ଫ୍ୟାଟି ଫୁଡ୍ ବଢ଼ାଇପାରେ ଏନଜାଇଟି: ରିସର୍ଚ୍ଚରେ ହେଲା ଆଶ୍ଚର୍ଯ୍ୟକର ଖୁଲାସା

ନୂଆଦିଲ୍ଲୀ: ପ୍ରାୟତଃ ଦେଖିବାକୁ ମିଳୁଛି କି, ଯେଉଁମାନେ ଡିପ୍ରେସନ୍ ବା ଏନଜାଇଟିର ଶିକାର ହୁଅନ୍ତି, ସେମାନେ ଯେତେବେଳେ ଚିନ୍ତିତ ହୁଅନ୍ତି, ସେବେ ଅଧିକ ଅଧିକ ଖାଇବା ଆରମ୍ଭ କରନ୍ତି । ଯେଉଁଥିରେ ସେ ସର୍ବପ୍ରଥମେ ଚକୋଲେଟ୍, କେକ୍ କିମ୍ବା ଡୋନାଟ୍ ଖାଆନ୍ତି, ଯାହା ତାଙ୍କୁ ତତକ୍ଷଣାତ୍ ଶକ୍ତି ଦେଇଥାଏ ଏବଂ ତାଙ୍କ ମନୋବଳକୁ ବଢ଼ାଇଥାଏ ।

ଏହା ବ୍ୟତୀତ କିଛି ଲୋକ ଜଙ୍କ ଫୁଡ ପରି ଅସ୍ୱାସ୍ଥ୍ୟକର ଖାଦ୍ୟ ପଦାର୍ଥ ଖାଇଥା’ନ୍ତି । କିନ୍ତୁ ନିକଟରେ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ, ଫ୍ୟାଟି ଫୁଡ ଖାଇବା ପ୍ରକୃତରେ ଆମର ଚିନ୍ତାକୁ ବଢ଼ାଇପାରେ । ଆସନ୍ତୁ ଆପଣଙ୍କୁ ଏହି ଅନୁସନ୍ଧାନ ବିଷୟରେ ଏବଂ ଏହି ଫ୍ୟାଟି ଫୁଡ୍ ଆପଣଙ୍କୁ କିପରି ପ୍ରଭାବିତ କରିପାରିବ ସେ ବିଷୟରେ କହିବା ।

କ’ଣ କହୁଛି ରିସର୍ଚ୍ଚ ?
ନିକଟରେ କଲୋରଡୋ ବୋଲଡର୍ ୟୁନିଭରସିଟିରେ ଏକ ଅନୁସନ୍ଧାନ କରାଯାଇଥିଲା, ଯାହା ଦର୍ଶାଇଥିଲା ଯେ ଫ୍ୟାଟି ଫୁଡ୍ ଖାଇବା ଦ୍ୱାରା ଆମର ଚିନ୍ତା ବଢ଼ିପାରେ । ମୂଷା ଉପରେ କରାଯାଇଥିବା ଏହି ଅନୁସନ୍ଧାନରେ ଏହା ଜଣାପଡିଛି ଯେ, ଏହି ଖାଦ୍ୟଗୁଡ଼ିକ ଅନ୍ତନଳୀ ବ୍ୟାକ୍ଟେରିଆରେ ବାଧା ସୃଷ୍ଟି କରିପାରେ, ଯାହା ମସ୍ତିଷ୍କରେ ଥିବା ରାସାୟନିକ ପଦାର୍ଥକୁ ପରିବର୍ତ୍ତନ କରିଥାଏ ଏବଂ ଚିନ୍ତା ବଢ଼ାଇଥାଏ । ଅନୁସନ୍ଧାନ ଅନୁଯାୟୀ, ଉଦାସୀନତା ଏବଂ ଚିନ୍ତାରେ ପୀଡିତ ବ୍ୟକ୍ତି ନିୟମିତ ଖାଦ୍ୟରେ ୩୬% ଫ୍ୟାଟି ଫୁଡ୍ ପଦାର୍ଥ ଖାଇଥା’ନ୍ତି ।

ଏହି ଫ୍ୟାଟି ଫୁଡ୍ ଚିନ୍ତାର ଆଶଙ୍କା ବଢ଼ାଇପାରେ :-
ଫ୍ୟାଟି ଫୁଡ୍ ଯେପରିକି ଡୋନାଟ୍, ବରଗର୍, ଚିପ୍ସ, ଫ୍ରାଇଜ୍, ଜଙ୍କ ଫୁଡ୍ କିମ୍ବା ଫାଷ୍ଟଫୁଡ୍ ଅସ୍ୱାସ୍ଥ୍ୟକର ଫ୍ୟାଟି ଫୁଡ୍ ଅଧୀନରେ ଆସେ, ଯାହା କେବଳ ଆପଣଙ୍କ ଓଜନ ବଢ଼ାଇବା ସହ ଯଦି କ୍ରମାଗତ ଭାବରେ ଖିଆଯାଏ, ତେବେ ଏହା ଚିନ୍ତା ଏବଂ ଉଦାସୀନତା ମଧ୍ୟ ବଢ଼ାଇପାରେ ।

କେବଳ ଏତିକି ନୁହେଁ, ଅଧିକ ଚକୋଲେଟ୍ ଖାଇବା ମଧ୍ୟ ଚିନ୍ତାର କାରଣ ହୋଇପାରେ, ଆପଣ ସିମ୍ପଲ୍ ଚକୋଲେଟ୍ ବଦଳରେ ଏକ ଛୋଟ ଡାର୍କ ଚକୋଲେଟ୍ ଖାଇପାରିବେ । ଏହି ଜିନିଷ ବଦଳରେ ଚିନ୍ତା କିମ୍ବା ଚାପ ସମୟରେ, ଆପଣ ସିଡସ୍, ବାଦାମ, ସମୁଦ୍ର ଖାଦ୍ୟ, ଓମେଗା ୩ ଫ୍ୟାଟି ଏସିଡରେ ଭରପୂର ଖାଦ୍ୟ ପଦାର୍ଥ ଖାଇପାରିବେ । ଏହା ଆପଣଙ୍କ ମନୋବଳକୁ ଆରାମ ଦେଇଥାଏ ଏବଂ ଚିନ୍ତା ସ୍ତର ହ୍ରାସ କରିବାରେ ସାହାଯ୍ୟ କରିଥାଏ ।