ଲୁଣ ଯୋଗୁଁ ପ୍ରତିବର୍ଷ ୧୮ ଲକ୍ଷ ଲୋକ ମରୁଛନ୍ତି, ବିଶ୍ୱକୁ ଚିନ୍ତାରେ ପକାଇଛି ଡବ୍ଲୁଏଚଓର ରିପୋର୍ଟ
ଯଦି ଖାଦ୍ୟରେ ଲୁଣ ନଥାଏ ତେବେ ଖାଦ୍ୟର ସ୍ୱାଦ ବରର୍ବାଦ ହୋଇଯାଏ । ଆଜି ଆପଣ ଲୁଣ ବିନା ନିଜ ଜୀବନକୁ କଳ୍ପନା ମଧ୍ୟ କରିପାରିବେ ନାହିଁ । ଆପଣ ଭାବି ପାରିବେନି ଯେ ଲୁଣ କେତେ ଗୁରୁତ୍ୱପୂର୍ଣ୍ଣ, ଯେଉଁଥିପାଇଁ ଭାରତରେ ଦେଶବ୍ୟାପୀ ଆନ୍ଦୋଳନ ହୋଇଥିଲା ।
ଆପଣ ଏହାକୁ ଦାଣ୍ଡି ଯାତ୍ରା କିମ୍ବା ଲବଣ ସତ୍ୟାଗ୍ରହ ଭାବରେ ଜାଣିଛନ୍ତି । ଆସନ୍ତୁ ବର୍ତ୍ତମାନ ଆପଣଙ୍କୁ ଏହି ଆର୍ଟିକିଲରେ କହିବା ଆମ ଶରୀର ପାଇଁ ଲୁଣ କେତେ ମହତ୍ୱପୂର୍ଣ୍ଣ ଏବଂ ଏହାଯୋଗୁଁ ପ୍ରତିବର୍ଷ କେତେ ଲକ୍ଷ ଲୋକ ମରିଯାଆନ୍ତି ।
ଶରୀର ଉପରେ ଲୁଣର ପ୍ରଭାବ :-
ବିବିସି ୱାର୍ଲ୍ଡ ସର୍ଭିସ ‘ଦି ଫୁଡ୍ ଚେନ୍’ ଉପରେ ଏକ କାର୍ଯ୍ୟକ୍ରମ କରିଛି । ଏହା ଆମ ଶରୀର ପାଇଁ ଲୁଣ କେତେ ବିପଜ୍ଜନକ ତାହା କହିଛି । ଅବଶ୍ୟ ଅନେକ ବିଶେଷଜ୍ଞ ଅଛନ୍ତି , ଯେଉଁମାନେ କୁହନ୍ତି ଯେ ଆମ ଶରୀର ପାଇଁ ଲୁଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଉଦାହରଣ ସ୍ୱରୂପ, ଆମେରିକାର ରାଉଟର ୟୁନିଭରସିଟିର ପୁଷ୍ଟିକର ବିଜ୍ଞାନର ପ୍ରଫେସର ପଲ୍ ବ୍ରେସଲିନ୍ ବିସିସିଆଇ ସହ କଥାବାର୍ତ୍ତା କରୁଥିବାବେଳେ କହିଛନ୍ତି ଯେ ଜୀବନ ପାଇଁ ଲୁଣ ଜରୁରୀ ।
ଏହାର କାରଣ ହେଉଛି ସକ୍ରିୟ ମାନବ କୋଷ ପାଇଁ ଲୁଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ବ୍ୟତୀତ, ଯଦି ଆମେ ପର୍ଯ୍ୟାପ୍ତ ପରିମାଣର ସୋଡିୟମ୍ ଖାଉ ନାହୁଁ ତେବେ ଆମେ ମଧ୍ୟ ମରିପାରିବା । ବାସ୍ତବରେ, ସୋଡିୟମ୍ ଅଭାବ ହାଇପୋନାଟ୍ରେମିଆ ନାମକ ଏକ ରୋଗ ସୃଷ୍ଟି କରିପାରେ, ଯାହା ଦ୍ୱାରା ଭ୍ରମ, ବାନ୍ତି, ଚିଡଚିଡ଼ାପଣ ଏବଂ କୋମା ଭଳି ଗୁରୁତର ଅବସ୍ଥା ସୃଷ୍ଟି କରିପାରେ ।
ଲୁଣ ବ୍ୟବହାର ଏବଂ ମୃତ୍ୟୁ :-
ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଅନୁଯାୟୀ ଦୈନନ୍ଦିନ ଖାଦ୍ୟରେ ୫ ଗ୍ରାମ ଲୁଣ ଖାଇବା ଆବଶ୍ୟକ । ୫ ଗ୍ରାମ ଲୁଣରେ ପ୍ରାୟ ୨ ଗ୍ରାମ ସୋଡିୟମ୍ ଥାଏ, ଯାହା ଏକ ଚାମଚ ସହିତ ସମାନ । କିନ୍ତୁ ଲୋକମାନେ ୫ ଗ୍ରାମ ଲୁଣ ଖାଆନ୍ତି ନାହିଁ ବରଂ ଏହାର ଦୁଇଗୁଣ ବ୍ୟବହାର କରନ୍ତି । ଡବ୍ଲୁଏଚଓ ରିପୋର୍ଟ ଅନୁଯାୟୀ, ବିଶ୍ୱରେ ଲୋକମାନେ ପ୍ରତିଦିନ ହାରାହାରି ୧୧ ଗ୍ରାମ ଲୁଣ ଖାଆନ୍ତି । ଏହି କାରଣରୁ ହୃଦ୍ ରୋଗ, ଗ୍ୟାଷ୍ଟ୍ରିକ୍ କର୍କଟ, ଅଷ୍ଟିଓପୋରୋସିସ୍, ମେଦବହୁଳତା ଏବଂ କିଡନୀ ରୋଗ ହେବାର ଆଶଙ୍କା ବଢ଼ିଥାଏ ।
ପ୍ରତିବର୍ଷ ଲୁଣ କାରଣରୁ ହେଉଥିବା ମୃତ୍ୟୁ ବିଷୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଆକଳନ କରିଛି ଯେ, ସାରା ବିଶ୍ୱରେ ଲୁଣ ଯୋଗୁଁ ପ୍ରତିବର୍ଷ ପ୍ରାୟ ୧୮.୯ ଲକ୍ଷ ଲୋକ ମୃତ୍ୟୁ ବରଣ କରନ୍ତି । ଏହି ମୃତ୍ୟୁରେ ଲୁଣ ସିଧାସଳଖ ଭୂମିକା ଗ୍ରହଣ କରେ ନାହିଁ । ବରଂ ଯେଉଁ ରୋଗରେ ଲୋକଙ୍କର ମୃତ୍ୟୁ ହୋଇଥାଏ, ତାହାକୁ ବଢ଼ାଇଥାଏ । ଏହି କାରଣରୁ ସ୍ୱାସ୍ଥ୍ୟ ବିଶେଷଜ୍ଞମାନେ ସର୍ବଦା ପରାମର୍ଶ ଦିଅନ୍ତି ଯେ ଲୁଣକୁ ସର୍ବନିମ୍ନ ବ୍ୟବହାର କରାଯିବା ଉଚିତ୍ । ଚିନି ସମ୍ବନ୍ଧରେ ଲୋକଙ୍କୁ ଏହି ପ୍ରକାର ପରାମର୍ଶ ମଧ୍ୟ ଦିଆଯାଏ ।
