(Video)ବିବାହ କରିଲେ ବଲିଉଡ ଅଭିନେତ୍ରୀ ସ୍ଵରା ଭାସ୍କର, ସୋସିଆଲ ମିଡିଆରେ ଭିଡିଓ ହେଉଛି ଭାଇରଲ
ନୂଆଦିଲ୍ଲୀ: ବିବାହ ବନ୍ଧନରେ ବଲିଉଡ ଅଭିନେତ୍ରୀ ସ୍ୱରା ଭାସ୍କର । ସେ ନିଜ ଟ୍ୱିଟର ମାଧ୍ୟମରେ ଏହି ସୂଚନାଦେଇଛନ୍ତି ।ସେ ରାଜନୈତିକ କାର୍ଯ୍ୟକର୍ତ୍ତା ଫହାଦ ଅହମ୍ମଦଙ୍କ ସହ ତାଙ୍କ ବିବାହ ଘୋଷଣା କରିଛନ୍ତି । ଅଭିନେତ୍ରୀ ସେମାନଙ୍କର ପ୍ରେମ କାହାଣୀର ସବିଶେଷ ବିବରଣୀ ଦେଇଥିବାବେଳେ ସେମାନଙ୍କର ସମସ୍ତ ଆକର୍ଷଣୀୟ ମୁହୂର୍ତ୍ତର ଏକ ମୋଣ୍ଟେଜ୍ ସହିତ ଏକ ଭିଡିଓ ସେୟାର କରିଥିଲେ। ଅଭିନେତ୍ରୀ ସେୟାର କରିଛନ୍ତି ଯେ ଏହି ଦମ୍ପତି ସ୍ୱତନ୍ତ୍ର ବିବାହ ଅଧିନିୟମ ଅନୁଯାୟୀ ଜାନୁୟାରୀ ୬, ୨୦୨୩ ରେ କୋର୍ଟରେ ପଞ୍ଜୀକୃତ କରିଥିଲେ।
I never knew chaos can be so beautiful ❤️
Thank you for holding my hand love @ReallySwara 😘😘 https://t.co/ivKVsZrMyx
— Fahad Ahmad (@FahadZirarAhmad) February 16, 2023
ଭିଡ଼ିଓ ପୋଷ୍ଟ କରି ସ୍ଵରା ଲେଖିଛନ୍ତି “ବେଳେବେଳେ ତୁମେ ଏପରି କିଛି ପାଇଁ ବହୁତ ଦୂରରୁ ଖୋଜୁଥାଅ ଯାହା ବାସ୍ତବରେ ଠିକ୍ ତୁମ ପାଖରେ ଥାଏ । ମୁଁ ପ୍ରେମ ଖୋଜୁଥିଲୁ, କିନ୍ତୁ ପ୍ରଥମେ ବନ୍ଧୁତା ପାଇଲୁ। ଏବଂ ତା’ପରେ ଆମେ ପରସ୍ପରକୁ ପାଇଲୁ!
ଏହାସହିତ ସେ ତାଙ୍କ ସ୍ୱାମୀଙ୍କ ନାମ ଟ୍ୟାଗ କରିଛନ୍ତି । ଏହାପରେ ଏହି ଯୋଡିଙ୍କୁ ଏବେ ଖୁବ ପ୍ରଶଂସା ଏବଂ ଶୁଭକାମନା ମିଳିବା ଆରମ୍ଭ ହୋଇ ଯାଇଛି । ବର୍ତ୍ତମାନ ସେଲିବ୍ରେଟି ଖୁବ ଧୂମଧାମରେ ବିବାହ କରୁଥିବା ବେଳେ ସେ ଶାନ୍ତି ପୂର୍ଣ୍ଣଭାବେ ଏହି ବିବାହ ରଚାଇଛନ୍ତି ।
