ନିଖୋଜ ଶୁଆକୁ ଖୋଜିଦେଲେ ମିଳିବ ୧୦,୦୦୦ ଟଙ୍କାର ପୁରସ୍କାର
ନୂଆଦିଲ୍ଲୀ: ଛକ ବଜାର ଓ ଅଟୋରେ ଲାଗିଛି ପୋଷ୍ଟର । ପୋଷା ଶୁଆକୁ ଫେରି ପାଇବାକୁ ମାଲିକର ଆକୁଳ ନିବେଦନ । ଯିଏ ଶୁଆକୁ ଖୋଜିଦେବ ତାକୁ ମିଳିବ ନଗଦ ଦଶ ହଜାର ଟଙ୍କାର ପୁରସ୍କାର । ହଁ , ଦର୍ଶକ ବନ୍ଧୁ ମଧ୍ୟପ୍ରଦେଶର ଦାମୋହରୁ ପ୍ରେମର ଏକ କାହାଣୀ ଉଭା ହୋଇଛି ଯେଉଁଠାରେ ଜଣେ ବ୍ୟକ୍ତି ନିଜର ନିଖୋଜ ଶୁଆକୁ ଖୋଜୁଛନ୍ତି । ଦୀପକ ସୋନି ସହରର ବିଭିନ୍ନ ସ୍ଥାନରେ ପୋଷ୍ଟର ଲଗାଇ ତାଙ୍କ ପ୍ରିୟ ଶୁଆ କେଉଁଠାରେ ଅଛି ଯଦି କେହି ଖୋଜିଦେବେ ତାହା ବଦଳରେ ସେହି ବ୍ୟକ୍ତିଙ୍କୁ ୧୦,୦୦୦ ନଗଦ ଟଙ୍କା ପୁରସ୍କାର ପ୍ରଦାନ କରିବେ ବୋଲି ଘୋଷଣା କରିଛନ୍ତି ।
ନିଖୋଜ ପକ୍ଷୀକୁ ଖୋଜିବାରେ ସାହାଯ୍ୟ ଆଶା କରି ସେ ଅଟୋ, ରିକ୍ସା ଡ୍ରାଇଭରମାନଙ୍କୁ ମଧ୍ୟ ଅର୍ଥ ପ୍ରଦାନ କରିଛନ୍ତି। ଶ୍ରୀ ସୋନି କହିଛନ୍ତି, ଗତ ରାତିରୁ ଶୁଆଟି ନିଖୋଜ ଅଛି, ଏହାକୁ ମୋର ପୁରା ପରିବାର ଭଲ ପାଉଥିଲେ। ମୋ ବାପା ଗତକାଲି ଏହାକୁ ବାହାରକୁ ନେଇଯାଇଥିବା ବେଳେ ଶୁଆଟି ଉଡି ଯାଇଥିଲା । ମୁଁ ଭାବୁଛି ଏହା କୌଣସି ସ୍ଥାନରେ ଲୁଚି ରହିଛି। ଶୁଆଟି ଉଡିଯିବାର କାରଣ ହେଉଛି କିଛି କୁକୁର ଶୁଆକୁ ଦେଖି ଭୁକିଥିଲେ, ହୁଏତ ଏହି ଭୟରେ ଶୁଆଟି ଲୁଚି ରହିଛି । ଏନେଇ ଆମେ ସମସ୍ତେ ବିବ୍ରତ ଅଛୁ , ସକାଳ ୨ ଟାରୁ ଆମେ ପକ୍ଷୀକୁ ଖୋଜୁଛୁ।
ଶୁଆଟି ଗତ ସପ୍ତାହରେ ମଧ୍ୟ ଉଡ଼ି ଯାଇଥିଲା ଏବଂ ନିଜେ ଆପେ ଆପେ ଫେରି ଆସିଥିଲା। କିନ୍ତୁ ଏଥର ଆମେ ତାକୁ ଆଦୌ ଦେଖିବାକୁ ପାଉନାହୁଁ । ମୁଁ ଅନୁରୋଧ କରୁଛି ଯେ ଏହାକୁ ଖୋଜୁଥିବା ବ୍ୟକ୍ତିଙ୍କୁ ଆମକୁ ଡାକନ୍ତୁ। ଶୁଆ ମିଳିବା ମାତ୍ରେ ୧୦,୦୦୦ ନଗଦ ଟଙ୍କା ପୁରସ୍କାର ଦେବୁ ବୋଲି ଶ୍ରୀ ସୋନିଙ୍କ ବନ୍ଧୁ ପ୍ରହସନ୍ତ ଶର୍ମା କହିଛନ୍ତି।
ଏକ ବଙ୍କା ଥଣ୍ଟ ଏବଂ ଉଜ୍ଜ୍ୱଳ ସାଗୁଆ ରଙ୍ଗର ଶୁଆଟି ଅନ୍ୟ ଶୁଆ ପରି ଅଟେ । ଏହି ନିର୍ଦ୍ଦିଷ୍ଟ ପକ୍ଷୀ ଶ୍ରୀ ସୋନିଙ୍କ ପରିବାର ସହିତ ଦୁଇ ବର୍ଷ ଧରି ରହିଆସୁଥିଲା । ଶ୍ରୀ ସୋନି କହିଛନ୍ତି ଯେ ସେ ଆହୁରି ଅଧିକ ଦେୟ ଦେବାକୁ ପ୍ରସ୍ତୁତ ଏବଂ କେବଳ ତାଙ୍କ ପୋଷା ପକ୍ଷୀ ଫେରି ପାଇବାକୁ ଚାହୁଁଛନ୍ତି।
