ନିଜ ଅଣ୍ଟାରେ ଯୁବତୀ ଜଣଙ୍କ ଲୁଚାଇ ରଖିଥିଲେ ଏକ ପିସ୍ତଲ, ପୋଲିସ ସର୍ଚ୍ଚ ପରେ ଧରା ପଡ଼ିଲେ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ଆଜିକାଲିର ଝିଅମାନେ ପୁଅଙ୍କଠାରୁ କୌଣସି ଗୁଣରେ କମ୍ ନୁହନ୍ତି । ଜଣେ ଯୁବତୀ କୋଲ୍ଡ ଡ୍ରିଙ୍କ ପିଉଥିବା ସମୟରେ ପୋଲିସ ତାଙ୍କ ଅଣ୍ଟାରୁ ଏକ ପିସ୍ତଲ ଜବତ କରିଥିଲା । ଉତ୍ତରପ୍ରଦେଶର ମୈନପୁରୀ ଜିଲ୍ଲାରୁ ଏପରି ଏକ ଘଟଣା ସାମ୍ନାକୁ ଆସିଛି । ଜେଲ ନିକଟରେ ଯୁବତୀ ଜଣଙ୍କ ସଫ୍ଟ ଡ୍ରିଙ୍କ ପିଉଥିବା ବେଳେ ପୋଲିସ ଟିମର ନଜର ତାଙ୍କ ଉପରେ ପଡ଼ିଥିଲା ।
ତେବେ ଏହାପରେ ମହିଳା ପୋଲିସ ଉକ୍ତ ଯୁବତୀଙ୍କୁ ସର୍ଚ୍ଚ କରିଥିଲେ । ଯୁବତୀଙ୍କ ଅଣ୍ଟାରୁ ଏକ ଦେଶୀ ପିସ୍ତଲ ମିଳିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ଯୁବତୀଙ୍କୁ ପୋଲିସ ହେପାଜତକୁ ନିଆଯାଇଥିଲା । ଉକ୍ତ ଯୁବତୀଙ୍କ ନାମରେ ଆର୍ମ୍ସ ଆକ୍ଟ ରୁଜୁ ହେବା ପରେ କୋର୍ଟରେ ହାଜର କରାଯିବ । ଏହି ଘଟଣାର ଭିଡିଓ ବର୍ତ୍ତମାନ ଖୁବ୍ ଭାଇରାଲ୍ ହେବାରେ ଲାଗିଛି ।
ଜଣାପଡ଼ିଛି ଯେ, ସ୍ୱାଟ ଟିମର ପ୍ରଭାରୀ ନିଜ ଟିମ୍ ସହ କୋତୱାଲି ଅଞ୍ଚଳର ଜେଲ ନିକଟରେ ଉପସ୍ଥିତ ଥିଲେ । ଏହି ସମୟରେ କୋଲ୍ଡ ଡ୍ରିଙ୍କ ପିଉଥିବା ଜଣେ ଯୁବତୀଙ୍କ ଉପରେ ତାଙ୍କର ନଜର ପଡ଼ିଥିଲା । ପରେ ତଲାସୀ କରିବା ପରେ ଯୁବତୀଙ୍କ ଅଣ୍ଟାରୁ ୩୧୫ ବୋର ବିଶିଷ୍ଟ ଏକ ପିସ୍ତଲ ମିଳିଥିଲା । ମହିଳା ପୋଲିସ ଯେତେବେଳେ ଯୁବତୀଙ୍କ ଅଣ୍ଟାରୁ ପିସ୍ତଲକୁ ବାହାର କରିଥିଲେ ତାହା ସମସ୍ତଙ୍କୁ ଚକିତ କରିଦେଇଥିଲା । ତେବେ ଏନେଇ ଯୁବତୀ ଜଣଙ୍କ କହିଛନ୍ତି ଯେ, ମୋ ପରିବାର ଲୋକେ ମୋତେ ମାରି ମୋ ଜମି ହଡ଼ପ କରିବାକୁ ଚାହୁଁଥିଲେ । ତେଣୁ ନିଜ ସୁରକ୍ଷା ପାଇଁ ମୁଁ ପାଖରେ ପିସ୍ତଲ ରଖିଥିଲି ।
LIVE :मैनपुरी में जींस में तमंचा लगाकर घूम रही शिक्षिका को पुलिस ने चेकिंग में पकड़ा,लाया गया थाने। @adgzoneagra @mainpuripolice @igrangeagra pic.twitter.com/VqpBTEz6Is
— Avp ??????, ?????? ????????, (@Adarshvwastha) April 12, 2022
