ଥଣ୍ଡା ବୋତଲରେ ଦେଶୀ ମଦ ଚାଲାଣ, ୩ ଜଣଙ୍କୁ ଗିରଫ କଲା ପୋଲିସ

ଉଦଳା: ଆସୁଛି ନୂଆ ବର୍ଷ । ରାଜ୍ୟର ପ୍ରାୟ ସମସ୍ତ ପିକନିକ୍ ସ୍ପଟରେ ପର୍ଯ୍ୟଟକଙ୍କ ଭିଡ଼ ଜମୁଛି । ଏଥିମଧ୍ୟରେ ଦିନକୁ ଦିନ ଦେଶୀ ମଦ ଚୋରାଚାଲାଣକାରୀଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗୁଛି । ଥଣ୍ଡା ବୋତଲରେ ଦେଶୀ ମଦ ଚାଲାଣ କରୁଥିବା ବେଳେ ପୋଲିସ ହାତରେ ୩ ଜଣ ବେପାରୀ ଧରାପଡ଼ିଛନ୍ତି । ଏକ ବସରୁ ୧୫୦ ଲିଟର ଦେଶୀ ମଦ ଜବତ କରିଛି ପୋଲିସ । ଉଦଳାରୁ ଭୁବନେଶ୍ୱର ଅଭିମୁଖେ ଆସୁଥିବା ଏକ ଘରୋଇ ବସରୁ ଦେଶୀ ମଦ ଜବତ କରାଯାଇଛି । ଗିରଫ ହୋଇଥିବା ୩ ଜଣଙ୍କ ମଧ୍ୟରୁ ୨ ବେପାରୀ ଭୁବନେଶ୍ୱର ଏବଂ ଅନ୍ୟ ଜଣେ ଉଦଳା ଅଞ୍ଚଳର ବୋଲି ଜଣାପଡ଼ିଛି ।