ନଦୀକୁ ଖସିଲା ଯାତ୍ରୀବାହୀ ବସ୍, ୫ ଜଣଙ୍କର ଚାଲିଗଲା ପ୍ରାଣ, ୧୫ ଆହତ

ନୂଆଦିଲ୍ଲୀ: ସିକ୍କିମର ପାଙ୍କୟୋଗ ଜିଲ୍ଲାର ଅଟଳ ସେତୁ ପାଖରେ ଏକ ବସ୍ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ପାଞ୍ଚ ଜଣ ଯାତ୍ରୀଙ୍କର ମୃତ୍ୟୁ ଘଟିଛି । ଏଥିସହ ୧୫ ଜଣ ଆହତ ହୋଇଛନ୍ତି । ଏହି ବସଟି ସିଲୀଗୁଡ଼ିରୁ ଗଙ୍ଗଟୋକ ଯାଉଥିବା ବେଳେ ନଦୀ କୂଳରେ ଏହି ବସଟି ଖସି ପଡି ଦୁର୍ଘଟଣା ଘଟିଛି । ମୃତକଙ୍କ ମଧ୍ୟରୁ ମହିଳା ମଧ୍ୟ ସାମିଲ ଅଛନ୍ତି । ଆହତଙ୍କୁ ଚିକିତ୍ସା ପାଇଁ ରଂଗୋପର ଏକ ସ୍ୱାସ୍ଥ୍ୟ କେନ୍ଦ୍ର ନିଆଯାଇଛି । ପୋଲିସ କହିଛି ଯେ, ମୃତକଙ୍କ ସଂଖ୍ୟାରେ ବୃଦ୍ଧି ହେବାର ସମ୍ଭାବନା ରହିଛି, କାରଣ ଆହତଙ୍କ ମଧ୍ୟରୁ ଅନେକ ଲୋକଙ୍କ ଅବସ୍ଥା ଗୁରୁତର ରହିଛି । ଏହି ଦୁର୍ଘଟଣା କିପରି ଘଟିଲା, ତାହା ଯାଞ୍ଚ କରାଯାଉଛି ।