ବହି ପଢ଼ିଲେ ଜେଲରୁ ଶୀଘ୍ର ମୁକ୍ତ ହେଉଛନ୍ତି କଏଦୀ, ଜାଣନ୍ତୁ କେଉଁ ଦେଶରେ ଅଛି ଏପରି ନିୟମ
ଜେଲରେ ଯେଉଁ ଅପରାଧୀ ବହି ପଢ଼ୁଛନ୍ତି ସେମାନଙ୍କୁ ଜେଲରୁ ମୁକ୍ତ କରାଯାଉଛି । ହୁଏତ ଆପଣ ଏହାକୁ ଶୁଣି ଆଶ୍ଚର୍ଯ୍ୟ ହେଉଥିବେ । ହେଲେ ଏଭଳି ଏକ ଦେଶ ବୋଲଭିଆ, ଯେଉଁଠି କଏଦୀମାନେ ବହି ପଢ଼ିବା ଦ୍ୱାରା ସେମାନଙ୍କୁ ଜେଲରୁ ମୁକ୍ତ କରାଯାଉଛି ।
ଏମିତିକି କଏଦୀମାନଙ୍କୁ ବହି ପଢ଼ିବା ପାଇଁ ଜେଲ କର୍ତ୍ତୃପକ୍ଷ ଉତ୍ସାହିତ ମଧ୍ୟ କରିଥାନ୍ତି । ଏହି ଅଭିଯାନର ନାଁ ରଖାଯାଇଛି ବୁକ୍ସ ବିହାଇଣ୍ଡ ବାର । ବୋଲିଭିଆର ଅଧିକ କଏଦୀ ଥିବା ଜେଲର ବନ୍ଦୀମାନଙ୍କ ସଂଖ୍ୟାକୁ ନିୟନ୍ତ୍ରଣ କରିବାକୁ ନୂଆ ପ୍ରୟାସ କରାଯାଉଛି ।
ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ବୋଲିଭିଆରେ ମୃତ୍ୟୁଦଣ୍ଡ କିମ୍ବା ଆଜୀବନ କାରାଦଣ୍ଡ ନାହିଁ । ଏଭଳି ସ୍ଥିତିରେ ବନ୍ଦୀମାନେ ଏହି ପଦ୍ଧତିକୁ ବହୁତ ପସନ୍ଦ କରନ୍ତି । ଏଥି ସହିତ ଜେଲ ପ୍ରଶାସନ ମଧ୍ୟ ଏହି ଅଭିଯାନକୁ ସଫଳ କରିବା ପାଇଁ ଉତ୍ସାହିତ କରିଥାନ୍ତି । ବୋଲଭିଆର ସବୁ ସ୍ଥାନରେ ‘ବୁକ୍ସ ବିହାଇଣ୍ଡ’ ଯୋଜନାକୁ ନେଇ ଚର୍ଚ୍ଚା ହେଉଛି ।
ଏହି କାର୍ଯ୍ୟକ୍ରମ ଅଧୀନରେ ଜେଲରେ ଥିବା କଏଦୀମାନେ ମୁକ୍ତ ହେବାର କିଛି ଦିନ କିମ୍ବା କିଛି ସପ୍ତାହ ପୂର୍ବରୁ ଜେଲରୁ ବାହାରିବାର ସୁଯୋଗ ପାଇପାରିବେ । ଦେଶର ୪୭ ଟି ଜେଲରେ ଏହି କାର୍ଯ୍ୟକ୍ରମ ଏକକାଳୀନ ଭାବେ ଆରମ୍ଭ ହୋଇଛି ।
