(Big Breaking)ଭୁବନେଶ୍ବରରେ ପ୍ରଧାନମନ୍ତ୍ରୀ, ବିମାନରୁ ଓହ୍ଲାଇ ସିଧା ଗଲେ ସଭାକୁ
ଭୁବନେଶ୍ୱର- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୁବନେଶ୍ୱରରେ । ବିମାନବନ୍ଦରରେ ପ୍ରଧାନମନ୍ତ୍ରୀ ପହଞ୍ଚିବା ପରେ ତାଙ୍କୁ ରାଜ୍ୟପାଳ ଓ ମୁଖ୍ୟମନ୍ତ୍ରୀ ତାଙ୍କୁ ସ୍ୱାଗତ ଜଣାଇଛନ୍ତି । ତିନି ଦିନିଆ ଗସ୍ତରେ ଥିବା ପ୍ରଧାନମନ୍ତ୍ରୀ ବିମାନ ବନ୍ଦରରୁ ସିଧା ପହଞ୍ଚିଛନ୍ତି ଆୟୋଜିତ ସାଧାରଣ ସଭାକୁ ।
ପ୍ରଧାନମନ୍ତ୍ରୀଙ୍କ ଏହି ତିନି ଦିନିଆ ଗସ୍ତରେ ପ୍ରଥମେ ସେ ସାଧାରଣ ସଭାକୁ ଉଦବୋଧନ ଦେବେ । ଏହି ସଭା ବିମାନବନ୍ଦରର ଅନତି ଦୂରରେ ଆୟୋଜନ କରାଯାଇଛି । ବିମାନ ବନ୍ଦରରୁ ମୋଦି ସଭାରେ ପହଞ୍ଚିବା ପରେ ତାଙ୍କୁ ମଞ୍ଚରେ ଉତ୍ସର୍ଗିକୃତ ସ୍ୱାଗତ ଦିଆଯାଇଛି । ଏହି ସଭାରେ ସ୍ୱରାଷ୍ଟ୍ର ମନ୍ତ୍ରୀ, ରାଜ୍ୟ ସଭାପତି, ଦୁଇ କେନ୍ଦ୍ରମନ୍ତ୍ରୀ, ଭୁବନେଶ୍ୱର ସାଂସଦ ପ୍ରମୁଖ ଉପସ୍ଥିତ ଅଛନ୍ତି । ପ୍ରଧାନମନ୍ତ୍ରୀଙ୍କ ଗସ୍ତ ଆଗରୁ ସ୍ୱରାଷ୍ଟ୍ର ମନ୍ତ୍ରୀ ଅମିତ ସାହ, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ମଧ୍ୟ ଆଜି ଭୁବନେଶ୍ୱରରେ ପହଞ୍ଚିଛନ୍ତି ।
ସଭାରେ ରାଜ୍ୟ ସଭାପତି ମନମୋହନ ସାମଲ ପ୍ରାରମ୍ଭିକ ଭାଷଣ ଦେବା ପରେ ମୁଖ୍ୟମନ୍ତ୍ରୀ ନିଜ ଭାଷଣରେ ଆଜିର ଦିନକୁ କହିଲେ ଐତିହାସିକ ଦିନ ଏହି ଅବସରରେ ୫ ମାସର ସରକାରଙ୍କ ଉପଲବ୍ଧି ସାଧାରଣ ଜନତାଙ୍କୁ ପ୍ରଦାନ କରିଛନ୍ତି । ସୁଭଦ୍ରା ଯୋଜନାରେ ମହିଳାଙ୍କୁ 5 ହଜାର ଟଙ୍କା ଲେଖା ପ୍ରଦାନ, ୧୫ ହଜାର ନିଯୁକ୍ତି, ଧାନର ଏମଏସପି ୩୧ଶହକୁ ବୃଦ୍ଧି ଆଦିକୁ ଲୋକଙ୍କୁ ଜଣାଛନ୍ତି ମୁଖ୍ୟମନ୍ତ୍ରୀ ।
