(Video) ଆପଣଙ୍କ ବାହାଘର କେବେ ହେବ ସାର୍? ମେକାନିକଙ୍କ ପ୍ରଶ୍ନର ଏମିତି ଉତ୍ତର ଦେଲେ ରାହୁଲ ଗାନ୍ଧୀ…
ନୂଆଦିଲ୍ଲୀ: କଂଗ୍ରେସ ନେତା ତଥା ମୋଷ୍ଟ ଏଲିଜିବୁଲ ବ୍ୟାଚେଲର ରାହୁଲ ଗାନ୍ଧୀଙ୍କୁ ବର୍ତ୍ତମାନ ବିଭିନ୍ନ ରୂପରେ ଦେଖିବାକୁ ମିଳୁଛି । ନିକଟରେ ସେ କରୋଲବାଗର ଏକ ମେକାନିକ ମାର୍କେଟକୁ ଯାଇ ସେମାନଙ୍କ ସହ ବିଭିନ୍ନ ଘଟଣା ଉପରେ ଆଲୋଚନା କରିଥିଲେ । ତେବେ ଏହି ସମୟରେ ଜଣେ ମେକାନିକ ରାହୁଲଙ୍କୁ ତାଙ୍କ ବିବାହ ବିଷୟରେ ପ୍ରଶ୍ନ କରିଥିଲେ । ଏହି ପ୍ରଶ୍ନ ଶୁଣି ରାହୁଲ ଟିକିଏ ଲାଜେଇଯିବା ସହ କିଛି ଏମିତି ଉତ୍ତର ଦେଇଛନ୍ତି । ଏହି ଘଟଣାର ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି ।
କରୋଲବାଗର ଏକ ଗ୍ୟାରେଜରେ ପହଞ୍ଚିଥିଲେ ରାହୁଲ । ସେଠରେ ମେକାନିକ ମାନଙ୍କ ସହିତ ଆଲୋଚନା କରିବା ସହ ବାଇକ ସଜାଡିବାର ଏକ ଭିଡିଓ ଏବେ ଭାଇରାଲ ହେଉଛି । ରାହୁଲ ସେଠାରେ ବାଇକ ସଜାଡିବା ବେଳେ ତାଙ୍କୁ ଜଣେ ମେକାନିକ ପ୍ରଶ୍ନ କରିଥିଲେ ଯେ, ସାର୍ ଆପଣଙ୍କ ବିବାହ କେବେ ହେବ? ତେବେ ତାଙ୍କର ଏହି ପ୍ରଶ୍ନର ଉତ୍ତର ଦେବା ପୂର୍ବରୁ ରାହୁଲ ଟିକିଏ ହସି ଦେଇଥିଲେ । ଏହାପରେ ମେକାନିକଙ୍କ ପ୍ରଶ୍ନର ଉତ୍ତର ଦେଇଥିଲେ ରାହୁଲ ଗାନ୍ଧୀ । ସେ ବିବାହ ପ୍ରଶ୍ନର ଉତ୍ତରରେ କହିଥିଲେ ଯେ, ‘ଖୁବଶୀଘ୍ର ହୋଇଯିବ’ ।
भारत के सुपर मैकेनिक – जिनके पाने से देश की तरक्की का पहिया चलता है!
भारत जोड़ो का नया पड़ाव, करोल बाग़ की गलियां – जहां बाइकर्स मार्केट में, उमेद शाह, विक्की सेन और मनोज पासवान के साथ बाइक की सर्विसिंग की और मैकेनिक के काम को गहराई से समझा।
भारत के ऑटोमोबाइल उद्योग को मज़बूत… pic.twitter.com/Q5QwHgC2Fj
— Rahul Gandhi (@RahulGandhi) July 9, 2023
ଏହାପରେ ରାହୁଲ ମେକାନିକଙ୍କୁ ମଧ୍ୟ ତାଙ୍କ ବିବାହ ବିଷୟରେ ପଚାରିଥିଲେ । ଯାହାର ଉତ୍ତରରେ ମେକାନିକ କହିଛନ୍ତି ଯେ, ବାପା ଏମେ ଝିଅ ଦେଖିବା ପାଇଁ କହିଛନ୍ତି । ମୋର ପାରିଶ୍ରମିକ ୧୪-୧୫ ହଜାର ଟଙ୍କା ରହିଛି, ଏତିକିରେ ଘର ପରିବାର କେମିତି ଚଳିବ? ଏ ଘଟଣାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନା ଥାଉ କି, କଂଗ୍ରେସ ନେତା ରାହୁଲ ଗାନ୍ଧୀ ବର୍ତ୍ତମାନ ଭାରତ ଯୋଡୋ ଯାତ୍ରା ଜାରି ରଖିଛନ୍ତି । ଏଥିରେ ସାଧାରଣ ଲୋକଭ୍କ ପାଖରେ କହଞ୍ଚି ସିଧାସଳଖ ଭେଟିବା ସହ ସେମାନଭ୍କ ସହ ଆଲୋଚନା କରୁଛନ୍ତି ରାହୁଲ ।
