(Video) ପାରାଗ୍ଲାଇଡିଂ ସମୟରେ 820 ଫୁଟ ତଳକୁ ଖସିଲେ ଟ୍ରେନର, ଭାଇରାଲ ହେଉଛି ଛାତିଥରା ଭିଡିଓ
ନୂଆଦିଲ୍ଲୀ: ବ୍ରାଜିଲରୁ ସାମ୍ନାକୁ ଆସିଛି ଏକ ଦୁଃଖଦ ଘଟଣା । ବ୍ରାଜିଲର ସାଓ କାନରାଡୋରେ ସ୍କାଇଡ୍ରାଇଭିଂ ପ୍ରଶିକ୍ଷକ ଜୋସ ଡି ଏଲେନକରଙ୍କ ମୃତ୍ୟୁ ହୋଇଛି । ଏହାକୁ ନେଇ ସମସ୍ତେ ଚକିତ ହୋଇପଡିଥିବା ବେଳେ ଦୁର୍ଘଟଣା ସମୟର ଭିଡିଓ ଦେଖିଲେ ଲୋମ ଟାଙ୍କୁରି ଉଠୁଛି । 820 ଫୁଟ ତଳକୁ ଖସି ତାଙ୍କର ମୃତ୍ୟୁ ହୋଇଛି । 49 ବର୍ଷୀୟ ସେନାର ଯୁବକ ପାରାଗ୍ଲାଇଡିଂର ପ୍ରୟାସ କରୁଥୁଲେ । ଏନେଇ ସେ ଏକ ପାହାଡ ଉପରେ ଉଡାଣ ଭରିବା ଆରମ୍ଭ କରିଥିଲେ । ତେବେ ପାରାସୁଟ ଲାଗିଥିବା ସତ୍ତ୍ବେ ମଧ୍ୟ ତାଙ୍କର ସନ୍ତୁଳନ ଠିକ୍ ରହିନଥିଲା । ସନ୍ତୁଳନ ବିଗିଡିବା କାରଣରୁ ସେ 820 ଫୁଟ ତଳକୁ ଖସି ପଡିଥିଲେ । ତେବେ ଏହି ସମୟର ଭିଡିଓ ମଧ୍ୟ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ତେବେ ଭିଡିଓରେ ଦେଖାଯାଇଛି ଯେ, ବ୍ୟକ୍ତିଜଣକ ଉଡାଣ ଭରିବା ସମୟରେ ଏକ ପାହାଡରେ ପିଟିହୋଇ ତଳକୁ ଖସିପଡିଥିଲେ । ତେବେ ତାଙ୍କର ମୃତ୍ୟୁ ହୋଇଥିବା ନେଇ ପୋଲିସ ପକ୍ଷରୁ ସୁନିଶ୍ଚିତ କରାଯାଇଥିବା ବେଳେ ପୋଲିସ ଯାଞ୍ଚ ଆରମ୍ଭ କରିଛି । ତେବେ ପୋଲିସ ପ୍ରାଥମିକ ଯାଞ୍ଚରୁ ସ୍ପଷ୍ଟ କରିଛି ଯେ, ଉପକରଣ ଖରାପ ହେବା କାରଣରୁ ସେ ଉଡାଣ ଭରିପାରି ନଥିଲେ । ଫଳରେ ପାହାଡକୁ ଖସିବାରୁ ତାଙ୍କର ଶୋଚନୀୟ ଭାବେ ମୃତ୍ୟୁ ହୋଇଥିଲା । ତେବେ ଏକ ସୁତ୍ରରୁ ଜଣାପଡିଛି ଯେ, ପାଇଲଟ ଉଡାଣ ଭରିବା ପାଇଁ ରୋପର ବ୍ୟବହାର କରିନଥିଲେ । ସେ ଉଡାଣ ଭରିବା ପାଇଁ ବିପଦପୂର୍ଣ୍ଣ ସ୍ଥାନ ବାଛିଥିଲେ । ଏହି ଅଞ୍ଚଳ ନିଷେଧ ରହିଥିଲା, ତେଣୁ ତାଙ୍କ ମୃତ୍ୟୁ ପାଇଁ କେହି ଦାୟୀ ନୁହନ୍ତି ବୋଲି ଏକ ରିପୋର୍ଟରେ କୁହାଯାଇଛି ।
FATALIDADE
José de Alencar Lima Junior, de 49 anos, morreu neste domingo (3) ao tentar decolar de speed fly na Pedra Bonita, em São Conrado, zona sul do Rio de Janeiro. O acidente ocorreu no momento em que o piloto se preparava para o voo e corria para ganhar velocidade. pic.twitter.com/UFDiIu1J0Z
— BT Mais (@belemtransito) November 4, 2024
