ଇନଷ୍ଟାଗ୍ରାମରେ ଶ୍ରଦ୍ଧାଙ୍କର ସବୁଠାରୁ ଅଧିକ ଫଲୋର୍ସ, ପିଏମ ମୋଦୀଙ୍କୁ ବି ପଛରେ ପକାଇଲେ
ନୂଆଦିଲ୍ଲୀ: ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ବର୍ତ୍ତମାନ ନିଜ ‘ସ୍ତ୍ରୀ୨’ ଫିଲ୍ମ ଦ୍ୱାରା ଦର୍ଶକଙ୍କୁ ଘାଇଲା କରିଛନ୍ତି। ବକ୍ସ ଅଫିସରେ ଏହି ଫିଲ୍ମ ସୁପରହିଟ ହୋଇସାରିଛି ଏବଂ ବ୍ଲକବଷ୍ଟର ବି ହେବାକୁ ଯାଉଛି। ଶ୍ରଦ୍ଧା ନିଜର ଏହି ଫିଲ୍ମର ସଫଳତାର ଆନନ୍ଦ ନେଉଛନ୍ତି। ବକ୍ସ ଅଫିସରେ ଶ୍ରଦ୍ଧାଙ୍କ ଫିଲ୍ମ ନୂଆ ରେକର୍ଡ କରିଛି। ଅନ୍ୟପକ୍ଷରେ ବର୍ତ୍ତମାନ ସେ ଇନଷ୍ଟାଗ୍ରାମ ଫଲୋର୍ସ ମାମଲାରେ ପିଏମ ମୋଦୀଙ୍କୁ ପଛରେ ପକାଇଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ମଧ୍ୟ ଶ୍ରଦ୍ଧା କପୁର ବହୁତ ଲୋକପ୍ରିୟ। ବର୍ତ୍ତମାନ ଅଭିନେତ୍ରୀ ଇନଷ୍ଟାଗ୍ରାମ ଫଲୋର୍ସ ମାମଲାରେ ପିଏମ ମୋଦୀଙ୍କୁ ପଛରେ ପକାଇଛନ୍ତି। ପିଏମ ମୋଦୀଙ୍କ ୯୧.୩ ମିଲିୟନ ଇନଷ୍ଟାଗ୍ରାମ ଫଲୋର୍ସ। ସେହିପରି ଶ୍ରଦ୍ଧା କପୁରଙ୍କ ବର୍ତ୍ତମାନ ଇନଷ୍ଟାଗ୍ରାମରେ ଫଲୋର୍ସ ପିଏମ ମୋଦୀଙ୍କଠାରୁ ଅଧିକ ୯୧.୫ ମିଲିୟନ ହୋଇସାରିଛି।
ଭାରତରେ ଇନଷ୍ଟାଗ୍ରାମରେ ସବୁଠାରୁ ଅଧିକ ଫଲୋ କରାଯାଉଥିବା ଲୋକଙ୍କ ତାଲିକାରେ ଶ୍ରଦ୍ଧା କପୁର ବର୍ତ୍ତମାନ ତୃତୀୟ ନମ୍ବରରେ ଅଛନ୍ତି। ଏହି ମାମଲାରେ କ୍ରିକେଟର ଲିଜେଣ୍ଡ ବିରାଟ କୋହଲି ପ୍ରଥମ ନମ୍ବରରେ ଅଛନ୍ତି। ଇନଷ୍ଟାଗ୍ରାମରେ ତାଙ୍କର ଫଲୋର୍ସ ସଂଖ୍ୟା ୨୭୦ ମିଲିୟନ ଅଟେ। ଏହି ମାମଲାରେ ପ୍ରିୟଙ୍କା ଚୋପ୍ରା ଜୋନସ ଦ୍ୱିତୀୟ ସ୍ଥାନ ଅଧିକାର କରିଛନ୍ତି।