ଫେଲ୍ ମାରିଲା ଆତଙ୍କବାଦୀ ଷଡଯନ୍ତ୍ର: ପୁଲୱାମାରୁ ୭ କିଲୋର IED ଜବତ

ଶ୍ରୀନଗର: ଜମ୍ମୁ-କାଶ୍ମୀରର ସୈମୁ ତ୍ରାଲରେ ୭ କିଲୋଗ୍ରାମ IED ଜବତ ହୋଇଛି । ଆତଙ୍କବାଦୀଙ୍କ ଦ୍ୱାରା କରାଯାଇଥିବା ବଡ ଷଡଯନ୍ତ୍ରକୁ ଫେଲ୍ କରିଛନ୍ତି ସୁରକ୍ଷା କର୍ମୀ । ପୋଲିସ ଓ ସୁରକ୍ଷାକର୍ମୀଙ୍କ ପକ୍ଷରୁ ସୂଚନା ମିଳିଛି ଯେ, ଦକ୍ଷିଣ କାଶ୍ମୀରର ପୁଲୱାମା ଜିଲ୍ଲାର ତ୍ରାଲର ସୈମୁ ଅଞ୍ଚଳରୁ ପ୍ରାୟ ୫-୭ କିଲୋଗ୍ରାମ ଓଜନର ଏକ IED ଉଦ୍ଧାର କରାଯାଇଛି ।

ଜଣେ ପୋଲିସ ଅଧିକାରୀ କହିଛନ୍ତି ଯେ ଡିଭାଇସକୁ ନିଷ୍କ୍ରିୟ କରିବା ପାଇଁ ଘଟଣାସ୍ଥଳକୁ ଏକ ବୋମା ନିଷ୍କାସନକାରୀ ଦଳ ପଠାଯାଇଛି । ନିକଟରେ ପୋଲିସ ଏବଂ ସୁରକ୍ଷା ବାହିନୀ ତ୍ରାଲ ଏବଂ ଘାଟିର ବିଭିନ୍ନ ଅଞ୍ଚଳରେ ଅନେକ ଆଇଇଡିର ଖୋଜି ନିଷ୍କ୍ରିୟ କରିଥିଲେ । ଗତ ସପ୍ତାହରେ ସେଠାରେ ଥିବା ଚନାପୋରା ପୋଲିସ ପୋଷ୍ଟ ନିକଟରେ ଏକ IED ଉଦ୍ଧାର କରାଯାଇଥିଲା ଓ ତାହାକୁ ନିଷ୍କ୍ରିୟ କରାଯାଇଥିଲା ।