ଶ୍ରୀଲଙ୍କା ସଂଙ୍କଟ: ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷ ଲୋକଙ୍କୁ କହିଲେ ଆପଣ ପ୍ରଦର୍ଶନ କଲେ ଆମେ ଡଲାର ହରାଉଛନ୍ତି
ଶ୍ରୀଲଙ୍କାରେ ଜାରି ରହିଥିବା ଆର୍ଥୀକ ସଂଙ୍କଟ ଏବଂ ସାଧାରଣ ଜନତାଙ୍କ ବିରୋଧ ପ୍ରଦର୍ଶନ ମଧ୍ୟରେ ଆଜି ଦେଶର ଜନତାଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷ। ସେ ଦେଶର ଲୋକଙ୍କୁ ଶାନ୍ତି ପାଇଁ ଅପିଲ କରିଛନ୍ତି । ସେ କହିଛନ୍ତି ଯେ ଆପଣ ଯେତେବେଳେ ବିରୋଧ ପ୍ରଦର୍ଶନ କରୁଛନ୍ତି ସେତେବେଳେ ଆମେ ଡଲାର ହରାଉଛନ୍ତି । ପ୍ରଦର୍ଶନକାରୀମାନେ ରାଜପକ୍ଷ ପରିବାର ପ୍ରତି ବର୍ତ୍ତମାନ ଖୁବ ନାରାଜ ଅଛନ୍ତି ।
ଏହି ସମୟରେ ସେ କହିଥିଲେ ଯେ ତାଙ୍କ ସରକାର ଦେଶରେ ସଂଙ୍କଟକୁ ଏଡାଇବା ପାଇଁ ସମସ୍ତ ପଦକ୍ଷେପ ଉଠାଉଛନ୍ତି । ଜାରି ରହିଥିବା ସଂଙ୍କଟର ସମାଧାନ ପାଇଁ ସେ ସମସ୍ତ ଦଳକୁ ଆଗକୁ ଆସି ମିଳିମିଶି କାର୍ଯ୍ୟ କରିବାକୁ ପ୍ରସ୍ତାବ ଦେଇଥିଲେ ମଧ୍ୟ କେହି ଏଥି ପ୍ରତି ଆଗ୍ରହ ଦେଖାଇ ନଥିଲେ । ସେ କହିଛନ୍ତି ଯେ ତାଙ୍କ ସରକାର ଦେଶରେ ଯୁଦ୍ଧ ସମାପ୍ତ କରି ବିକାଶ ଆଡକୁ ଦେଶକୁ ନେଇଥିଲେ । ଦେଶର ସଡ଼କ, ବନ୍ଦର ଏବଂ ରାଜମାର୍ଗ ଲୋକଙ୍କ ଉନ୍ନତି ପାଇଁ କରିଥିଲେ । ଯେ ପର୍ଯ୍ୟନ୍ତ ସେଗୁଡ଼ିକୁ ଦେୟ ଦେବା ପାଇଁ ଡଲାର ପାଇ ନାହୁଁ, ସେ ପର୍ଯ୍ୟନ୍ତ ଏହି ସଂଙ୍କଟକୁ ଦୁରର କରିବା ପାଇଁ ଆମେ ଚେଷ୍ଟା କରିବୁ ।
ଶ୍ରୀଲଙ୍କାରେ ଜାରି ରହିଥିବା ସଂଙ୍କଟ ମଧ୍ୟରେ ପୁରା ଦେଶରେ ସରକାରଙ୍କ ପ୍ରତି ଆକ୍ରୋଶ ରହିଛି । ଲୋକମାନେ ରାଜରାସ୍ତାକୁ ଆସି ସରକାରଙ୍କ ବିରୁଦ୍ଧରେ ବିରୋଧ ପ୍ରଦର୍ଶନ କରୁଛନ୍ତି । ଦେଶରେ ଉତ୍କଟ ମହଙ୍ଗା ସମସ୍ୟା ଦେଖା ଦେଇଛି । ଦେଶରେ ପେଟ୍ରୋଲ ଡିଜେଲ ସହିତ ଖାଦ୍ୟସସ୍ୟରେ ମଧ୍ୟ ଅଭାବ ଦେଖା ଦେଇଛି । ଭାରତର ଏହି ପଡୋଶି ଦେଶରେ ଦିନେ ପଯ୍ୟଟକଙ୍କ ଭିଡ ଲାଗୁଥିବା ବେଳେ ଏବେ ପର୍ଯ୍ୟଟନ ଶିଳ୍ପ ଖାଁ ଖାଁ ହୋଇ ପଡିଛି ।
