(Video) ‘ଅବହେଳାର..’, କୋଲକାତା ଦୁଷ୍କର୍ମ କାଣ୍ଡ ଉପରେ ପିଏମ ନରେନ୍ଦ୍ର ମୋଦୀଙ୍କ ବିବୃତ୍ତି, ଜାଣନ୍ତୁ କ’ଣ କହିଲେ
ନୂଆଦିଲ୍ଲୀ: କୋଲକାତାର ଆରଜୀ କର ମେଡିକାଲ ଆଣ୍ଡ ହସ୍ପିଟାଲର ଟ୍ରେନି ଡାକ୍ତରଙ୍କ ଦୁଷ୍କର୍ମ ଏବଂ ହତ୍ୟା ମାମଲାକୁ ନେଇ ସାରା ଦେଶରେ ଉତ୍ତେଜନା ଦେଖାଦେଇଛି। ଏହି ଘଟଣାକୁ ନେଇ ସାରା ଦେଶରେ ପ୍ରଦର୍ଶନ ଚାଲିଛି। ଏହି ଘଟଣାକୁ ନେଇ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଡ ବିବୃତ୍ତି କରିଛନ୍ତି। ପିଏମ ମୋଦୀ କହିଛନ୍ତି ଯେ, ମହିଳାମାନଙ୍କ ବିରୋଧରେ ଅପରାଧ କ୍ଷମାହୀନ ପାପ। ଅପରାଧୀ ଯିଏ ବି ହେଉ ସେ ବଞ୍ଚିବା ଦରକାର ନାହିଁ। ପିଏମ ମୋଦୀ ମହାରାଷ୍ଟ୍ରରେ ଲକ୍ଷପତି ଦିଦି ସମ୍ମିଳନୀରେ ଏହି ବିବୃତ୍ତି ଜାରି କରିଛନ୍ତି।
ସେ ଆହୁରି କହିଛନ୍ତି, ‘ହସ୍ପିଟାଲ ହେଉ କି, ସ୍କୁଲ ହେଉ, ଅଫିସ ହେଉ କି ପୋଲିସ ବ୍ୟବସ୍ଥା.. ଯେଉଁ ସ୍ତରରେ ବି ଅବହେଳା ହେଉଛି, ସମସ୍ତଙ୍କ ହିସାବ ହେବା ଆବଶ୍ୟକ। ଉପରୁ ତଳ ପର୍ଯ୍ୟନ୍ତ ମେସେଜ ଅତ୍ୟନ୍ତ ସ୍ପଷ୍ଟ ହେବା ଜରୁରୀ। ଆହୁରି ସରକାର ଆସିବେ ଏବଂ ଯିବେ କିନ୍ତୁ ମହିଳାଙ୍କ ଜୀବନ ଏବଂ ସମ୍ମାନର ସୁରକ୍ଷା ହେଉଛି ଏକ ସମାଜ ତଥା ସରକାର ଭାବରେ ଆମର ବଡ଼ ଦାୟିତ୍ୱ। ଯେଉଁମାନେ ମହିଳାଙ୍କ ଉପରେ ଅତ୍ୟାଚାର କରୁଛନ୍ତି ସେମାନଙ୍କୁ କଠୋର ଦଣ୍ଡ ଦେବା ପାଇଁ ଆମ ସରକାର କ୍ରମାଗତ ଭାବରେ ଆଇନକୁ କଡାକଡି କରୁଛନ୍ତି।’
माताओं-बहनों का जीवन आसान बनाने के लिए हमारी सरकार पूरी तरह प्रतिबद्ध है। महाराष्ट्र के जलगांव में लखपति दीदियों का ये उत्साह और विश्वास अद्भुत है। देशभर की लखपति दीदियों को मेरा प्रणाम।https://t.co/nMVX30SAci
— Narendra Modi (@narendramodi) August 25, 2024
