ବିଶ୍ୱର ଟପ ଲିଡରଙ୍କୁ ପଛରେ ପକାଇଲେ ମୋଦୀ : Among all adults ସର୍ଭେରେ ଏକ ନମ୍ବର

ନୂଆଦିଲ୍ଲୀ: ବିଶ୍ୱରେ ବଢିଲା ମୋଦୀଙ୍କ ଲୋକପ୍ରିୟତା । ଜୋ ବାଇଡେନ, ବୋରିସ୍ ଜନସନ, ଆଞ୍ଜେଲା ମର୍କେଲ, ଜଷ୍ଟିନ ଟ୍ରୁଡୋ ଏବଂ ଅନ୍ୟ ହେଭିୱେଟଙ୍କୁ ପଛରେ ପକାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱର ଟପ ଲିଡର ସର୍ଭେରେ ଶୀର୍ଷରେ ରହିଛନ୍ତି। “among all adults”ରେ କରାଯାଇଥିବା ଏକ ସର୍ଭେ ଅନୁଯାୟୀ, ପ୍ରଧାନମନ୍ତ୍ରୀ ମୋଦି ୭୦% ଭୋଟ ସହ ଟପରେ ରହିଛନ୍ତି । ତାଙ୍କ ପଛକୁ ମେକ୍ସିକୋ ରାଷ୍ଟ୍ରପତି ଆଣ୍ଡ୍ରେସ ମାନୁଏଲ ଲୋପେଜ ୬୪% ସହ ଦ୍ୱିତୀୟ ଏବଂ ଇଟାଲୀ ପ୍ରଧାନମନ୍ତ୍ରୀ ମାରିଓ ଡ୍ରାଗି ୬୩% ସହ ତୃତୀୟ ସ୍ଥାନରେ ରହିଛନ୍ତି ।
ଆମେରିକାର ଡାଟା ଇଣ୍ଟେଲିଜେନ୍ସ ଫାର୍ମ ମର୍ନିଂ କନ୍ସଲ୍ଟ ଅଷ୍ଟ୍ରେଲିଆ, ବ୍ରାଜିଲ, କାନାଡା, ଫ୍ରାନ୍ସ, ଜର୍ମାନୀ, ଭାରତ, ଇଟାଲୀ, ଜାପାନ, ମେକ୍ସିକୋ, ଦକ୍ଷିଣ କୋରିଆ, ସ୍ପେନ୍, ବ୍ରିଟେନ ଏବଂ ଯୁକ୍ତରାଷ୍ଟ୍ରର ସରକାରୀ ନେତାଙ୍କ ଅନୁମୋଦନ ମୂଲ୍ୟାୟନକୁ ଟ୍ରାକ୍ କରିଥାଏ। ଇଣ୍ଟେଲିଜେନ୍ସ ଫାର୍ମ ଅନୁଯାୟୀ, ଏହାର ମୂଲ୍ୟାୟନ ପ୍ରତ୍ୟେକ ଦେଶରେ ବୟସ୍କଙ୍କ ସାତ ଦିନର ଚଳପ୍ରଚଳ ହାରାହାରି ଉପରେ ଆଧାରିତ । ଏହାର ସର୍ବଶେଷ ଅନୁମୋଦନ ର଼୍ୟାଙ୍କିଙ୍ଗରେ ଭାରତୀୟ ପ୍ରଧାନମନ୍ତ୍ରୀ ପୃଥିବୀର ଅନ୍ୟ ସମସ୍ତ ନେତାଙ୍କୁ ପଛରେ ପକାଇ ଦେଇଛନ୍ତି ।