ପିଏମ ମୋଦୀ ୭୫ ଟଙ୍କା ମୁଦ୍ରା ଲଞ୍ଚ କରିଛନ୍ତି, କିନ୍ତୁ ସାଧାରଣ ଜନତା ଏଥିରେ କରିପାରିବେନି କାରବାର: ଜାଣନ୍ତୁ କାହିଁକି
ନୂଆଦିଲ୍ଲୀ: ନୂଆ ସଂସଦ ଭବନର ଉଦଘାଟନ ଉତ୍ସବରେ ୭୫ ଟଙ୍କିଆ ସ୍ମାରକ ମୁଦ୍ରା ଜାରି କରିବାର ନିଷ୍ପତ୍ତି ନେଇଥିଲେ କେନ୍ଦ୍ର ସରକାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆ ସଂସଦର ଉଦଘାଟନ କରିବା ପରେ ୭୫ ଟଙ୍କା ମୂଲ୍ୟର ମୁଦ୍ରା ଲଞ୍ଚ କରିଛନ୍ତି । କିନ୍ତୁ ଏହି ୭୫ ଟଙ୍କା ମୁଦ୍ରା ସାଧାରଣ ଲୋକଙ୍କ ପାଇଁ ନୁହେଁ । ସାଧାରଣ ଲୋକମାନେ ଏହା ସହିତ କାରବାର କରିପାରିବେ ନାହିଁ । ଏହାର କାରଣ କ’ଣ ଜାଣନ୍ତୁ …
୭୫ ଟଙ୍କା ମୁଦ୍ରାର ଆଇନଗତ ଟେଣ୍ଡର ହେବ କି ନାହିଁ?
ସ୍ମାରକ ମୁଦ୍ରା ସାଧାରଣ ପ୍ରଚାର ପାଇଁ ଉଦ୍ଦିଷ୍ଟ ନୁହେଁ, ତେଣୁ ସେଗୁଡିକ କାରବାର ପାଇଁ ବ୍ୟବହୃତ ହୁଏ ନାହିଁ । ଏହା ବ୍ୟତୀତ ୭୫ ଟଙ୍କା ମୁଦ୍ରା ମାମଲାରେ ଏକ ଅଲଗା ଫ୍ୟାକ୍ଟ ରହିଛି । ତେବେ ଏହି ମୁଦ୍ରାର ଧାତୁ ମୂଲ୍ୟ ଏହାର ଆଇନଗତ ମୂଲ୍ୟଠାରୁ ଅଧିକ, କାରଣ ମୁଦ୍ରାର ଅଧା ଅଂଶ ରୂପାରେ ନିର୍ମିତ । ଫଳରେ ଏହାର ମୂଲ୍ୟ ଅଧିକ ରହିବ ।
ଏଗୁଡ଼ିକ ହେଉଛି ମୁଦ୍ରାର ଫିଚର୍ସ
୭୫ ଟଙ୍କା ମୁଦ୍ରାର ବ୍ୟାସ ୪୪ ମିଲିମିଟର ଏବଂ ଏଥିରେ ୫୦ ପ୍ରତିଶତ ରୂପା, ୪୦ ପ୍ରତିଶତ ତମ୍ବା, ୫ ପ୍ରତିଶତ ନିକେଲ ଏବଂ ୫ ପ୍ରତିଶତ ଜିଙ୍କ ରହିଛି । ଏହାର ମାନକ ଓଜନ ହେଉଛି ୩୫ ଗ୍ରାମ । ମୁଦ୍ରାର ଆଗରେ ଅଶୋକା ସ୍ତମ୍ଭର ପ୍ରତିଷ୍ଠିତ ଶୀର୍ଷ ରହିଛି, ଯାହା ତଳେ ଦେବନଗରୀ ଲିପିରେ ‘ସତ୍ୟମେବ ଜୟତେ’ ଲେଖାଯାଇଛି ।
ଆପଣଙ୍କୁ ମିଳିପାରେ ଏହି ମୁଦ୍ରା :-
ଯେଉଁ ଲୋକମାନେ ଏଡି ମୁଦ୍ରାକୁ ହାସଲ କରିବାକୁ ଚାହୁଁଛନ୍ତି, ସେମାନେ ଏହାକୁ ସିକ୍ୟୁରିଟିଜ୍ ଅଫ୍ ପ୍ରିଣ୍ଟିଂ ଆଣ୍ଡ ମିଣ୍ଟିଂ କର୍ପୋରେସନ୍ ଅଫ୍ ଇଣ୍ଡିଆ ଲିମିଟେଡ୍ (ଏସପିଏମସିଆଇଏଲ) ର ୱେବସାଇଟରୁ ପାଇପାରିବେ । ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଅନୁଯାୟୀ, ମୁଦ୍ରା ଅଧିନିୟମ ୨୦୧୧ ର ଧାରା ୬ ଅନୁଯାୟୀ ଭାରତ ସରକାରଙ୍କ ଦ୍ୱାରା ଜାରି କରାଯାଇଥିବା ମୁଦ୍ରା ପେମେଣ୍ଟ କିମ୍ବା ଆକାଉଣ୍ଟରେ ଲିଗର ଟେଣ୍ଡର ହେବ ।
