Romance ପାଇଁ କଏଦୀଙ୍କୁ ଅନୁମତି: ଜେଲରେ ଶାରୀରିକ ସମ୍ବନ୍ଧ ପାଇଁ ମିଳିବ ୨ ଘଣ୍ଟା ସମୟ
ନୂଆଦିଲ୍ଲୀ: ଏଣିକି କଏଦୀମାନଙ୍କ ଯୌନ ଇଚ୍ଛାକୁ ମଧ୍ୟ ସମ୍ମାନ ଦେଉଛନ୍ତି ସରକାର । କଥାଟା ଆଶ୍ଚର୍ଯ୍ୟଜନକ ଏବଂ ଅଶୋଭନୀୟ ହେଲେ ବି ସତ । ଏବେ କଏଦୀମାନେ ବି ପାଇବେ ରୋମାନ୍ସ କରିବାର ସୁଯୋଗ । ଖୁବଶୀଘ୍ର ଭାରତରେ ଏପରି ଏକ ନିୟମ ଲାଗୁ ହେବାକୁ ଯାଉଛି । ଜେଲ ଚାରିକାନ୍ଥ ଭିତରେ ଜୀବନସାଥୀଙ୍କ ସହ ଶାରୀରିକ ସମ୍ବନ୍ଧ ରକିବା ପାଇଁ କଏଦୀଙ୍କୁ ୨ ଘଣ୍ଟା ସମୟ ଦିଆଯିବ । ତେବେ ପ୍ରଥମ ରାଜ୍ୟ ଭାବେ ଏହି ନିୟମ ଆଣିଛନ୍ତି ପଞ୍ଜାବ ସରକାର ।
ଏଭଳି ଦାମ୍ପତ୍ୟ ରୋମାନ୍ସ ବ୍ୟବସ୍ଥା ଗୋଣ୍ଡିୱାଲ ସାହିବ, ନବହାରେ ଥିବା ନୂଆ ଜେଲ ଓ ଭାଟିଣ୍ଡାରେ ଥିବା ନୂଆ ଜେଲରେ ଲାଗୁ ହୋଇଛି । କଏଦୀମାନଙ୍କ ପାଇଁ ୨ ମାସରେ ଦାମ୍ପତ୍ୟ ଜୀବନ ଉପଭୋଗ କରିବା ପାଇଁ ୨ ଘଣ୍ଟା ସମୟ ମିଳିବ । ତେବେ ଏଥିପାଇଁ ଏକ ସ୍ୱତନ୍ତ୍ର ରୁମର ବ୍ୟବସ୍ଥା କରିଛି ଜେଲ ବିଭାଗ । ତେବେ ଦୀର୍ଘ ଦିନ ହେଲା କଏଦୀମାନେ ଏହି ଯୋଜନାରେ ଲାଭ ପାଇପାରିବେ । ଏହି ବ୍ୟବସ୍ଥା କଏଦୀଙ୍କ ମାନସିକ ଅବସ୍ଥାକୁ ଠିକ ରଖିବା ସହିତ ଦାମ୍ପତ୍ୟ ଜୀବନକୁ ଆଗକୁ ନେଇ ପାରିବ ।
ଏହି ଯୋଜନାର ନିୟମ:
ଜଣେ ମହିଳା/କିମ୍ବା ପୁରୁଷଙ୍କୁ ପ୍ରଥମେ କଏଦୀଙ୍କ ସହ ତାଙ୍କର ବିବାହ ହୋଇଛି ବୋଲି ପ୍ରମାଣପତ୍ର ଦେଖାଇବାକୁ ପଡ଼ିବ। ସେହିପରି ସେ ଏଚଆଇଭି କିମ୍ବା ଅନ୍ୟ ଯୌନ ସଂକ୍ରମଣ ରୋଗରେ ଆକ୍ରାନ୍ତ ନ ଥିବା ରିପୋର୍ଟ ଦେଖାଇବେ। ଏଥିସହ କୋଭିଡ୍ ନେଗେଟିଭ ରିପୋର୍ଟ ମଧ୍ୟ ସାଙ୍ଗରେ ଆଣିବାକୁ ପଡ଼ିବ। ଏହାକୁ ଯାଞ୍ଚ କରିବା ପରେ ହିଁ ଜଣେ ପୁରୁଷ କିମ୍ବା ମହିଳାଙ୍କୁ ଜେଲରେ ଥିବା ତାଙ୍କ ସ୍ୱାମୀ କିମ୍ବା ସ୍ତ୍ରୀଙ୍କୁ ଦେଖା କରିବାକୁ ଅନୁମତି ମିଳିବ।
