Breaking: ୭ ଟଙ୍କା କମିଲା ଆଳୁ, ୩ କିଲୋକୁ ୧୦୦ ଟଙ୍କାରେ ହେଉଛି ବିକ୍ରି

କଟକ: ଆଳୁ ଦରରେ ବଡ଼ ପରିବର୍ତ୍ତନ ଦେଖିବାକୁ ମିଳିଛି । ହାରାହାରି ୭ ଟଙ୍କା କମିଯାଇଛି ଆଳୁ ଦର । ଯାହାକୁ ନେଇ ଗାଉଟିଙ୍କୁ ବଡ଼ ଆଶ୍ୱସ୍ତ ମିଳିବ ।

କଟକ ଛତ୍ର ବଜାରରେ ଆଜି ୩ କିଲୋ ଆଳୁକୁ ୧୦୦ ଟଙ୍କାରେ ବିକ୍ରି କରାଯାଇଛି ।

ପୂର୍ବରୁ ୩ କିଲୋ ଆଳୁ ୧୨୦ ଟଙ୍କାରେ ବ୍ରିକି ହେଉଛିଥିଲା । ଅର୍ଥାତ୍ ଆଳୁ କିଲୋ ଥିଲା ୪୦ ଟଙ୍କା । କିନ୍ତୁ ବର୍ତ୍ତମାନ ଆଳୁ ରେଟ୍ କମ୍ ୩୩ ଟଙ୍କାରେ ପହଞ୍ଚିଛି । ଆଗାମୀ ଦିନରେ ଆଳୁ ଦର ଆହୁରି କମିବ ବୋଲି କୁହାଯାଉଛି ।

ସୂଚନାଯୋଗ୍ୟ, ଚଳିତ ବର୍ଷ ରାଜ୍ୟ ସରକାର ଆଳୁ ମିଶନ ଅବଧି ବୃଦ୍ଧି କରିଥିବା ବେଳେ ଅକ୍ଟୋବରରୁ ଚାଷୀଙ୍କୁ ପ୍ରାମାଣିକ ଆଳୁ ବିହନ ଯୋଗାଣ କରିଛନ୍ତି। ପ୍ରାୟ ୧. ୬୦ଲକ୍ଷ କୁଇଣ୍ଟାଲ୍ ଆଳୁ ବିହନ ଯୋଗାଣ କରାଯାଇଥିବା ବେଳେ ଆଉ କିଛିଦିନ ପରେ ନୂଆ ଆଳୁ ଅମଳ ହେବ। ଅମଳ ପରେ ଦର ସ୍ଵାଭାବିକ ସ୍ଥିତିକୁ ଆସିବ ବୋଲି କୁହାଯାଉଛି।