ଦିବ୍ୟାଙ୍ଗ କାର୍ଯ୍ୟକର୍ତ୍ତାଙ୍କ ସହ ମୋଦି ନେଲେ ସ୍ପେଶାଲ ଫଟୋ: କହିଲେ ଏମିତି କଥା
ଚେନ୍ନାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଏକ ସେଲଫି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶନିବାର ଚେନ୍ନାଇ ଗସ୍ତରେ ଯାଇ ମୋଦି ହଜାର କୋଟି ପ୍ରକଳ୍ପର ଶିଳାନ୍ୟାସ କରିବା ସହ ଚେନ୍ନାଇରୁ କୋଏମ୍ବାଟୁର ପର୍ଯ୍ୟନ୍ତବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିଛନ୍ତି । ତେବେ ଏହାମଧ୍ୟରେ ସେ ଦଳର ଜଣେ ସ୍ପେଶାଲ କାର୍ଯ୍ୟକର୍ତ୍ତାଙ୍କ ସହ ଭେଟିଥିଲେ । ତାଙ୍କ ସହ ଏକ ସେଲଫିକୁ ସ୍ୱତନ୍ତ୍ର ସେଲଫି ବୋଲି କହି ନିଜ ଟ୍ୱିଟର ହାଣ୍ଡଲରେ ଅପଲୋଡ କରିଛନ୍ତି ପ୍ରଧାନମନ୍ତ୍ରୀ ମୋଦି ।
ପ୍ରଧାନମନ୍ତ୍ରୀଙ୍କ ଟ୍ୱିଟର ପୋଷ୍ଟରେ ଥିବା ଏହି ବ୍ୟକ୍ତି ଜଣକ ହେଉଛନ୍ତି ଜଣେ ଦିବ୍ୟାଙ୍ଗ ବିଜେପି କାର୍ଯ୍ୟକର୍ତ୍ତା । ତାଙ୍କ ବିଷୟରେ ଲେଖିବା ବେଳେ କାର୍ଯ୍ୟକର୍ତ୍ତାଙ୍କ ନାମ ଥିରୁ ଏସ. ମାଣିକନ୍ଦନ ବୋଲି କହିଛନ୍ତି ମୋଦି ଜୀ । ତେବେ ମାଣିକନ୍ଦନ ଇରୋଡରେ ବୁଥ କାର୍ଯ୍ୟକର୍ତ୍ତା ବୋଲି ପ୍ରଧାନମନ୍ତ୍ରୀ ଟ୍ୱିଟରେ ପ୍ରକାଶ କରିଛନ୍ତି । ତେବେ ଏହାବ୍ୟତୀତ ମାଣିକନ୍ଦନ ଗୋଟିଏ ଦୋକାନ ମଧ୍ୟ କରିଛନ୍ତି ଏବଂ ଏହାର ରୋଜଗାରର ଏକ ବଡ ଅଂଶ ବିଜେପିକୁ ଦେଉଥିବା ମୋଦି ପୋଷ୍ଟରେ ଲେଖିଛନ୍ତି । ତେଣୁ ସେ ଅନ୍ୟ ସମସ୍ତଙ୍କ ପାଇଁ ଜଣେ ପ୍ରେରଣା ବୋଲି ଟ୍ୱିଟର ଜରିଆରେ ଦେଶବାସୀଙ୍କୁ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
A special selfie…
In Chennai I met Thiru S. Manikandan. He is a proud @BJP4TamilNadu Karyakarta from Erode, serving as a booth president. A person with disability, he runs his own shop and the most motivating aspect is – he gives a substantial part of his daily profits to BJP! pic.twitter.com/rBinyDVHYA
— Narendra Modi (@narendramodi) April 8, 2023
ପରେ ମୋଦି ଟ୍ୱିଟରରେ କହିଛନ୍ତି, ‘ପାର୍ଟିରେ ଥିରୁ ଏସ. ମାଣିକନ୍ଦନ ଭଳି କାର୍ଯ୍ୟକର୍ତ୍ତାଙ୍କ ପାଇଁଁ ମୋତେ ଗର୍ବ ଅନୁଭବ ହେଉଛି । ତାଙ୍କର ଜୀବନଶୈଳୀ ଆମ ପାଇଁ ପ୍ରେରଣା, ଏବଂ ଆମ ପାର୍ଟି ଓ ବିଚାରଧାରା ପ୍ରତି ତାଙ୍କର ଦୃଢ ପ୍ରତିବଦ୍ଧତାରୁ ମଧ୍ୟ ଅନେକ କିଛି ଶିଖିବା ପାଇଁ ରହିଛି । ଏହାସହିତ ତାଙ୍କର ଭବିଷ୍ୟତ ପାଇଁ ଶୁଭମକାମନା ଜ୍ଞାପନ କରିଛନ୍ତି ମୋଦି । ତେବେ ଟ୍ୱିଟରରେ ଅପଲୋଡ ହେବା ପରେ ଭାଇରାଲ ହେବାରେ ଲାଗିି ମୋଦିଙ୍କ ଏହି ସ୍ପେଶାଲ ଫଟୋ ।
I feel very proud of being a Karyakarta in a Party where we have people like Thiru S. Manikandan. His life journey is inspiring and equally inspiring his commitment to our Party and our ideology. My best wishes to him for his future endeavours. pic.twitter.com/4S6FryHqCq
— Narendra Modi (@narendramodi) April 8, 2023
