ଚାକିରିରେ ଚାପ ଏବଂ କମ୍ ଦରମା ହୋଇପାରେ ମାରାତ୍ମକ: ନୂଆ ରିସର୍ଚ୍ଚରେ ଆଶ୍ଚର୍ଯ୍ୟକର ଖୁଲାସା
ଏକ ନୂଆ ଅନୁସନ୍ଧାନରୁ ଜଣାପଡିଛି ଯେ, ଚାପଗ୍ରସ୍ତ ଚାକିରି ଏବଂ ସ୍ୱଳ୍ପ ବେତନ ପାଉଥିବା ପୁରୁଷଙ୍କୁ ଅନ୍ୟମାନଙ୍କ ତୁଳନାରେ ହୃଦଘାତ ହେବାର ଆଶଙ୍କା ଦୁଇଗୁଣ ଅଧିକ । ଜର୍ନାଲ ସର୍କୁଲେସନ୍: କାର୍ଡିଭାସ୍କୁଲାର୍ କ୍ୱାଲିଟି ଆଣ୍ଡ ଆଉଟକମ୍ସ ପତ୍ରିକାରେ ପ୍ରକାଶିତ ଏହି ଅଧ୍ୟୟନରେ ଦର୍ଶାଯାଇଛି ଯେ, କାର୍ଯ୍ୟରେ ମନୋ-ସାମାଜିକ ଚାପ ହୃଦଘାତର ଆଶଙ୍କାକୁ ବଢ଼ାଇପାରେ ।
ରିସର୍ଚ୍ଚ ସେଣ୍ଟରର ମାଥିଲ୍ଡେ ଲାଭିଗ୍ନେ-ରୋବିଚାଡ୍ କହିଛନ୍ତି ଯେ, କାର୍ଯ୍ୟରେ ବିତାଉଥିବା ମହତ୍ୱପୂର୍ଣ୍ଣ ସମୟକୁ ଧ୍ୟାନରେ ରଖି , କାମର ଚାପ ଓ ହୃଦ୍ରୋଗ ମଧ୍ୟରେ ଥିବା ସମ୍ପର୍କକୁ ବୁଝିବା ସ୍ୱାସ୍ଥ୍ୟ ତଥା କାର୍ଯ୍ୟବଳ ପାଇଁ ଗୁରୁତ୍ୱପୂର୍ଣ୍ଣ । ଅଧ୍ୟୟନରୁ ଜଣାପଡିଛି ଯେ, ଯେଉଁ ପୁରୁଷମାନେ ଚାକିରି ଚାପ କିମ୍ବା କମ୍ ବେତନ ସମସ୍ୟାର ସମ୍ମୁଖୀନ ହେଉଛନ୍ତି, ଅନ୍ୟ ପୁରୁଷଙ୍କ ତୁଳନାରେ ସେମାନଙ୍କଠାରେ ହୃଦଘାତର ଆଶଙ୍କା ୪୯ ପ୍ରତିଶତ ବଢ଼ିଛି ।
ଅବଶ୍ୟ ଚାକିରୀ ଚାପ ଏବଂ ବେତନ ଅସନ୍ତୁଳନ ବିଷୟରେ ରିପୋର୍ଟ କରିଥିବା ପୁରୁଷଙ୍କଠାରେ ହୃଦରୋଗର ବିପଦ ଦ୍ୱିଗୁଣ ଥିଲା, ଯେଉଁମାନେ ମିଳିତ ଚାପର ଅନୁଭବ କରିନଥିଲେ । କାର୍ଯ୍ୟସ୍ଥଳରେ ମନୋସାମାଜିକ ଚାପର ମହିଳାଙ୍କଠାରେ ହୃଦୟ ସ୍ୱାସ୍ଥ୍ୟ ଉପରେ ଚାପର ପ୍ରଭାବ ଅସ୍ପଷ୍ଟ ଥିଲା ।
ଅନୁସନ୍ଧାନକାରୀମାନେ ପ୍ରାୟ ୬,୫୦୦ କର୍ମଚାରରୀଙ୍କ ଉପରେ ଅଧ୍ୟୟନ କରିଥିଲେ, ଯାହାର ହାରାହାରି ବୟସ ୪୫ ବର୍ଷ ଏବଂ ସେମାନଙ୍କର ହୃଦୟ ରୋଗ ନଥିଲା । ୨୦୦୦ ରୁ ୨୦୧୮ ପର୍ଯ୍ୟନ୍ତ ସେମାନଙ୍କ ଉପରେ ତଦାରଖ କରାଯାଇଥିଲା । ଅନୁସନ୍ଧାନକାରୀମାନେ ପ୍ରଶ୍ନାବଳୀର ପରିମାଣ ସହିତ ଚାକିରି ଚାପ ଓ ଦରମାରେ ଅସନ୍ତୁଳନକୁ ଆକଳନ କରିଥିଲେ । ସ୍ୱାସ୍ଥ୍ୟ ଡାଟାବେସ୍ ବ୍ୟବହାର କରି ହୃଦ୍ରୋଗ ସମ୍ବନ୍ଧୀୟ ସୂଚନା ପ୍ରାପ୍ତ କରିଥିଲେ ।
