ଟି-୨୦ ବିଶ୍ୱକପରେ ନୂଆ ଜର୍ସି ପିନ୍ଧି ଖେଳିବେ ଭାରତୀୟ ଖେଳାଳି? ଭାଇରାଲ ଫଟୋକୁ ନେଇ ବଢ଼ିଲା ଚର୍ଚ୍ଚା
ନୂଆଦିଲ୍ଲୀ: ଜୁନ ୨ରୁ ଟି-୨୦ ବିଶ୍ୱକପ ଆରମ୍ଭ ହେବାକୁ ଯାଉଥିବା ବେଳେ ଜୁନ ୫ରେ ଭାରତ ତା’ର ପ୍ରଥମ ମ୍ୟାଚ ଖେଳିବ । ବିଶ୍ୱକପ ପାଇଁ ଭାରତ ୧୫ ଜଣିଆ ଟିମ୍ ଘୋଷଣା କରିସାରିଛି । ରୋହିତ ଶର୍ମାଙ୍କ ନେତୃତ୍ୱରେ ଚଳିତ ଥର ଟିମ୍ ଇଣ୍ଡିଆ ବିଶ୍ୱକପ ଖେଳିବ । ତେବେ ଏହା ମଧ୍ୟରେ ସୋସିଆଲ ମିଡ଼ିଆରେ ଏକ ଜର୍ସି ଖୁବ୍ ଭାଇରାଲ ହେବାରେ ଲାଗିଛି । ବିଶ୍ୱକପରେ ଭାରତୀୟ ଖେଳାଳିମାନେ ଉକ୍ତ ଜର୍ସି ପିନ୍ଧି ଖେଳିବେ ବୋଲି ଅନେକ ଦାବି କରୁଛନ୍ତି ।
ସୋସିଆଲ ମିଡ଼ିଆରେ ଭାଇରାଲ ହୋଇଥିବା ଏହି ଜର୍ସିରେ ଭାରତୀୟ ପତାକା ବା ତୀରଙ୍ଗାର ଷ୍ଟ୍ରିପ ଲାଗିଛି । ଜର୍ସିର ଦୁଇପଟର ରଙ୍ଗ କେସରିଆ ହୋଇଥିବା ବେଳେ ସେଥିରେ ଧଳା ରଙ୍ଗର ଷ୍ଟ୍ରିପ ରହିଛି । ଜର୍ସିର ଆଗପଟ ରଙ୍ଗ ନୀଳ ରହିଛି । ଏଥିସହିତ ତା’ ଉପରେ ଏଡିଡାସ ଓ ବିସିସିଆଇର ଲୋଗୋ ମଧ୍ୟ ରହିଛି । ୱେଷ୍ଟଇଣ୍ଡିଜ ଓ ଆମେରିକାରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପ ପାଇଁ ଏହା ଭାରତୀୟ ଦଳର ଅଫିସିଆଲ ଜର୍ସି ହେବ ବୋଲି ଅନେକ ଫ୍ୟାନ୍ସ ଦାବି କରୁଛନ୍ତି । ସେହିପରି ଏହା ଟିମ୍ ଇଣ୍ଡିଆର ଅଫିସିଆଲ ଜର୍ସି ନୁହେଁ, ଏହା ପ୍ରାକ୍ଟିସ କିଟ୍ ବୋଲି ମଧ୍ୟ ଅନେକ ଦାବି କରୁଛନ୍ତି ।
Team India jersey for T20 World Cup 2024#PBKSvCSK #T20WorldCup24 pic.twitter.com/EokA9AHYTF
— TATA IPL 2024 Commentary #IPL2024 (@TATAIPL2024Club) May 5, 2024
