‘ମୁଁ ଦୁନିଆର ସବୁଠୁ ଧନୀ ବ୍ୟକ୍ତି’ ଜାଣନ୍ତୁ କାହିଁକି ଏମିତି କହିଲେ ପିଏମ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜରାଟ ଗସ୍ତରେ ନଭସାରୀରେ ଲକ୍ଷପତି ଦିଦିମାନଙ୍କୁ ଭେଟି ମହିଳା ସଶକ୍ତିକରଣ ଉପରେ ଦାବି କରିଛନ୍ତି। ସେ ମହିଳାମାନଙ୍କ ସଂପତ୍ତିକୁ ସବୁଠୁ ବଡ଼ ସଂପତ୍ତି ବୋଲି କହିଛନ୍ତି।

ପିଏମ କହିଛନ୍ତି ଯେ, ସେ ସବୁଠୁ ଧନବାନ ବ୍ୟକ୍ତି। ମହିଳା ଦିବସରେ ଆୟୋଜିତ ଏହି କାର୍ଯ୍ୟକ୍ରମରେ କେବଳ ମହିଳା ପୋଲିସକର୍ମୀ ସୁରକ୍ଷା ବ୍ୟବସ୍ଥା ସମ୍ଭାଳିଛନ୍ତି, ଯାହା ଦେଶରେ ପ୍ରଥମଥର ଘଟିଛି।

ପିଏମ ମୋଦୀ ଏହି ସଭାରେ ଆହୁରି କହିଛନ୍ତି ଯେ, ନାରୀଙ୍କ ସମ୍ମାନ ବିକଶିତ ଭାରତର ପ୍ରଥମ ସୋପାନ। ପ୍ରଧାନମନ୍ତ୍ରୀ ମୋଦୀଙ୍କ ଏହି କାର୍ଯ୍ୟକ୍ରମ ମହିଳା ଦିବସ ଅବସରରେ ଆୟୋଜନ କରାଯାଇଛି। ଏଠାରେ କେବଳ ମହିଳା ପୋଲିସକର୍ମୀକୁ ସୁରକ୍ଷା ବ୍ୟବସ୍ଥାରେ ନିୟୋଜିତ କରାଯାଇଛି।

‘ମୁଁ ଦୁନିଆର ସବୁଠୁ ବଡ଼ ଧନୀ ବ୍ୟକ୍ତି’: ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଆଜି ଏହି ଦିନରେ, ମୁଁ ଗର୍ବର ସହ କହିପାରିବି, ମୁଁ ଦୁନିଆର ସବୁଠୁ ଧନୀ ବ୍ୟକ୍ତି।

ଯେତେବେଳେ ମୁଁ କହୁଛି, ମୁଁ ସବୁଠୁ ଧନୀ ବ୍ୟକ୍ତି, ଅନେକ ଲୋକେ ଏହାକୁ ଶୁଣି ଆଶ୍ଚର୍ଯ୍ୟ ହୋଇଯିବେ। ମୋ ଜୀବନର ଆକାଉଣ୍ଟରେ କୋଟି କୋଟି ମାଆ, ଭଉଣୀ-ମହିଳାଙ୍କ ଆଶୀର୍ବାଦ ରହିଛି ଏବଂ ଏହା ଆହୁରି ବଢିବ। ଏଥିପାଇଁ ମୁଁ କହୁଛି ଯେ, ମୁଁ ଦୁନିଆର ସବୁଠୁ ଧନୀ ବ୍ୟକ୍ତି।