ହାଇକୋର୍ଟରେ ୧୦୦୦ ରୁ ଅଧିକ ପଦବୀ ପାଇଁ ନିଯୁକ୍ତି, ଜାଣନ୍ତୁ ଆବେଦନର ପ୍ରୋସେସ୍

ତେଲେଙ୍ଗାନା ହାଇକୋର୍ଟରେ କାମ କରିବାକୁ ସ୍ୱପ୍ନ ଦେଖୁଥିବା ପ୍ରାର୍ଥୀଙ୍କ ପାଇଁ ଏକ ବଡ଼ ସୁଯୋଗ ସୃଷ୍ଟି ହୋଇଛି । କୋର୍ଟ ମାଷ୍ଟର, କମ୍ପ୍ୟୁଟର ଅପରେଟର, ଷ୍ଟେନୋଗ୍ରାଫର, ଟାଇପିଷ୍ଟ, ଜୁନିଅର ଆସିଷ୍ଟାଣ୍ଟ, ପରୀକ୍ଷକ ଏବଂ ଅନ୍ୟାନ୍ୟ ପଦବୀ ପାଇଁ ହାଇକୋର୍ଟ ୧୦୦୦ ରୁ ଅଧିକ ପଦବୀ ଖାଲି କରିଛନ୍ତି ।

ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ୮ ଜାନୁୟାରୀ ୨୦୨୫ ରୁ ଅନଲାଇନରେ ଆବେଦନ କରିପାରିବେ । ଆବେଦନ ପାଇଁ ଶେଷ ତାରିଖ ହେଉଛି ୩୧ ଜାନୁଆରୀ ୨୦୨୫ । ବିଭିନ୍ନ ପୋଷ୍ଟଗୁଡିକର ଅଲଗା ଅଲଗା ଶିକ୍ଷାଗତ ଯୋଗ୍ୟତା ରହିଛି ।

ଖାଲିଥିବା ସଂଖ୍ୟା:
ତେଲେଙ୍ଗାନା ହାଇକୋର୍ଟ ଦେଇଥିବା ବିଜ୍ଞପ୍ତି ଅନୁଯାୟୀ ବିଭିନ୍ନ ପଦବୀ ପାଇଁ ମୋଟ ୧୦୦୦ ରୁ ଅଧିକ ପଦବୀ ଖାଲି ଅଛି । ଏହି ପୋଷ୍ଟଗୁଡିକରେ କୋର୍ଟ ମାଷ୍ଟରର ୧୨, କମ୍ପ୍ୟୁଟର ଅପରେଟରର ୧୧, ଆସିଷ୍ଟାଣ୍ଟର ୪୨, ପରୀକ୍ଷକଙ୍କ ୨୪, ଟାଇପିଷ୍ଟର ୧୨, କପିଷ୍ଟର ୧୬, ସିଷ୍ଟମ ଆନାଲିଷ୍ଟର ୨୦, ଅଫିସ ସବୋର୍ଡିନେଟର ୭୫, ଷ୍ଟେନୋଗ୍ରାଫର ଗ୍ରେଡ ଓଓ ର ୪୫, ଜୁନିଅର ଆସିଷ୍ଟାଣ୍ଟର ୩୪୦, ଫିଲ୍ଡ ଆସିଷ୍ଟାଣ୍ଟ ପାଇଁ ୬୬, ପ୍ରୋସେସ୍ ସର୍ଭର ପାଇଁ ୧୩୦, ରେକର୍ଡ ଆସିଷ୍ଟାଣ୍ଟ ପାଇଁ ୫୨ ଓ ଅଫିସ୍ ସବଅର୍ଡିନେଟ ୪୭୯ ଟି ପୋଷ୍ଟ ସାମିଲ ।

ଏହା ହେଉଛି ଆବେଦନ ପ୍ରକ୍ରିୟା :

ସର୍ବପ୍ରଥମେ ତେଲେଙ୍ଗାନା ହାଇକୋର୍ଟର ଅଫିସିଆଲ୍ ୱେବସାଇଟ୍ (tshc.gov.in) କୁ ଯାଆନ୍ତୁ ।
ହୋମପେଜରେ ଦିଆଯାଇଥିବା ବିଜ୍ଞପ୍ତିରେ କ୍ଲିକ୍ କରନ୍ତୁ ।
ବିଭିନ୍ନ ପୋଷ୍ଟ ପାଇଁ ଦିଆଯାଇଥିବା ଲିଙ୍କରେ କ୍ଲିକ୍ କରନ୍ତୁ ।
ଆବଶ୍ୟକ ସୂଚନା ପୂରଣ କରି ପଞ୍ଜୀକରଣ ନମ୍ବର ପାଆନ୍ତୁ ।
ପଞ୍ଜୀକରଣ ନମ୍ବର ଏବଂ ପାସୱାର୍ଡ ବ୍ୟବହାର କରି ଲଗଇନ୍ କରନ୍ତୁ ।
ଆବେଦନ ଫର୍ମକୁ ଯତ୍ନର ସହିତ ପୁରଣ କରନ୍ତୁ ଏବଂ ଏହାକୁ ଦାଖଲ କରନ୍ତୁ ।
ଫର୍ମ ଦାଖଲ କରିବା ପରେ ଏକ ୟୁନିକ୍ ନମ୍ବର ସୃଷ୍ଟି ହେବ ।
ଭବିଷ୍ୟତରେ ବ୍ୟବହାର ପାଇଁ ଆବେଦନ ଫର୍ମ ଡାଉନଲୋଡ୍ ଏବଂ ମୁଦ୍ରଣ କର ।

ବୟସ ସୀମା: ଏହି ନିଯୁକ୍ତିରେ ଭାଗ ନେବାକୁ ପ୍ରାର୍ଥୀଙ୍କ ବୟସ ୧୮ ରୁ ୩୪ ବର୍ଷ ମଧ୍ୟରେ ହେବା ଉଚିତ୍ । ବୟସ ୧ ଜୁଲାଇ ୨୦୨୪ ଆଧାରରେ ଗଣନା କରାଯିବ ।

ଲିଖିତ ପରୀକ୍ଷା: କିଛି ପୋଷ୍ଟ ପାଇଁ କମ୍ପ୍ୟୁଟର ଆଧାରିତ ଲିଖିତ ପରୀକ୍ଷା କରାଯିବ । ପରୀକ୍ଷାରେ ସମୁଦାୟ ୯୦ ଟି ପ୍ରଶ୍ନ ରହିବ । ପ୍ରତ୍ୟେକ ପ୍ରଶ୍ନ ୧ ମାର୍କର ରହିବ ଏବଂ ପ୍ରାର୍ଥୀମାନେ ପରୀକ୍ଷା ପାଇଁ ୧୨୦ ମିନିଟ୍ ପାଇବେ ।

ଆବେଦନ ଶୁଳ୍କ: ଏହି ନିଯୁକ୍ତି ପାଇଁ ଆବେଦନ ଶୁଳ୍କ ମଧ୍ୟ ସ୍ଥିର କରାଯାଇଛି । ଓସି ଓ ବିସି ବର୍ଗ ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୬୦୦ ଟଙ୍କା । ଏସସି, ଏସଟି, ଇଡବ୍ଲୁଏସ୍ ଏବଂ ଏକ୍ସ ସର୍ଭିସମ୍ୟାନ୍ ବର୍ଗ ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୪୦୦ ଟଙ୍କା ।