ଆଜି ୱର୍ଲ୍ଡ କ୍ଲାସ୍ ରେଳ ଷ୍ଟେସନର ଉଦଘାଟନ କରିବେ ପ୍ରଧାନମନ୍ତ୍ରୀ, ଏହା ଆଗରେ ଏୟାରପୋର୍ଟ ବି ପଡ଼ିବ ଫିକା
ଭୋପାଳ: ଆଜି ରାଣୀ କମଳାପତି ରେଳ ଷ୍ଟେସନ୍ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ନଭେମ୍ବର ୧୫ ତାରିଖ ଦିନ ପ୍ରଧାନମନ୍ତ୍ରୀ ନିଜର ମଧ୍ୟପ୍ରଦେଶ ଗସ୍ତ ସମୟରେ ଏହି ୱର୍ଲ୍ଡ କ୍ଲାସ୍ ରେଳ ଷ୍ଟେସନ୍ କୁ ଉଦଘାଟନ କରିବେ । ଏହା ଏକ ପୁର୍ନବିକଶିତ ରେଳ ଷ୍ଟେସନ୍ । ରବିବାର ଦିନ ଜଣେ ଅଧିକାରୀ ଏନେଇ ସୂଚନା ଦେଇଛନ୍ତି । ରେଳ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ମଧ୍ୟପ୍ରଦେଶରେ ଅନେକ ରେଳ ପ୍ରକଳ୍ପର ମୋଦୀ ଶୁଭାରମ୍ଭ କରିବେ ।
ଏଥିରେ ଗଜ୍ ରୁପାନ୍ତରିକରଣ ଓ ବିଦ୍ୟୁତିକୃତ ଉଜୈନ-ଫତେହାବାଦ୍ ଚନ୍ଦ୍ରାବତୀ ବଡ଼ ଲାଇନ୍ ବିଭାଗ, ଭୋପାଳ-ବାରଖଡ଼ା ବିଭାଗରେ ତୃତୀୟ ରେଳଲାଇନ୍, ରେଳ ଲାଇନ ରୂପାନ୍ତର ଏବଂ ବିଦ୍ୟୁତକରଣ ମଥେଲା-ନିମାର ଖେରୀ ବ୍ରଡ ଲାଇନ ବିଭାଗ ଏବଂ ବିଦ୍ୟୁତକରଣ ଗୁନା-ଗ୍ୱାଲିଅର ବିଭାଗ ଅନ୍ତର୍ଭୁକ୍ତ ରହିଛି । ପ୍ରଧାନମନ୍ତ୍ରୀ ମୋଦୀ ଇନ୍ଦୋର- ଉଜୈନ ଏବଂ ଉଜୈନ-ଇନ୍ଦୋର ମଧ୍ୟରେ ମଧ୍ୟରେ ଦୁଇଟି ନୂତନ ମେମୁ ଟ୍ରେନକୁ ମଧ୍ୟ ଆରମ୍ଭ କରିବେ ।
ମଧ୍ୟପ୍ରଦେଶର ପ୍ରଥମ ବିଶ୍ୱ ସ୍ତରୀୟ ରେଳ ଷ୍ଟେସନକୁ ଗୋଣ୍ଡ ରାଜ୍ୟର ସାହସୀ ତଥା ନିର୍ଭୀକ ରାଣୀ କମଲାପତିଙ୍କ ସମ୍ମାନାର୍ଥେ ରାଣୀ କମଳାପତି ରେଳ ଷ୍ଟେସନ ନାମରେ ନାମିତ କରାଯାଇଛି।
