ଭାରତରେ ଯେଉଁଭଳି ବଢୁଛି ଜନସଂଖ୍ୟା, ଏହାଠାରୁ ଅଧିକ ପ୍ରାଣହାରୁଛନ୍ତି ଛାତ୍ର: ରିପୋର୍ଟରୁ ଖୁଲାସା
ନୂଆଦିଲ୍ଲୀ: ଭାରତରେ ଛାତ୍ରମାନଙ୍କ ପ୍ରାଣ ହାରିବାକୁ ନେଇ ଏକ ନୂଆ ରିପୋର୍ଟ ସାମ୍ନାକୁ ଆସିଛି। ରିପୋର୍ଟ ଅନୁସାରେ, ଭାରତରେ ଛାତ୍ରମାନଙ୍କ ପ୍ରାଣ ହାରିବାର ଘଟଣାମାନ ଜନସଂଖ୍ୟା ବୃଦ୍ଧି ଦର ଏବଂ ସମୁଦାୟ ଆତ୍ମହତ୍ୟାର ଟ୍ରେଣ୍ଡକୁ ପାର କରି ବଢିବାରେ ଲାଗିଛି।
ସମାଚାର ଏଜେନ୍ସି ପିଟିଆଇ ଅନୁସାରେ, ଜାତୀୟ ଅପରାଧ ରେକର୍ଡ ବ୍ୟୁରୋର ସଂଖ୍ୟା ଅନୁଯାୟୀ, ‘ଛାତ୍ରମାନଙ୍କ ପ୍ରାଣହାରିବା:ଭାରତରେ ମହାମାରୀ ବ୍ୟାପିବା’ ବୁଧବାର ଦିନ ବାର୍ଷିକ ଆଇସି ୩ ସମ୍ମିଳନୀ ଏବଂ ଏକ୍ସପୋ ୨୦୨୪ରେ ଲଞ୍ଚ କରାଯାଇଛି। ରିପୋର୍ଟରେ କୁହାଯାଇଛି ଯେ, ଯେଉଁଠାରେ ସମୁଦାୟ ଆତ୍ମହତ୍ୟା ସଂଖ୍ୟାରେ ବାର୍ଷିକ ୨ ପ୍ରତିଶତର ବୃଦ୍ଧି ହୋଇଛି, ସେହିପରି ଛାତ୍ରଙ୍କ ପ୍ରାଣ ହାରିବା ମାମଲାର କମ ରିପୋର୍ଟିଂ ପରେ ବି, ଛାତ୍ରଙ୍କ ପ୍ରାଣ ହାରିବା ମାମଲାରେ ୪ ପ୍ରତିଶତର ବୃଦ୍ଧି ଘଟିଛି।
ରିପୋର୍ଟରେ କୁହାଯାଇଛି ଯେ, ଗତ ଦୁଇ ଦଶନ୍ଧିରେ ଛାତ୍ରଙ୍କ ଆତ୍ମହତ୍ୟାମାନ ୪ ପ୍ରତିଶତର ଚିନ୍ତାଜନକ ବାର୍ଷିକ ଦରରେ ବଢିଛି, ଯାହା ଜାତୀୟ ସ୍ତରରେ ଦ୍ୱିଗୁଣା ଅଟେ। ୨୦୨୨ରେ ସମୁଦାୟ ଛାତ୍ରଙ୍କ ପ୍ରାଣ ହାରିବାରେ ଅଂଶୀଦାର ୫୩ ପ୍ରତିଶତ ଥିଲା। ୨୦୨୧ ଏବଂ ୨୦୨୨ ମଧ୍ୟରେ ଛାତ୍ରଙ୍କ ପ୍ରାଣହାରିବାରେ ୬ ପ୍ରତିଶତ କମିଛି, ଯେଉଁଠାରେ ମହିଳା ଛାତ୍ରୀଙ୍କ ପ୍ରାଣହାରିବାରେ ୭ ପ୍ରତିଶତର ବୃଦ୍ଧି ହୋଇଛି।
ପିଟିଆଇ ରିପୋର୍ଟ ମୁତାବକ, ଛାତ୍ରଙ୍କ ପ୍ରାଣହାରିବା ଘଟଣାମାନ ଜନସଂଖ୍ୟା ବୃଦ୍ଧି ଦର ଏବଂ ସମୁଦାୟ ପ୍ରାଣହାରିବା ଟ୍ରେଣ୍ଡ, ଦୁଇଟିକୁ ପାର କରିଛି। ଗତ ଦଶନ୍ଧିରେ ୦-୨୪ ବର୍ଷର ଶିଶୁଙ୍କ ଜନସଂଖ୍ୟା ୫୮୨ ମିଲିୟନରୁ କମି ୫୮୧ ମିଲିୟନ ହୋଇଛି, ଯେଉଁଥିରେ ଛାତ୍ରଙ୍କ ପ୍ରାଣହାରିବା ସଂଖ୍ୟା ୬,୬୫୪ରୁ ବଢି ୧୩ ହଜାର ୪୪ ହୋଇଯାଇଛି।