କର୍ମଚାରୀଙ୍କୁ ମିଳିଲା ଶୋଇବା ପାଇଁ ଛୁଟି, ୱାର୍ଲଡ ସ୍ଲିପ ଡେ ରେ ଏହି କମ୍ପାନୀ ଦେଲା ଉପହାର
ବେଙ୍ଗାଲୁରୁ: କର୍ମଚାରୀ ମାନଙ୍କୁ ଖୁସି କରିବା ପାଇଁ କମ୍ପାନୀ ଭିନ୍ନ ଭିନ୍ନ ଗିଫ୍ଟ ଦେଇଥାନ୍ତି । କିଛିଦିନ ପୂର୍ବରୁ ଖବର ଆସିଥିଲା କି ଚୀନର ଟେକ କମ୍ପାନୀ ନିଜର ପୁରୁଷ କର୍ମଚାରୀ ମାନଙ୍କୁ ଖୁସି ରଖିବା ପାଇଁ ଟ୍ୟାଲେଣ୍ଟେଡ ଚିୟର ଲିଡରର୍ସକୁ ଭଡାରେ ରଖୁଛି । ଏହି ଚିୟର ଲିଡର୍ସ କମ୍ପାନୀର କର୍ମଚାରୀଙ୍କୁ ମୋଟିଭେଟ୍ ମଧ୍ୟ କରୁଛନ୍ତି । ମୁଡ୍ ଖରାପ ଥିଲେ ମଧ୍ୟ ଏହି ଚିୟର ଲିଡର୍ସ ସେମାନଙ୍କୁ ଖୁସି କରିଦେଉଛନ୍ତି । ବର୍ତ୍ତମାନ ବାଙ୍ଗାଲୁରୁରେ ଏକ ଫାର୍ମ ନିଜ କର୍ମଚାରୀଙ୍କୁ ଏକ ଭିନ୍ନ ଗିଫ୍ଟ ଦେଇଛନ୍ତି । କମ୍ପାନୀ ଆନ୍ତର୍ଜାତୀୟ ଶୋଇବା ଦିବସରେ ସମସ୍ତଙ୍କୁ ଶୋଇବା ପାଇଁ ଛୁଟି ଦେଇଛନ୍ତି ।
ହୋମ ସଲ୍ୟୁସନ କମ୍ପାନୀ ଏକ ଇମେଲ କରି କହିଛନ୍ତି ଯେ, ଆମେ କର୍ମଚାରୀ ମାନଙ୍କୁ ଆଜି ଶୋଇବା ଦିବସରେ ଛୁଟି ଦେଇଛୁ । ଯେପରି କର୍ମଚାରୀ ମାନେ ଖୁସି ହୋଇ ଏହି ଉପହାରକୁ ଗ୍ରହଣ କରନ୍ତୁ । ଏହାସହ କର୍ମଚାରୀଙ୍କୁ ଶନିବାର ଏବଂ ରବିବାର ମଧ୍ୟ ଛୁଟି ମିଳିଛି । ଅର୍ଥାତ ଗୋଟେ ଦିନ ଏକ୍ସଟ୍ରା ଛୁଟି ମିଳିଛି । ତାଙ୍କ ପାଇଁ ଏହି ସପ୍ତାହରେ ୩ଦିନ ଛୁଟି ମିଳିଯାଇଛି । ଆମେ ୧୭ ମାର୍ଚ୍ଚ ୨୦୨୩ ଦିବସକୁ କର୍ମଚାରୀ ମାନଙ୍କୁ ଛୁଟି ଦେଇ ଶୟନ ଦିବସ ପାଳନ କରୁଛୁ ।
ଏହା ବ୍ୟତୀତ ୱାକଫିଟ୍ ର ନିର୍ଦ୍ଦେଶକ ତଥା ସହ-ପ୍ରତିଷ୍ଠାତା ଚୈତନ୍ୟ ରାମଲିଙ୍ଗେଗୋଡା ଏକ ସରକାରୀ ବିବୃତ୍ତିରେ କହିଛନ୍ତି ଯେ, କମ୍ପାନୀ ସେମାନଙ୍କ କର୍ମଚାରୀଙ୍କ ପାଇଁ ଏକ ଯୋଗ୍ୟ ବ୍ରେକ୍ ନେବା ପାଇଁ ସରକାରୀ ଶୋଇବା ସମୟ ଭାବରେ ଅପରାହ୍ନ ୨:୦୦ ରୁ ୨:୩୦ ପର୍ଯ୍ୟନ୍ତ ସ୍ଥିର କରିଛି। ସେ ଏହା ମଧ୍ୟ କହିଛନ୍ତି ଯେ, ଅଫିସରେ ଆରାମଦାୟକ ନାପ୍ ପୋଡ୍ ଏବଂ ଶାନ୍ତ କୋଠରୀ ତିଆରି ଦିଗରେ କାର୍ଯ୍ୟ କରୁଛି । ଏହି ପଦକ୍ଷେପ କର୍ମଚାରୀଙ୍କ ଠାରୁ ଏକ ଜବରଦସ୍ତ ପ୍ରତିକ୍ରିୟା ଗ୍ରହଣ କରିଥିଲା ଏବଂ ଏହା ସୋସିଆଲ ମିଡିଆ ପ୍ଲାଟଫର୍ମରେ ବ୍ୟାପକ ଭାବେ ସେୟାର ହୋଇଥିଲା।
Official Announcement 📢 #sleep #powernap #afternoonnap pic.twitter.com/9rOiyL3B3S
— Wakefit Solutions (@WakefitCo) May 5, 2022
