କାନ୍ଦୁରୀ ଡଷ୍ଟବିନ୍… ‘ମୁଁ ଅଳିଆ ଖାଇବାକୁ ଚାହେଁ ’ ସମସ୍ତଙ୍କ ପାଖକୁ ଯାଇ ଅଳିଆ ମାଗୁଛି… Video ଦେଖିଲେ ସବୁ ବୁଝିଯିବେ
ଓଡ଼ିଶା ଭାସ୍କର: ହଂକଂର ଏକ ଡଷ୍ଟବିନ୍କୁ ନେଇ ଚାରିଆଡ଼େ ଚର୍ଚ୍ଚା । ଏ ଡଷ୍ଟବିନ୍ ଅନ୍ୟ ଡଷ୍ଟବିନ୍ ଠାରୁ ବହୁତ ଅଲଗା । କାରଣ ଏ ଡଷ୍ଟବିନ୍ ଚାଲୁଛି, କାନ୍ଦୁଛି ଆଉ କଥା ମଧ୍ୟ କହୁଛି । ଏ ଡଷ୍ଟବିନ୍ କାନ୍ଦି କାନ୍ଦି ଲୋକଙ୍କ ପାଖକୁ ଯାଉଛି ଏବଂ ଲୋକଙ୍କ ପାଖକୁ ଯାଇ ତା’ ଭିତରେ ଅଳିଆ ପକାଇବାକୁ କହୁଛି । ଏ ବିଚିତ୍ର ଡଷ୍ଟବିନ୍ର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଠାରେ ସେ ଲୋକଙ୍କ ପାଖକୁ ଯାଉଛି ଏବଂ ଅଳିଆ ମାଗୁଛି । ।ଲୋକମାନେ ମଧ୍ୟ ତା’ କଥା ଶୁଣି ହସୁଥିବାବେଳେ ଆଉକିଛି ଡଷ୍ଟବିନରେ ଅଳିଆ ମଧ୍ୟ ପକାଉଥିବା ଦେଖିବାକୁ ମିଳିଛି ।
View this post on Instagram
ଭିଡିଓଟି ଏବେ ସୋସିଆଲ ମିଡିଆରେ ଘୁରିବୁଲୁଛି । ଡଷ୍ଟବିନ ମେସିନରେ ଚକ ଲାଗିଛି । ଯାହା ସାହାଯ୍ୟରେ ଡଷ୍ଟବିନଟି ଲୋକଙ୍କ ପାଖକୁ ଯାଉ କହୁଛି, ମୁଁ ଅଳିଆ ଖାଇବାକୁ ଚାହେଁ… କ’ଣ ଆପଣଙ୍କ ପାଖରେ ଅଳିଆ ଅଛି? ଭିଡିଓଟିକୁ ୧ ଲକ୍ଷରୁୂ ଅଧିକ ଲୋକ ଦେଖିସାରିଲେଣି । ଅନେକ କାନ୍ଦୁରୀ ଡଷ୍ଟବିନ୍କୁ ଦେଖି କମେଣ୍ଟ ମଧ୍ୟ କରିଛନ୍ତି । ଜଣେ ୟୁଜର ଲେଖିଛନ୍ତି, ୫୦ ବର୍ଷ ପରେ ଭାରତରେ ଏଭଳି ଡଷ୍ଟବିନ୍ ଦେଖିବାକୁ ମିଳିବ । ଆଉ ଜଣେ ୟୁଜର ଲେଖିଛନ୍ତି, ତୁମେ ଇଣ୍ଡିଆ ଆସିଯାଅ ତୁମକୁ କିଙ୍ଗ ଟ୍ରିଟମେଣ୍ଟ ମିଳିବ ।
