ନେତୃତ୍ୱକୁ ନେଇ ବିବାଦ, IPL ଅଧାରୁ ଛାଡିବା ପରେ ଜାଡେଜାଙ୍କ ପ୍ରଥମ ପୋଷ୍ଟ ଭାଇରାଲ
ନୂଆଦିଲ୍ଲୀ: ଆଇପିଏଲରେ ଖରାପ ନେତୃତ୍ୱ ଯୋଗୁଁ ବିବାଦ । ଆଉ ତାପରେ ଆଘାତ ପାଇ ଦଳରୁ ବାଦ ପଡିଥିଲେ ଚେନ୍ନାଇ ସୁପର କିଙ୍ଗସର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା । ଏହା ପରଠୁ ସେ ସୋସିଆଲ ମିଡିଆରୁ ଦୂରେଇ ରହିଥିଲେ । କିନ୍ତୁ କିଛି ଦିନ ବ୍ୟବଧାନ ପରେ ଏବେ ପୁଣିଥରେ ସୋସିଆଲ ମିଡିଆରେ ଏକ ଫଟୋ ଅପଲୋଡ କରିଛନ୍ତି ଜାଡେଜା । ଯାହା ଖୁବ ଭାଇରାଲ ହେବାରେ ଲାଗିଛି । ପ୍ରଶଂସକମାନଙ୍କ ପାଖକୁ ପୁଣି ଫେରିଛନ୍ତି ସାର ଜାଡେଜା ।
ନେତୃତ୍ୱକୁ ନେଇ ହୋଇଥିବା ବିବାଦ ପରେ ପ୍ରଥମ ଥର ପାଇଁ କୌଣସି ଫଟୋ ଶେୟାର କରିଛନ୍ତି ଜାଡେଜା । ପତ୍ନୀ ରିବାବାଙ୍କ ସହ ଏକ ସେଲ୍ଫି ସେ ନିଜ ଇନଷ୍ଟାଗ୍ରାମ ପେଜରେ ଅପଲୋଡ କରିଛନ୍ତି । ଏହି ଫଟୋର କ୍ୟାପ୍ସନରେ ସେ ଲେଖିଛନ୍ତି, ମୁଁ ଆଉ ମୋ ପତ୍ନୀ ।
View this post on Instagram
ଆଇପିଏଲ ୨୦୨୨ ସିଜନ ଆରମ୍ଭରୁ ଚେନ୍ନାଇ ସୁପର କିଙ୍ଗସ ଦଳର ଅଧିନାୟକ ଧୋନୀ ଜାଡେଜାଙ୍କୁ ନେତୃତ୍ୱ ଦେଇଥିଲେ । କିନ୍ତୁ ଦଳ ତାଙ୍କ ନେତୃତ୍ୱରେ ଭଲ ପ୍ରଦର୍ଶନ କରି ପାରି ନଥିଲା । ଫଳରେ ଅଧାରୁ ନେତୃତ୍ୱଭାର ପୁଣିଥରେ ଧୋନୀଙ୍କୁ ଦେଇଥିଲେ ଜାଡେଜା । ଏହାପରେ ଆହତ ହୋଇ ଦଳରୁ ସେ ବାଦ ପଡିଥିଲେ ।
