ସବୁ ରେକର୍ଡ ଭାଙ୍ଗିବା ପରେ ୫ ଦିନରେ ନୂଆ ରେକର୍ଡ କରିଛି ପୁଷ୍ପା-୨
ନୂଆଦିଲ୍ଲୀ- ଅଲ୍ଲୁ ଅର୍ଜୁନଙ୍କ ପୁଷ୍ପା୨: ଦ ରୁଲ ଲୋକଙ୍କ ମଧ୍ୟରେ ରାଜ କରୁଛି । ରିଲିଜକୁ ସପ୍ତାହଟେ ହୋଇନି, ହେଲେ ବର୍ଷକର ସବୁଠାରୁ ବଡ ଫିଲ୍ମ ହୋଇଯାଇଛି । ପ୍ରତିଦିନ ବକ୍ସ ଅଫିସରେ ନୂଆ ନୂଆ ରେକର୍ଡ ନିଜ ନାଁରେ କରିବାରେ ଲାଗିଛି ପୁଷ୍ପା ୨ । ରିଲିଜର ୫ମ ଦିନରେ ଫିଲ୍ମ ଏକ ରେକର୍ଡ କରିଛି । ପୁଷ୍ପା ୨ ହିନ୍ଦୀ ଭାଷାରେ ସୋମବାର ୪୮ କୋଟି ଇନକମ କରିଛି । ଏଥିସହ ଫିଲ୍ମରେ ସବୁଠାରୁ ବଡ ନନ ହଲିଡେ କଲେକ୍ସନ ହୋଇଛି ।
ହିନ୍ଦୀରେ ଫିଲ୍ମ ପ୍ରଥମ ଦିନରେ ୭୨ କୋଟି ବିଜନେସ କରିଥିଲା, ଦ୍ୱିତୀୟ ଦିନରେ ୫୯, ଶନିବାର ୭୪, ରବିବାର ୮୬ କୋଟିର ସଂଗ୍ରହ କରିଛି । ପଞ୍ଚମ ଦିନର କଲେକ୍ସନ ସବୁଠାରୁ ବଡ ନନ ହଲିଡେ କଲେକସନ ହୋଇଛି । ଏଯାଏଁ ଫିଲ୍ମ ମୋଟ ୩୩୯ କୋଟି ଟଙ୍କା ରୋଜଗାର କରି ସାରିଛି ।
ଏଠାରେ କହି ରଖୁଛୁ କି, ପୁଷ୍ପା ୨, ଦ ରୁଲର ନିର୍ଦ୍ଦେଶନା ସୁକୁମାର କରିଛନ୍ତି । ଫିଲ୍ମରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫହାଦ ଫାସିଲ ଲିଡ ରୋଲରେ ନଜର ଆସିଛନ୍ତି । ଫିଲ୍ମଟି ମାଇଥ୍ରୀ ମୁଭି ମେକର୍ସ ଓ ସୁକୁମାର ରାଇଟିଂଙ୍ଗ୍ସ ଦ୍ୱାରା ପ୍ରସ୍ତୁତ ହୋଇଛି । ଏଥିରେ ମ୍ୟୁଜିକ ଟି ସିରିଜର ଥିବା ବେଳେ ଫିଲ୍ମ ୫ ଡିସେମ୍ବର ୨୦୨୪ରେ ରିଲିଜ ହୋଇଥିଲା । ଶ୍ରୀଲିଲା ଏଥିରେ ଆଇଟମ ସଙ୍ଗ କରିଛନ୍ତି ।
ଦର୍ଶକ ଫିଲ୍ମରେ ଅଲ୍ଲୁଙ୍କ ଅଭିନୟକୁ ବେଶ ପସନ୍ଦ କରିଛନ୍ତି । ଫହାଦ ମଧ୍ୟ ଲାଇମଲାଇଟରେ ଅଛନ୍ତି । ତେବେ ପୁଷ୍ପାର ସଂଗୀତ ପରି ପୁଷ୍ପା ୨ରୁ ସଂଗୀତ ଲୋକଙ୍କୁ ସେତେଟା ପସନ୍ଦ ଆସିନାହିଁ ।
