସ, ରୋଡ଼ ଶୋ’ ମାର୍ଗରେ ଥିବା ସ୍କୁଲମାନଙ୍କରେ ଛାତ୍ରଛାତ୍ରୀଙ୍କ ସମସ୍ୟା ସୃଷ୍ଟି ହେବା, ସାଧାରଣ ଜନତାଙ୍କ ପାଇଁ ସମସ୍ୟା ଆଦି କାରଣରୁ ପ୍ରଶାସନ ପକ୍ଷରୁ ରୋଡ଼ ଶୋ’ ନେଇ ଅଗ୍ରାହ୍ୟ କରାଯାଇଥିଲ ।ା
