ଟ୍ରକକୁ ପିଟିଲା ସ୍କର୍ପିଓ, ଘଟଣାସ୍ଥଳରେ ୭ ମୃତ, ୫ ଆହତ
ରୋହତାସ : ବିହାର ରୋହତାସ ଜିଲ୍ଲାରେ ଶିବସାଗର ପଖନାରୀ ପାଖରେ ଏନଏଚରେ ଭୟଙ୍କର ସଡକ ଦୁର୍ଘଟଣା ହୋଇଛି । ଏଥିରେ ୭ ଜଣ ଲୋକଙ୍କର ଭୟଙ୍କର ମୃତ୍ୟୁ ହୋଇଛି । ମୃତ ସମସ୍ତ ବ୍ୟକ୍ତି କେରୁର କୁଡାରୀ ଗାଁର ବାସୀନ୍ଦା । ଏହି ଘଟଣାରେ ୫ ଜଣ ଲୋକ ଆହତ ମଧ୍ୟ ହୋଇଛନ୍ତି । ସୂଚନା ଅନୁସାରେ ଏମାନେ ସମସ୍ତେ ଝାରଖଣ୍ଡ ରାଞ୍ଚିରୁ ନିଜ ଗାଁକୁ ଫେରୁଥିଲେ । ଗାଡି ଚଳାଉଥିବା ସମୟରେ ଡ୍ରାଇଭରର ଆଖି ଲାଗିଯାଇଥିଲା, ଯାହାଫଳରେ ସ୍କର୍ପିଓ ଗାଡିଟି ରାସ୍ତା କଡରେ ଠିଆ ହୋଇଥିବା ଏକ ଟ୍ରକକୁ ପଛପଟୁ ଧକ୍କା ଦେଇଥିଲା । ସୂଚନା ଅନୁସାରେ ଗାଡିରେ ୧୨ ଜଣ ଲୋକ ଯାତ୍ରା କରୁଥିଲେ ।
ପ୍ରତ୍ୟେକ୍ଷଦର୍ଶୀଙ୍କ କହିବା ଅନୁସାରେ, ରାସ୍ତାରେ ଗାଡିଟି ଦ୍ରୃତ ଗତିରେ ଯାଉଥିଲା ଏହା ପରେ ହଠାତ ଗାଡି ନିୟନ୍ତ୍ରଣ ହରାଇ ରାସ୍ତା କଡରେ ଠିଆ ହୋଇଥିବା ଟ୍ରକୁ ଧକ୍କା ଦେଇଥିଲା । ଏହି ଘଟଣାରେ ୫ ଜଣ ମହିଳାଙ୍କ ସମେତ ୨ ଜଣ ଶିଶୁଙ୍କ ମୃତ୍ୟୁ ହୋଇଛି । ଗାଡିରେ ଥିବା ଅନ୍ୟ ୫ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଘଟଣାରେ ଆହତ ହୋଇଥିବା ଏବଂ ମୃତ ହୋଇଥିବା ଲୋକମାନେ ଗୋଟିଏ ପରିବାର ସଦସ୍ୟ ।
