କାଲିଠାରୁ ୩ ଦିନ ପର୍ଯ୍ୟନ୍ତ ଏହି ସମୟରେ ହେବ ନାହିଁ ଟଙ୍କା ଟ୍ରାନ୍ସଫର, SBIର ଗୁରୁତ୍ୱପୂର୍ଣ୍ଣ ସୂଚନା
ନୂଆଦିଲ୍ଲୀ: ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ବା ଏସବିଆଇରେ ଆକାଉଣ୍ଟ ଥିବା ଗ୍ରାହକଙ୍କ ପାଇଁ ଆସିଛି ବଡ଼ ଖବର । ଗ୍ରାହକଙ୍କ ପାଇଁ ସତର୍କ ସୂଚନା ଜାରି କରିଛି ଏସବିଆଇ । ବ୍ୟାଙ୍କ ପକ୍ଷରୁ କୁହାଯାଇଛି ଯେ, କାଲିଠାରୁ ୩ ଦିନ ପର୍ଯ୍ୟନ୍ତ ବ୍ୟାଙ୍କର କିଛି ସ୍ୱତନ୍ତ୍ର ସେବା କାମ କରିବ ନାହିଁ । ଏନେଇ ବ୍ୟାଙ୍କ ପକ୍ଷରୁ ଟ୍ୱିଟ୍ କରାଯାଇ ସୂଚନା ଦିଆଯାଇଛି ।
ଏସବିଆଇ ପକ୍ଷରୁ କରାଯାଇଥିବା ଟ୍ୱିଟରେ କୁହାଯାଇଛି ଯେ, ସିଷ୍ଟମର ରକ୍ଷଣାବେକ୍ଷଣା ପାଇଁ ୯, ୧୦ ଓ ୧୧ ଅକ୍ଟୋବରରେ ବ୍ୟାଙ୍କର କିଛି ସେବା ବନ୍ଦ ରହିବ । ଏହି ସେବାରେ ଇଣ୍ଟରନେଟ୍ ବ୍ୟାଙ୍କିଙ୍ଗ, ୟୋନୋ, ୟୋନୋ ଲାଇଟ୍ ଓ ୟୁପିଆଇ ସାମିଲ ରହିଛି । ବ୍ୟାଙ୍କ ନିଜ ଗ୍ରାହକମାନଙ୍କୁ ଉନ୍ନତ ସେବା ଯୋଗାଇବା ପାଇଁ ସମୟ ସମୟରେ ଅପଗ୍ରେଡ କରିଥାଏ, ଯାହାଦ୍ୱାରା ଗ୍ରାହକମାନଙ୍କୁ ଡିଜିଟାଲ ସୁବିଧା ଅତି ସହଜରେ ମିଳିପାରିବ ।
ତେବେ ୯ ଅକ୍ଟୋବରର ରାତି ୧୨ଟା୨୦ରୁ ୨ଟା ୨୦ ପର୍ଯ୍ୟନ୍ତ ଏସବିଆଇର ସେବା ବନ୍ଦ ରହିବ । ସେହିପରି ୧୦ ଓ ୧୧ ଅକ୍ଟୋବରର ରାତି ୧୧.୨୦ରୁ ୧ଟା ୨୦ ପର୍ଯ୍ୟନ୍ତ ଏହି ସେବାଗୁଡିକ ଉପଲବ୍ଧ ହେବନାହିଁ ବୋଲି ଏସବିଆଇ ପକ୍ଷରୁ ଟ୍ୱିଟରେ କୁହାଯାଇଛି ।
We request our esteemed customers to bear with us as we strive to provide a better Banking experience.#InternetBanking #SBI #YONO pic.twitter.com/3t09OhEfqf
— State Bank of India (@TheOfficialSBI) October 7, 2021
