(video): ‘ଭିନେଶ ଜଣେ ଚାମ୍ପିୟନ’-ହରିୟାଣା ମୁଖ୍ୟମନ୍ତ୍ରୀ କହିଲେ ଅଲିମ୍ପିକ୍ସରୁ ବାହାର ହେବା ପରେ ବି ଭିନେଶଙ୍କୁ ସ୍ୱାଗତ କରାଯିବ, ପଦକ ବିଜେତା ଭଳି ମିଳିବ ସମସ୍ତ ସୁବିଧା
ଓଡିଶା ଭାସ୍କର: ହରିୟାଣା ମୁଖ୍ୟମନ୍ତ୍ରୀ ନାୟବ ସିଂ ସୈନି ଭିନେଶଙ୍କୁ ନେଇ ବଡ ବୟାନ ଦେଇଛନ୍ତି । ସେ କହିଛନ୍ତି ଯେ, ଭିନେଶ ପଦକ ଜିତନ୍ତୁ କି ନ ଜିତନ୍ତୁ ତାଙ୍କୁ ପଦକ ବିଜେତା ଭଳି ସ୍ୱାଗତ କରାଯିବ । ଏହାବାଦ ସେ ସମସ୍ତ ସମ୍ମାନର ବି ଅଧିକାରିଣୀ ହେବେ । ସେ ଅଯୋଗ୍ୟ ଘୋଷିତ ହେଲେ ନିଜ ଓଜନ ପାଇଁ, ମାତ୍ର ଭିନେଶ ସର୍ବଦା ଜଣେ ଚାମ୍ପିୟନ ବୋଲି ହରିୟାଣା ମୁଖ୍ୟମନ୍ତ୍ରୀ କହିଛନ୍ତି ।
हरियाणा की हमारी बहादुर बेटी विनेश फौगाट ने ज़बरदस्त प्रदर्शन करके ओलंपिक में फाइनल में प्रवेश किया था। किन्हीं भी कारणों से वो भले ही ओलंपिक का फाइनल नहीं खेल पाई हो लेकिन हम सबके लिए वो एक चैंपियन है।
हमारी सरकार ने ये फैसला किया है कि विनेश फौगाट का स्वागत और अभिनंदन एक…
— Nayab Saini (@NayabSainiBJP) August 8, 2024
କୁସ୍ତିରୁ ସନ୍ୟାସ ଘୋଷଣା ପରେ ହରିୟାଣା ମୁଖ୍ୟମନ୍ତ୍ରୀ ଏହି ଟିପ୍ପଣୀ ରଖିଛନ୍ତି । କହିରଖୁ, ୧୦୦ ଗ୍ରାମ ଓଜନ ବୃଦ୍ଧି ପାଇଁ ଭିନେଶ ଅଲିମ୍ପିକ୍ସରୁ ଅଯୋଗ୍ୟ ଘୋଷିତ ହୋଇଥିଲେ । ଏକ ପୋଷ୍ଟ ମାଧ୍ୟମରେ ହରିୟାଣା ମୁଖ୍ୟମନ୍ତ୍ରୀ କହିଛନ୍ତି ଯେ, ହରିୟାଣାର ସାହସୀ ଓ ସୁନାଝିଅ ଭିନେଶ ଜବରଦସ୍ତ ପ୍ରଦର୍ଶନ କରି ଅଲିମ୍ପିକ୍ସ ଫାଇନାଲରେ ସ୍ଥାନ ପକ୍କା କରିଥିଲେ । ସେ ଫାଇନାଲ ନ ଖେଳି ବି ଚାମ୍ପିୟନ ବୋଲି ହରିୟାଣା ମୁଖ୍ୟମନ୍ତ୍ରୀ ନାୟବ ସିଂ ସୈନୀ କହିଛନ୍ତି । ଏହାବାଦ ସେ ଭିନେଶଙ୍କୁ ପଦକ ବିଜେତା ଭଳି ସମସ୍ତ ସମ୍ମାନ ଦିଆଯିବକୁ ମଧ୍ୟ ଘୋଷଣା କରିଛନ୍ତି । ଏହା ପରେ ଭିନେଶଙ୍କ ଚାଚା ମହାବୀର ଫୋଗଟ ହରିୟାଣା ସରକାରଙ୍କୁ ଏଥିପାଇଁ ଧନ୍ୟବାଦ ଅର୍ପଣ କରିଛନ୍ତି ।