ଦେଶର ପ୍ରତ୍ୟେକ ବ୍ୟକ୍ତିଙ୍କ ଆୟ ହେବ ୧୪.୯ ଲକ୍ଷ ଟଙ୍କା: ପିଏମ ମୋଦୀଙ୍କ ପରେ ଅନୁମୋଦନ କଲା SBI
ନୂଆଦିଲ୍ଲୀ: କିଛି ଦିନ ପୂର୍ବେ ଦେଶର ପ୍ରଧାନମନ୍ତ୍ରୀ ପ୍ରଥମ ଥର ପାଇଁ କହିଥିଲେ ଯେ, ୨୦୨୮ ସୁଦ୍ଧା ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେବ ଏବଂ ପରଦିନ ଏସବିଆଇ ସପୋର୍ଟରେ ଆକଳନ କରି ଏହି କଥାକୁ ସମର୍ଥନ କରିଛି ।
ଆଜି ଅର୍ଥାତ୍ ଅଗଷ୍ଟ ୧୫ ରେ ଯେତେବେଳେ ପ୍ରଧାନମନ୍ତ୍ରୀ ଲାଲକିଲ୍ଲାରୁ କହିଥିଲେ ଯେ, ୨୦୪୭ ସୁଦ୍ଧା ଦେଶ ବିକାଶ ହେବ, ତା’ପରେ କିଛି ଘଣ୍ଟା ମଧ୍ୟରେ ଏସବିଆଇ ସମର୍ଥନରେ ଆକଳନ ଉପସ୍ଥାପନ କଲା । ଏସବିଆଇ ରିସର୍ଚ୍ଚର ଅର୍ଥନୀତିଜ୍ଞମାନେ ମଙ୍ଗଳବାର ଦିନ ସେମାନଙ୍କ ଅଧ୍ୟୟନରେ କହିଛନ୍ତି ଯେ, ୨୦୨୩ ଆର୍ଥିକ ବର୍ଷରେ ଭାରତର ମୁଣ୍ଡପିଛା ଆୟ ୨ ଲକ୍ଷ (୨୫୦୦ ଡଲାର) ରୁ ବାର୍ଷିକ ୧୪.୯ ଲକ୍ଷ (୧୨,୪୦୦ ଡଲାର) କୁ ବୃଦ୍ଧି ପାଇବ ବୋଲି ଆଶା କରାଯାଉଛି ।
ଆୟ ବୃଦ୍ଧି ପାଇବ :-
ଏକ ବିକଶିତ ଅର୍ଥନୀତି ହେବାକୁ ସରକାର ୨୦୪୭ ର ଲକ୍ଷ୍ୟ ଧାର୍ଯ୍ୟ କରିଛନ୍ତି । ୨୦୨୪ ସାଧାରଣ ନିର୍ବାଚନ ପୂର୍ବରୁ ତାଙ୍କର ଶେଷ ସ୍ୱାଧୀନତା ଦିବସ ଅଭିଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ୨୦୪୭ ର ଲକ୍ଷ୍ୟ ହାସଲ କରିବା ପାଇଁ ଭାରତ ପାଇଁ ଆସନ୍ତା ପାଞ୍ଚ ବର୍ଷ ଗୁରୁତ୍ୱପୂର୍ଣ୍ଣ ଅଟେ । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ୨୦୪୭ ମସିହାରେ ଭାରତକୁ ବିକଶିତ କରିବା କେବଳ ଏକ ସ୍ୱପ୍ନ ନୁହେଁ, ବରଂ ୧୪୦ କୋଟି ଭାରତୀୟଙ୍କ ସଂକଳ୍ପ ।
ଏସବିଆଇ ରିସର୍ଚ୍ଚ ଦାବି କରିଛି ଯେ, ଟିକସଦାତାଙ୍କ ହାରାହାରି ଆୟ ୨୦୨୨ ମସିହାରେ ୧୩ ଲକ୍ଷରୁ ଆର୍ଥିକ ବର୍ଷ ୪୭ ରେ ୪୯.୯ ଲକ୍ଷକୁ ବୃଦ୍ଧି ପାଇବ । ରିପୋର୍ଟରେ ଦର୍ଶାଯାଇଛି ଯେ ଜିଏସ୍ଟି ଏବଂ ଏମଏସଏମଇ ପାଇଁ ଉଦୟ ପୋର୍ଟାଲ ହେତୁ ଆନୁଷ୍ଠାନିକତା ବୃଦ୍ଧି ଆୟକର ରିଟର୍ଣ୍ଣକୁ ତ୍ୱରାନ୍ୱିତ କରୁଛି ।