ଇଣ୍ଡୋନେସିଆର ରାଷ୍ଟ୍ରପତି ନିର୍ବାଚନ ଜିତିଲେ ପ୍ରବୋୱୋ: ନିଶ୍ଚିତ କରିଛନ୍ତି ନିର୍ବାଚନ ଆୟୋଗ
ନୂଆଦିଲ୍ଲୀ: ଗତ ମାସରେ ଅନୁଷ୍ଠିତ ନିର୍ବାଚନରେ ଜିତିବା ପରେ ପ୍ରବୋୱୋ ସୁବିଆନ୍ତୋ ଇଣ୍ଡୋନେସିଆର ରାଷ୍ଟ୍ରପତି ଭାବରେ ନିର୍ବାଚିତ ହୋଇଛନ୍ତି । ନିର୍ବାଚନ ଆୟୋଗ ଏହା ନିଶ୍ଚିତ କରିଛନ୍ତି । ସେ ଦୁଇ ପ୍ରତିଦ୍ୱନ୍ଦ୍ୱୀଙ୍କ ବିରୋଧରେ ଏକ ନିର୍ଣ୍ଣାୟକ ବିଜୟ ହାସଲ କରିଛନ୍ତି, ଯେଉଁମାନେ ଭୋଟ୍ ବିଷୟରେ ଆଇନଗତ ଅଭିଯୋଗ ଦାଖଲ କରିବାକୁ ଶପଥ ନେଇଛନ୍ତି ।
ସାଧାରଣ ନିର୍ବାଚନ ଆୟୋଗର ଅଧ୍ୟକ୍ଷ ହାସିମ ଅସାରି ବୁଧବାର ଦିନ କହିଛନ୍ତି ଯେ, ପ୍ରତିରକ୍ଷା ମନ୍ତ୍ରୀ ପ୍ରବୋୱୋ ଏବଂ ତାଙ୍କ ଉପ-ରାଷ୍ଟ୍ରପତି ନିର୍ବାଚନ ସାଥୀ ଗିବ୍ରାନ୍ ରାକାବୁମିଙ୍ଗ ରାକା ୧୪ ଫେବୃଆରୀର ପ୍ରଥମ ରାଉଣ୍ଡରେ ୫୯% ଭୋଟ୍ ବା ୯୬ ମିଲିୟନରୁ ଅଧିକ ଭୋଟ ହାସିଲ କରି ବହୁମତ ହାସଲ କରିଛନ୍ତି । ଅନିସ୍ ବାସୱେଡାନ୍ ପ୍ରାୟ ୪୧ ନିୟୁତ ଭୋଟ୍ ବା ମୋଟ ଗଣନର ୨୫ ପ୍ରତିଶତ ପାଇଥିବାବେଳେ ଗଞ୍ଜର ପ୍ରାନୋଭୋ ୨୭ ମିଲିୟନ୍ ଭୋଟ୍ ପାଇଛନ୍ତି, ଯାହା ୧୬ ପ୍ରତିଶତରୁ ଅଧିକ ।
