ଶ୍ରୀଲଙ୍କା କ୍ରିକେଟ ଟିମର ମୁଖ୍ୟ କୋଚ ଭାବେ ନିଯୁକ୍ତି ପାଇଲେ ସନତ ଜୟସୁରିୟା
ନୂଆଦିଲ୍ଲୀ: ଶ୍ରୀଲଙ୍କାର ପୂର୍ବତନ ଓପନର ତଥା ହାର୍ଡ ହିଟର ସନତ ଜୟସୁରିୟାଙ୍କୁ ମିଳିଛି ଏକ ବଡ଼ ଦାୟିତ୍ୱ । ଜୟସୁରିୟାଙ୍କୁ ଶ୍ରୀଲଙ୍କା କ୍ରିକେଟ ଟିମର ମୁଖ୍ୟ କୋଚ ଭାବେ ନିଯୁକ୍ତି ଦିଆଯାଇଛି । ଏହା ପୂର୍ବରୁ ଜୟସୁରିୟା ଶ୍ରୀଲଙ୍କାର ଅନ୍ତରୀଣ ମୁଖ୍ୟ କୋଚ ଭାବେ କାର୍ଯ୍ୟ କରୁଥିବେ ବେଳେ ସେହି ଅବଧିରେ ଶ୍ରୀଲଙ୍କା ବେଶ୍ ଉଚ୍ଚକୋଟୀର ପ୍ରଦର୍ଶନ କରିଥିଲା । ଶ୍ରୀଲଙ୍କା ଏକାଧିକ ସିରିଜରେ ବିଜୟ ହାସଲ କରିଥିଲା । ଏହାପରେ ଜୟସୁରିୟାଙ୍କୁ ଏବେ ସ୍ଥାୟୀ ଭାବେ ମୁଖ୍ୟ କୋଚ ଦାୟିତ୍ୱ ପ୍ରଦାନ କରାଯାଇଛି ।
ନିକଟରେ ସମାପ୍ତ ହୋଇଥିବା ଭାରତ, ଇଂଲଣ୍ଡ ଓ ନ୍ୟୁଜିଲାଣ୍ଡ ବିପକ୍ଷ ସିରିଜରେ ଜୟସୁରିୟା ଅନ୍ତରୀଣ ମୁଖ୍ୟ କୋଚ ଭୂମିକା ତୁଲାଇଥିଲେ । ଏବେ ସେ ସ୍ଥାୟୀ ଭାବେ ଏହି ପଦରେ କାର୍ଯ୍ୟ କରିବେ । ଚଳିତ ଅକ୍ଟୋବର ମାସ ୧ ତାରିଖରୁ ୨୦୨୬ ମସିହା ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ଜୟସୁରିୟା ଏହି ଦାୟିତ୍ୱରେ ରହିବେ । ଶ୍ରୀଲଙ୍କା କ୍ରିକେଟ ରାଷ୍ଟ୍ରୀୟ ଟିମର ମୁଖ୍ୟ କୋଚ ଭାବେ ଜୟସୁରିୟାଙ୍କ ନିଯୁକ୍ତି ନେଇ ଶ୍ରୀଲଙ୍କା କ୍ରିକେଟ ଟିମ୍ ପକ୍ଷରୁ ସୋସିଆଲ ମିଡ଼ିଆରେ ଘୋଷଣା କରାଯାଇଛି ।
Sri Lanka Cricket wishes to announce the appointment of Sanath Jayasuriya as the head coach of the national team.
The Executive Committee of Sri Lanka Cricket made this decision taking into consideration the team’s good performances in the recent tours against India, England,… pic.twitter.com/IkvAIJgqio
— Sri Lanka Cricket 🇱🇰 (@OfficialSLC) October 7, 2024
