କାହିଁକି ଦ୍ଵିତୀୟ ବିବାହ କରିଲେ ବୈଦେଶିକମନ୍ତ୍ରୀ ଏସ ଜୟଶଙ୍କର, ଦ୍ଵିତୀୟଥର ପାଇଁ କାହା ପ୍ରେମରେ ପଡ଼ିଥିଲେ ; ଜାଣନ୍ତୁ
ଭୁବନେଶ୍ୱର: ବିଦେଶୀ ନିବେଶକ ହୁଅନ୍ତୁ ଅବା ଅନ୍ୟ ପଡୋଶୀ ଦେଶ କାହାରିକୁ ଜବାବ ଦେବାକୁ କେବେ ପଛଘୁଞ୍ଚା ଦିଅନ୍ତି ନାହିଁ ଭାରତୀୟ ବୈଦେଶିକମନ୍ତ୍ରୀ ଡକ୍ତର ଏସ ଜୟଶଙ୍କର । ସବୁବେଳେ ସୁଟ ବୁଟ ଆଉ ଏକ ଡେଭିଲ ସ୍ମାଇଲରେ ସେ ନଜର ଆସିଥାଆନ୍ତି। କିନ୍ତୁ ଆପଣ କେବେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅଧିକ କିଛି ଶୁଣିଛନ୍ତି କି ? କିଛି ଏଭଳି କଥା ଅଛି ଯାହା ଶୁଣିବା ପରେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ । ଆଉ ଏହି ମନ୍ତ୍ରୀ ତାଙ୍କ ଜୀବନରେ କେତେ ଦୁଃଖ ଦେଖନ୍ତି ଏହା ଜାଣିବା ପରେ ଆପଣ ମଧ୍ୟ ଦୁଃଖିତ ହେଇଯିବେ ।
ଏସ ଜୟଶଙ୍କର ଭାବେ ଜଣାଶୁଣା ବା ସୁବ୍ରମଣ୍ୟମ୍ ଜୟଶଙ୍କର ହେଉଛନ୍ତି ବର୍ତ୍ତମାନର କୂଟନୀତିଜ୍ଞ ତଥା ବୈଦେଶିକ ମନ୍ତ୍ରୀ। ତାଙ୍କର ଦୀର୍ଘ ସେବା କ୍ୟାରିଅରରେ ସେ ସଫଳତାର ସହ ଭାରତର ବୈଦେଶିକ ନୀତିରେ ପ୍ରଭାବ ପକାଇଛନ୍ତି। ସେ ଭାରତର ବୈଦେଶିକ ରାଜନୀତିରେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି ଏବଂ ତାଙ୍କର କୂଟନୈତିକ ଦକ୍ଷତା ଏବଂ ଅଭିଜ୍ଞତା ଭାରତକୁ ବିଶ୍ୱରେ ଏକ ଉଚ୍ଚ ସ୍ଥାନକୁ ଆଣିବାରେ ଏକ ବିଶେଷ ଅବଦାନ ରହିଛି।
ଜୟଶଙ୍କର ୯ ଜାନୁଆରୀ ୧୯୫୫ ରେ ନୂଆଦିଲ୍ଲୀରେ ଏକ ପାରମ୍ପାରିକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ। ଜୟଶଙ୍କର ପ୍ରାରମ୍ଭିକ ଶିକ୍ଷା ଦିଲ୍ଲୀର ବାୟୁସେନା କେନ୍ଦ୍ରୀୟ ବିଦ୍ୟାଳୟରୁ ହେଇଥିଲା । ଏହାପରବର୍ତ୍ତି ଶିକ୍ଷା ସେ ଦିଲ୍ଲୀର ସେଣ୍ଟ ଜୋସେଫ କଲେଜରୁ ଆରମ୍ଭ କରିଥିଲେ। ସେ ସେଠାରେ ସ୍ନାତକୋତ୍ତର ସ୍ନାତକ (BSc) ରେ ସ୍ନାତକ ସମାପ୍ତ କରିଥିଲେ। ସେ ସ୍ନାତକୋତ୍ତର ପରେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ (ଜେଏନୟୁ)ମାଷ୍ଟର ଅଫ୍ ଇଣ୍ଟରନ୍ୟାସନାଲ ଷ୍ଟଡିଜ୍ (MA) କରିଥିଲେ। ଆଉ ଏହି ସମୟରେ ତାଙ୍କ ଜୀବନରେ ଏକ ମୋଡ଼ ଆସିଥିଲା । ସେ ଜେଏନୟୁରେ ପଡୁଥିବା ସମୟରେ ଶୋଭାଙ୍କୁ ଭେଟିଥିଲେ। ସେମାନଙ୍କର ବନ୍ଧୁତା ପ୍ରେମରେ ପରିଣତ ହେଲା ଏବଂ ସେମାନେ ବିବାହ କଲେ। କିନ୍ତୁ ଦୁଃଖର ବିଷୟ କର୍କଟ ରୋଗ ହେତୁ ପତ୍ନୀ ଶୋଭାଙ୍କର ଦେହାନ୍ତ ହୋଇଥିଲା।
ଅନ୍ୟପକ୍ଷରେ, ୧୯୯୬ ମସିହାରେ, ଜୟଶଙ୍କର ଏକ IFS ଅଧିକାରୀ ଭାବେ ଜାପାନରେ ପୋଷ୍ଟିଂ ପାଇଲେ। ସେ ଜାପାନରେ ଥିବା ସମୟରେ କାଇକୋ ସୋମେକାୱାଙ୍କୁ ଭେଟିଥିଲେ। ଉଭୟ ପୂର୍ବରୁ ଭଲ ବନ୍ଧୁ ହୋଇଥିଲେ । ତା’ପରେ ଦୁହେଁ ବିବାହ କଲେ । ଜୟଶଙ୍କର ଦୁଇଥର ବିବାହ କରିଥିଲେ ଏବଂ ଉଭୟ ପ୍ରେମ ବିବାହ ଥିଲା। ବର୍ତ୍ତମାନ ସେ ଧ୍ରୁଭ, ଅର୍ଜୁନ ଏବଂ ଝିଅ ମେଧା ନାମକ ତିନି ସନ୍ତାନ ଲାଭ କରିଛନ୍ତି ।
ବିଶେଷ କଥା ହେଉଛି ଜୟଶଙ୍କର ଏବଂ ତାଙ୍କ ପତ୍ନୀ କାଇକୋଙ୍କ ଜନ୍ମଦିନ ଗୋଟିଏ ଦିନ ଅର୍ଥାତ ୯ ଜାନୁଆରୀରେ ପଡେ। ଭାରତୀୟ ବୈଦେଶିକ ସେବା ଅଧିକାରୀଙ୍କ ଠାରୁ ବ ବୈଦେଶିକ ମନ୍ତ୍ରୀ ପର୍ଯ୍ୟନ୍ତ ଯାତ୍ରା କରିଥିବା ଏସ ଜୟଶଙ୍କର ୬ ଟି ଭାଷାରେ ଜ୍ଞାନବାନ। ହିନ୍ଦୀ, ଇଂରାଜୀ, ତାମିଲ, ଋଷ, ଜାପାନିଜ ଏବଂ ହଙ୍ଗେରୀ ଭାଷା ଉପରେ ତାଙ୍କର ଜବରଦସ୍ତ ଅଭିଜ୍ଞତା ରହିଛି। ସେ ମାତ୍ର ୨୪ ବର୍ଷ ବୟସରେ ଜଣେ IFS ଅଧିକାରୀ ହୋଇଥିଲେ। ୨୦୧୫ ମସିହାରେ ସେ ବୈଦେଶିକ ସଚିବ ଭାବରେ ନିଯୁକ୍ତ ହୋଇଥିଲେ।
