ଦେଶ ପାଇଁ ସର୍ଟକଟ୍ ବିପଜ୍ଜନକ; ଗୁଜରାଟ ବିଜୟ ପରେ ପ୍ରଧାନମନ୍ତ୍ରୀ ମୋଦୀଙ୍କ ଟାର୍ଗେଟରେ ବିରୋଧୀ
ନୂଆଦିଲ୍ଲୀ: ଗୁଜୁରାଟରେ ରେକର୍ଡ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜେପି ମୁଖ୍ୟାଳୟରେ କର୍ମୀଙ୍କୁ ସମ୍ବୋଧିତ କରିଛନ୍ତି। ଏହି ସମୟରେ ସେ ହିମାଚଳ ପ୍ରଦେଶ ଭଳି ଗୁଜୁରାଟର ଭୋଟରଙ୍କୁ ଧନ୍ୟବାଦ ଜଣାଇଥିଲେ। ଏଥି ସହିତ ସେ ବିରୋଧୀଙ୍କୁ ମଧ୍ୟ ଟାର୍ଗେଟ କରିଥିଲେ। ପ୍ରଧାନମନ୍ତ୍ରୀ ମୋଦୀ ଲୋକକଥା ଛଳରେ ବିରୋଧୀଙ୍କୁ କଟାକ୍ଷ କରିଛନ୍ତି। ଏହା ସହିତ ସେ ଯୁବ ଭୋଟରଙ୍କୁ ମଧ୍ୟ ଅନେକ ସନ୍ଦେଶ ଦେଇଥିଲେ। ପ୍ରଧାନମନ୍ତ୍ରୀ କହିଛନ୍ତି ଯେ, ଆମେ ସମାଜ ଏବଂ ଦେଶକୁ ଏକଜୁଟ କରିବାରେ ବ୍ୟସ୍ତ। ଭାରତରେ ବର୍ତ୍ତମାନ ଗରିବ ଲୋକ ସେମାନଙ୍କର ଅଧିକାର ପାଇଛନ୍ତି। ଦେଶ ଆଜି ସର୍ଟକଟ୍ ଚାହୁଁନାହିଁ, ଦେଶର ଭୋଟର ଅବଗତ ଅଛନ୍ତି। ସେ ତାଙ୍କର ଭଲ ଏବଂ ଖରାପ ଜାଣନ୍ତି।
ତେବେ ସର୍ଟକଟ୍ ରାଜନୀତିରେ ଦେଶର କୌଣସି ପ୍ରକାର ଭଲ ହେବ ନାହିଁ। ଆଜି ଦେଶ ବହୁତ ସତର୍କ ରହିଛି। ଦେଶର ପ୍ରତ୍ୟେକ ରାଜନୈତିକ ଦଳକୁ ମନେ ରଖିବାକୁ ହେବ ଯେ ନିର୍ବାଚନ ପ୍ରଚାର ଦ୍ୱାରା କିଛି ଲାଭ ହୋଇପାରିବ ନାହିଁ। ଆଜିର ଦେଶର ଲୋକମାନେ ରାଜନୈତିକ ଦଳଗୁଡିକୁ ଦେଖୁଛନ୍ତି ଏବଂ ବୁଝୁଛନ୍ତି ଯେଉଁମାନେ ସମାଜ ମଧ୍ୟରେ ଦୂରତା ବଢ଼ାଇ ଦେଶ ସମ୍ମୁଖରେ ନୂତନ ଆହ୍ୱାନ ସୃଷ୍ଟି କରି ତୁରନ୍ତ ଲାଭ ଉଠାଇବାକୁ ଯାଉଛନ୍ତି।
ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ କହିଛନ୍ତି ଯେ, ଆମେ କେବଳ ଘୋଷଣା ପାଇଁ ଘୋଷଣା କରୁନାହୁଁ। ଆମେ ରାଷ୍ଟ୍ର ନିର୍ମାଣ ପାଇଁ ବାହାରିଛୁ। ସେଥିପାଇଁ ଆମେ କେବଳ 5 ବର୍ଷର ଲାଭ ଏବଂ କ୍ଷତିକୁ ଦେଖୁନାହୁଁ। ଆମେ କରୁଥିବା ପ୍ରତ୍ୟେକ ଘୋଷଣା ପଛରେ ଏକ ଦୀର୍ଘକାଳୀନ ଲକ୍ଷ୍ୟ ଅଛି। ଯଦି ଦେଶ ସମୃଦ୍ଧ ତେବେ ସମସ୍ତଙ୍କର ସମୃଦ୍ଧତା ନିଶ୍ଚିତ।
Speaking at the @BJP4India HQ in Delhi. https://t.co/1617VCfIdx
— Narendra Modi (@narendramodi) December 8, 2022
