ଖୁବଶୀଘ୍ର ଓଟିଟିରେ ଡେଭ୍ୟୁ କରିବେ ଧକ୍ ଧକ୍ ଗାର୍ଲ ମାଧୁରୀ, ‘ଦ ଫେମ୍ ଗେମ୍ରେ ଦେଖିବାକୁ ମିଳିବ ଜଳୱା
ମୁମ୍ବାଇ : ପ୍ରମଥ ଥର ପାଇଁ ୱେବ୍ ସିରିଜରେ ନଜର ଆସିବେ ବଲିଉଡ ଅଭିନେତ୍ରୀ ମାଧୁରୀ ଦୀକ୍ଷିତ । ମାଧୁରୀଙ୍କ ଅଭିନୀତ ୱେବ ସିରିଜ ‘ଦ ଫେମ୍ ଗେମ୍’ ର ଟ୍ରେଲର ରିଲିଜ ହୋଇଛି । ଏହି ଓଟିଟିରେ ଧକ୍ ଧକ୍ ଗାର୍ଲ ମାଧୁରୀ ସିରିଜରେ ଅଭିନେତା ସଞ୍ଜୟ କପରୁଙ୍କ ମାଧୁରୀଙ୍କ ସ୍ୱାମୀ ରୂପେ ନଜର ଆସିବେ । ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହୋଇଥିବା ଏହି ଟ୍ରେଲରକୁ ଦର୍ଶକ ଖୁବ୍ ଭଲପାଇବା ଦେଇଛନ୍ତି । ଟ୍ରେଲର ଆରମ୍ଭରେ ମାଧୁରୀଙ୍କୁ ଅନାମିକା ଆନନ୍ଦ ଭାବେ ପରିଚିତ କରାଯାଇଛି ।
ସେ ହଠାତ୍ ଅଦୃଶ୍ୟ ହୋଇଯାଆନ୍ତି ଏବଂ ତାଙ୍କର ଅଦୃଶ୍ୟ ହେବା ଏହା ତଦନ୍ତର ବିଷୟ ପାଲଟି ଯାଉଛି । ଏହି ତଦନ୍ତରୁ ତାଙ୍କ ଜୀବନର ଅନେକ ଅକୁଣା କାହାଣୀକୁ ସାମ୍ନାକୁ ଆଣିଛି । ଏହି ଟ୍ରେଲରରେ ଅନାମିକାଙ୍କ ‘ଅପୂର୍ଣ୍ଣ’ ଜୀବନର ଚିତ୍ରକୁ ପ୍ରଦର୍ଶିତ କରୁଛି, ଯାହା ତାଙ୍କ ଭାବନାତ୍ମକ ଘଟଣାରୁ ନେଇ ପାରିବାରିକ ସମ୍ପର୍କ ପର୍ଯ୍ୟନ୍ତ ରହିଛି । ଯେମିତି ତା’ର ଅନ୍ଧକାର ରହସ୍ୟ ସାମ୍ନାକୁ ଆସୁଛି, ସେ ତା’ର ଜଟିଳ ଜୀବନ ଆଡକୁ ଈଶାରା କରୁଛି ଏବଂ ତା’ର ସୁପରଷ୍ଟାର ପଛରେ ଥିବା ଜୀବନକୁ ଦେଖାଉଛି ।
