ଐତିହାସିକ ରେକର୍ଡ କଲା ସୁନା ଦର, ୧୦ ଗ୍ରାମ ପିଛା ୯୧ ହଜାର

ମହାରାଷ୍ଟ୍ର: ବିବାହ ଋତୁ ପୂର୍ବରୁ ସୁନା ମୂଲ୍ୟ ଐତିହାସିକ ଭାବରେ ବୃଦ୍ଧି ପାଇଛି। ଏପରିକି ଏହି ସୁନା ରେଟ୍ ସବୁ ରେକର୍ଡ ଭାଙ୍ଗିଛି। ପୂର୍ବରୁ ଅନୁମାନ କରାଯାଉଥିଲା କି ସୁନା ଦରରେ ଯେଉଁଭଳି ଭାବରେ ବୃଦ୍ଧି ଘଟୁଛି ବହୁତ୍ ଶୀଘ୍ର ଏକ ଲକ୍ଷ ଛୁଇଁପାରେ। ଯାହା ଏବେ ସତ ହେବାକୁ ଯାଉଛି।

କାରଣ ସୁନା ଦର ୧୦ ଗ୍ରାମ ପିଛା ବର୍ତ୍ତମାନ ୯୧ ହଜାର ଟଙ୍କା ଛୁଇଁ ସାରିଲାଣି। ତାହାଲେ ଲକ୍ଷେ ପାର କରିବା କିଛି ବଡ଼ କଥା ନୁହେଁ। ଏହି ଦର ବର୍ତ୍ତମାନ ଓଡିଶାରେ ନୁହେଁ ବରଂ ନାସିକ ଏବଂ ଜଳଗାଓଁରେ ରହିଛି। ଅନୁମାନ କରାଯାଉଛି ଏହି ରେଟ୍ ଓଡିଶାରେ ମଧ୍ୟ ବହୁତ ଶୀଘ୍ର ଲାଗ9ୁ ହୋଇପାରେ।

ଆଗାମୀ ଦିନରେ ସୁନା ଦରରେ ଆହୁରି ବୃଦ୍ଧି ହୋଇପାରେ। ଏକଥା ଆମେ କହୁନାହୁଁ- ମହାରାଷ୍ଟ୍ରର ନାସିକ ଏବଂ ଜଳଗାଓଁର ବ୍ୟବସାୟୀମାନେ ଆଗାମୀ ଦିନରେ ସୁନା ମୂଲ୍ୟ ଆହୁରି ବୃଦ୍ଧି ପାଇବାର ଆଶଙ୍କା କରୁଛନ୍ତି।

ବିଶେଷ କରି ଜଳଗାଁଓ ମହାରାଷ୍ଟ୍ର, ଗୁଜରାଟର ସୁନା ଗ୍ରାହକ ମାନଙ୍କୁ ଅଧିକ ଆକୃଷ୍ଟ କରିଥାଏ। କାରଣ ଏହାର ସୁନାର ଶୁଦ୍ଧତା ଏବଂ ଅସାଧାରଣ କାରିଗରୀ  ପ୍ରାୟ ସବୁ ଜାଗାରେ ମିଳେ ନାହିଁ। ତେଣୁ ସୁନାର ଚାହିଦା ଏହିଠାରେ ଅଧିକ ରହିଥାଏ।

ଜଳଗାଁଓର ଜଣେ ଅଳଙ୍କାର ବ୍ୟବସାୟୀ ସୁଶୀଲ ବାଫାନା କହିଛନ୍ତି: “ଶନିବାର ୧୦ ଗ୍ରାମ ସୁନାର ବଜାର ମୂଲ୍ୟ ଟିକସ ସମେତ ୯୧,୦୫୨ ଟଙ୍କା ଥିଲା। ଶୁକ୍ରବାର ଏହା ୯୧,୬୦୦ ଥିଲା। ବାଣିଜ୍ୟ ଉପରେ ଆମେରିକାର କାର୍ଯ୍ୟାନୁଷ୍ଠାନ ସମେତ ଅନ୍ତର୍ଜାତୀୟ ବିକାଶର ପ୍ରତିକ୍ରିୟାରେ ବଜାର ମୂଲ୍ୟ ବୃଦ୍ଧି ପାଉଛି।

ଆଜି ମଧ୍ୟ ଅନେକ ଲୋକ ସୁନାକୁ ସର୍ବୋତ୍ତମ ନିବେଶ ବିକଳ୍ପ ବୋଲି ବିବେଚନା କରନ୍ତି।” ଜଳଗାଁଓ ଅଳଙ୍କାର ମଧ୍ୟରେ ତୀବ୍ର ପ୍ରତିଯୋଗିତା ଗ୍ରାହକମାନଙ୍କୁ ଲାଭ ପହଞ୍ଚାଏ, ପ୍ରତିଯୋଗିତାମୂଳକ ଉପସ୍ଥିତିରେ ଉଚ୍ଚମାନର ଉତ୍ପାଦ ସୁନିଶ୍ଚିତ କରେ।

ଝିଅର ବିବାହ ପାଇଁ ଅଳଙ୍କାର କିଣୁଥିବା ରାଜେଶ ବେଣ୍ଡାଲେ କହିଛନ୍ତି ଯେ, ମୂଲ୍ୟ ବୃଦ୍ଧି କ୍ରୟ ନିଷ୍ପତ୍ତିକୁ ଅତି କମରେ ପ୍ରଭାବିତ କରେ। ଲୋକମାନେ ଜାଣନ୍ତି ଯେ ସୁନାର ମୂଲ୍ୟ ଆହୁରି ବୃଦ୍ଧି ପାଇବ।